ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||     ទីតាំងសង្វៀនជល់មាន់ មួយកន្លែង កំពុងបើកលេងយ៉ាងរំភើយ ដោយម្ចាស់សង្វៀនមាន់ ឈ្មោះ ថុន នឹង ប្រុស  នៅត្បូងឃ្មុំ​  ||     ក្រុមជនខិលខូចកាប់ព្រៃរុករាន ទន្ទ្រានយកដីព្រៃរបស់រដ្ឋ ការពារដោយព្រះរាជក្រឹត្យ ម្តុំបឹងខ្លុង អូរត្រាវចែកលុយគ្នាយ៉ាងរំភើយ  នៅកំពង់ស្ពឺ​  ||     ប្រជាពលរដ្ឋជាង៣០គ្រួសារ មានការព្រួយបារម្ភ ខណៈដែលមន្ត្រីបរិស្ថានដែនជម្រកសត្វព្រៃភ្នំឱរ៉ាល់ ប្រុងលើកគ្នាទៅដកបង្គោលរបងដីស្រែចំការរបស់ពួកគាត់ទាំងបំពាន​  ||   

» Breaking News, ព័ត៌មានជាតិ » ទប់​ទំនប់​តា​កាវ​ឡើងវិញ (​បន្ទាប់ពី អាជ្ញាធរ​អប្សរា ព្យាយាម​ទប់ ស្ទើរ​ពីរ​ថ្ងៃ មិនបាន​សម្រេច​) ​

ទប់​ទំនប់​តា​កាវ​ឡើងវិញ (​បន្ទាប់ពី អាជ្ញាធរ​អប្សរា ព្យាយាម​ទប់ ស្ទើរ​ពីរ​ថ្ងៃ មិនបាន​សម្រេច​) ​

