ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||     រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||   

» សិល្បៈបរទេស » លី​លី មាន​អ្នក​ឧបត្ថម្ភ​ចេញទៅ​ដើរលេង​ក្រៅ​ស្រុក​ញឹកញាប់​!

លី​លី មាន​អ្នក​ឧបត្ថម្ភ​ចេញទៅ​ដើរលេង​ក្រៅ​ស្រុក​ញឹកញាប់​!

ភ្នំពេញៈ មួយរយៈ​ពេល​ចុង​ក្រោយនេះ​ស្រី​រូប​ស្រស់​រាង​តូច​ច្រឡឹង កញ្ញា​លី​លី ត្រូវបាន​គេ​សង្កេតឃើញថា នាង​មាន​ភាពស្ងប់ស្ងាត់​ពី​ជីវិត​សិល្បៈ​។ ប្ត៉​ន្តែ​ផ្ទុយទៅវិញ​ជា​រើ​យៗ​គេ​ឧស្សាហ៍​ឃើញ​នាង​ស្ពាយ​បង្វេច​ឡើង​យន្តហោះ​ចេញទៅ​ដើរលេង​ក្រៅប្រទេស​ជា​ញឹកញាប់​រហូតដល់​មាន​លេចឮ​នូវ​ព័ត៌មាន​អេ​ច​អ៊ូច​ថា នាង​មាន​បុរស​ជា​អ្នក​សម្បូរ​ទ្រព្យ​ចាំ​ជួយ​ទំនុកបម្រុង​ពីក្រោយ​ខ្នង​ទៀតផង ។​

នាង លីលី

តាម​ប្រភព​បាន​បង្ហើប​ប្រាប់​ឲ្យ​ដឹងថា ពេលនេះ​តារាចម្រៀង កញ្ញា លី​លី ហាក់​ឃ្លាតឆ្ងាយ​ពី​ជីវិត​សិល្បៈ​ជាង​មុន​ច្រើន​ដោយ​នាង​ឧស្សាហ៍​ចេញចូល​ទៅ​ដើរលេង​នៅក្រៅ​ប្រទេស​ជា​ញឹកញាប់ ។ មានពេលខ្លះ​ខាង​ផលិតកម្ម ឬក៏​ក្រុមហ៊ុន គេ​មក​ទាក់ទង​ការងារ​ជាមួយ​នាង​ក៏​មិន​នាង​ទទួល​ដែរ ព្រោះ​នាង​មិនសូវ​ខ្វល់ខ្វាយ​ពី​ការងារ​ដូចពេលមុន​ទេ ហើយ​ពេលនេះ​នាង​បែរជា​ផ្លាស់​ប្តូរជីវិត​មករ​ស់​នៅក្នុង​ជីវភាព​ឡូយឆាយ ហ៊ឺហា ស៊ី​វិ​ល័យ សម្បូរ​លុយ​ដើរលេង​ក្រៅ​ស្រុក​ជាច្រើន​ប្រទេស​មិនចេះចប់​មិនចេះហើយ​ទៅវិញ​។​

ប្រភព​ដដែល​បាន​បង្ហើប​ប្រាប់​ឲ្យ​ដឹង​បន្ថែមទៀតថា ក្នុង​មួយរយៈ​ពេល ចុងក្រោយ​នេះ​កញ្ញា លី​លី បាន​ផ្លាស់ប្តូរ​ពី​ជីវិត​អ្នកសិល្បៈ​ទៅ​រស់នៅក្នុង​ជីវភាព ហ៊ឺហា​ចាយលុយ​មិនចេះ​អស់​ដោយសារតែ​នាង​មាន​បុរស​អ្នកមាន​ទ្រព្យ​ស្តុកស្តម្ភ​ម្នាក់​ចាំ​ចេញ​លុយ​ឲ្យ​នាង​ចាយ ទោះជា​អស់​ប៉ុន្មាន​ក៏ដោយ​ក៏​មិន​ស្តាយ​ដែរ​ឲ្យ​តែ​នាង​បាន​សប្បាយចិត្ត ។ មិនតែប៉ុណ្ណោះ គេ​សុខចិត្ត​ធ្វើ​គ្រប់បែបយ៉ាង​ឲ្យ​តែ​នាង​សប្បាយចិត្ត និង​ផ្តាច់ខ្លួន​ចេញពី​ពិភព​សិល្បៈ​ទាំងស្រុង ហើយ មនុស្ស​ប្រុស​ដែល​នៅ​ពីក្រោយ​ខ្នង​នាង​នោះ ក៏​ជា​អ្នកមាន​ទ្រព្យ​មិនតិច​ទេ គឺ​រូបគេ​អាច​ចិញ្ចឹម​បីបាច់​នាង​ឲ្យ​រស់នៅ​បាន​យ៉ាង​សុខ​ស្រួល​ទៅ​ថ្ងៃ​អនាគត​ដោយ​នាង​មិនចាំបាច់​បន្ត​អាជីព​ជា​អ្នកសិល្បៈ​ទៀត​ក៏បាន​។​

ការលើកឡើង​បែបនេះ គឺ​ស្រប​ពេលដែល​ទស្សនិកជន​អ្នកតាមដាន​សិល្បៈ​ភាគច្រើន បាន​សង្កេតឃើញ​ពី​ភាព​ស៊ី​វិ​ល័យ​របស់​តារាចម្រៀង​ស្រី​វ័យក្មេង​សម្រស់​ឆើតឆាយ កញ្ញា លី​លី តែងតែ​បង្ហោះ​រូបថត​ជាច្រើន​នៅ​បណ្តាញ​ទំនាក់ទំនង​សង្គម​ហ្វេ​ស​ប៊ុ​ក ដែល​បង្ហាញថា នាង​បាន​ចេញទៅ​ដើរ​កម្សាន្ត​នៅក្រៅ​ប្រទេស​ប្រាកដ​មែន ។ តែ​ចំពោះ​ការ​លើកឡើងថា នាង​មាន​ប្រុស​កំពូល​ស្នេហ៍​ចាំ​ជួយ​ទំនុកបម្រុង​លុយកាក់​ឲ្យ​នាង​ចាយវាយ​ពេញៗ​ដៃ​នោះ​យើង​មិនអាច​សន្និដ្ឋានបានថា ពិតប្រាកដ​នៅឡើយ​ទេ​។

ទាក់ទង​ព័ត៌មាន​ខាងលើនេះ​កាសែត​អរិយ​ម៌​មិនអាច​ទាក់ទង​ទៅ​នាង​ដើម្បី​សុំ​ការបំភ្លឺ​ណាមួយ​បានទេ ដោយសារតែ​លេខ​ទូរស័ព្ទ​ដែល​នាង​ធ្លាប់ប្រើ​នាពេល​កន្លង​មិនអាច​ទាក់ទង​បានទេ​៕

នាង លីលី

Copyright © 2010-2021 · អរិយធម៌ · All Rights Reserved.
Develop by Sek Sathya