សៀមរាប : កាលពី​ថ្ងៃទី​០៥ រហូតដល់ ថ្ងៃទី​០៨ ខែតុលា ឆ្នាំ​២០១៣ ត្រូវបាន​កងវិស្វកម្ម​សម្ដេច​តេ​ជោ ហ៊ុន សែន ខេត្តសៀមរាប បាន​ប្រើប្រាស់​គ្រឿងចក្រ រថយន្ដ​ដឹក​ដី និង ផ្ទាំង​ប៉េ​តុង​ធំៗ និង​ដឹកនាំ​កម្លាំង ដើម្បី​ទប់​ទំនប់ តា​កាវ នេះ​ឡើងវិញ បន្ទាប់ពី​អាជ្ញាធរ​អប្សរា ព្យាយាម​ដឹកនាំ​កម្លាំង​ទប់ ប្រមាណ​ពេញ​ពីរ​ថ្ងៃ រហូត​ដល់ពេល យប់​មិនបាន
​សម្រេច ថែមទាំង​បាន​បាក់​សារជាថ្មី បន្ទាប់ពី​ការប្រើប្រាស់​កូនឈើ តង់​កៅស៊ូ រនាំង​ឬ​ស្សី និង​កា​រ៉ុង​ដី បិទ​ទប់ រហូតដល់​ម៉ោង​ប្រមាណ ១០​យប់ ថ្ងៃទី​០៧ ខែតុលា នោះ​។​
​អ្នកមើលការខុសត្រូវ​ម្នាក់ នៅ​ឯកា​ដ្ឋា​ន​ទំនប់​តា​កាវ បាន​ឲ្យ​ដឹងថា ចាប់ពី​ព្រលឹម រហូតដល់ រសៀល​ម៉ោង ៦ ថ្ងៃ ទី​០៨ ខែតុលា ឆ្នាំ​២០១៣​នេះ ទំនប់​តា​កាវ បានចាប់ផ្ដើម​ទប់​ជាប់​ជា​បណ្ដើរៗ​ហើយ ក្រោម​ការអនុវត្ត ដោយ កងវិស្វកម្ម​សម្ដេច​តេ​ជោ ហ៊ុន សែន ខេត្តសៀមរាប ដែល​ដឹកនាំ​ដោយ លោក​ឧ​ត្ត​ម​សេនីយ៍​ឯក ខេង សុមេធ ជា
​មេបញ្ជាការ​នៃ​កងវិស្វកម្ម បាន​នាំ​គ្រឿងចក្រ រថយន្ដ​ដឹក​ដី និង​ប្រើប្រាស់​ផ្ទាំង​ថ្ម​ធំៗ​ដើម្បី​ទប់​ទំនប់ នោះ​ឡើងវិញ តាម​លក្ខណ​:​បច្ចេកទេស និង​តាម​សភាព​ជាក់ស្ដែង ។​
​នៅថ្ងៃនេះ​ដែរ លោកនាយ​ឧ​ត្ត​ម​សេនីយ៍ ទៀ បាញ់ ឧបនាយករដ្ឋមន្ត្រី រដ្ឋមន្ត្រី​ក្រសួងការពារជាតិ រួម​ដំណើរ​ដោយ​លោក​អភិបាលខេត្ត ឃឹម ប៊ុន​សុង និង​មន្ត្រីជាន់ខ្ពស់ បាន​ចុះទៅពិនិត្យ​ការ​ការ​ទប់​ទំនប់​តា​កាវ​កាលពី​រសៀល​ថ្ងៃទី​០៨ ខែតុលា​នេះ​។ ហើយ​លោក​ឧបនាយករដ្ឋមន្ត្រី បានផ្ដល់​ជូន​នូវ​ថវិកា​ចំនួន ១០​លាន​រៀន ជូន​ដល់​កងកម្លាំងប្រដាប់អាវុធ និង​អ្នកចូលរួម​ក្នុងការ​ទប់​ទំនប់​នោះ​។ បន្ទាប់មក​លោក បាន​បន្ត​ចុះ​ពិនិត្យ​ស្ថានភាព​ទឹក​ដែល​បាន​ហៀរហូរ ជន់​លិច ផ្នែក​ខ្លះ​នៃ​ក្រុង​សៀមរាប​នោះ ។ រួច​លោក ទើប​បន្តទៅ​ពិនិត្យ​ស្ថានភាព ទឹក​នៅ​បារាយណ៍ និង​សកម្មភាព​បើកផ្លូវ​រំដោះ​ទឹក​ចេញពី​បារាយណ៍ នៅ​បែក ខាងលិច ។​
​សូមបញ្ជាក់​ជាថ្មី​ថា ទំនប់​បុរាណ ឬ ផ្លូវ​បុរាណ ឈ្មោះ​ទំនប់​តា​កាវ នោះ ត្រូវបាន​បាក់​ដោយ​អំណាច​នៃ​កម្លាំង​ទឹកបុក​ទម្លាយ ដែលមាន​ទំហំ​ប្រមាណ​ជា ២០​ម៉ែត្រ និង​ជម្រៅ​ប្រមាណ ៤-៥​ម៉ែត្រ បាន​បាក់ កាលពី​វេលា​ម៉ោង ប្រមាណ​ជា ៧​យប់ ថ្ងៃទី​០៥ ខែតុលា ឆ្នាំ​២០១៣ ដែល​ស្ថិតនៅ​ចម្ងាយ​ប្រមាណ​ជា មិន​ដល់ ១០០​ម៉ែត្រ ពី​ខ្លោងទ្វារ​ខាងលិច ផ្លូវ​ចូល​ប្រាសាទបាយ័ន (​អង្គរធំ​) ខាងលើ​ទន្លេ​អ៊ុំ ដែល​ត្រូវបាន​អំណាច​នៃ​កម្លាំង​ទឹក ដែល​ជាប់​ទ្វារ​ទឹក ក្រោម​ការគ្រប់គ្រង​រប​ស់​អាជ្ញាធរ​អប្សរា បុក​ទម្លាយទំនប់ បណ្ដាល​ឲ្យ​ទឹក​ហៀរហូរ ជន់ លិច ស្ទើរ​មួយ​ចំហៀង​ក្រុង​រហូតមកដល់​ព្រលប់​ថ្ងៃនេះ ៕

Copyright © 2010-2021 · អរិយធម៌ · All Rights Reserved.
Develop by Sek Sathya