ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ និងបក្ខពួក ជះឥទ្ធិពលដ៏អាក្រក់​  ||     ក្លិនស្អុយបែកធ្លាយមកក្រៅ ពីរឿងលោក ហ៊ួ សេន ហៅ សុខ ណា ជាមន្ត្រីយោធាអធិការកិច្ច និងអ្នកកាសែតពីររូបឈ្មោះ សាមុត និង ឈ្មោះ ពុជ និងបក្ខពួកផ្សេងទៀតបានគម្រាម និងជំរិតយកលុយពីប្រជាពលរដ្ឋ២គ្រួសារ ដែលរស់នៅភូមិសំពោចឃុំឃ្សឹមអស់ចំនួន៤លាន៨០ម៉ឺនរៀល​  ||     អ្នកធ្វើសកម្មភាពបំផ្លាញព្រៃឈើ និងទន្ទ្រានកាន់កាប់ដីព្រៃ នៅតែអាចគេចផុតពីសំណាញ់ច្បាប់​  ||     លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||   

» ព័ត៌មានជាតិ » ទូរស័ព្ទ​ហៅ​ទៅ​ផឹកស៊ី​​ច្រៀង​ខារ៉ាអូខេ បែ​រជា​ដាក់​ថ្នាំ​សណ្តំ​មិត្ត​ភក្តិយក​ម៉ូតូ

ទូរស័ព្ទ​ហៅ​ទៅ​ផឹកស៊ី​​ច្រៀង​ខារ៉ាអូខេ បែ​រជា​ដាក់​ថ្នាំ​សណ្តំ​មិត្ត​ភក្តិយក​ម៉ូតូ

​ភ្នំពេញ ៖ កាលពី​វេលា​ម៉ោង​១២ និង​១០​នាទី​អធ្រាត្រ​ឈានចូល​ថ្ងៃទី​៨ តុលា ២០១៣ នៅ​ហាង​ខារ៉ាអូខេ​មួយកន្លែង​ស្ថិតនៅ​តាមផ្លូវ​លេខ​២០០៨ ភូមិ​ត្រពាំង​ល្វា សង្កាត់​កា​កាប ខណ្ឌ​ពោធិ៍​សែន​ជ័យ​។ បុរស​ជា​អ្នករត់ម៉ូតូឌុប​ម្នាក់​ត្រូវ​មិត្តភក្តិ​បែក​គ្នា​យូរហើយ ទូរស័ព្ទ​ហៅ​ទៅ​ផឹកស៊ី​ច្រៀង​ខារ៉ាអូខេ និង​ដាក់​ថ្នាំ​សណ្តំ​ក្នុង​បន្ទប់ទឹក​លួច​យក​ម៉ូតូ​ម៉ាក​ឌ្រី​ម​សេ​១២៥ ស៊េរី​២០០៨​ឡើង​តែម​២០១០ ពណ៌​ខ្មៅ ពាក់​ស្លាក​លេខ​ស្វាយរៀង​១B០២៤៩ យកទៅ​បាត់​ដោយ​សុវត្ថិភាព ។​
​បុរស​ដែល​ត្រូវ​មិត្តភក្តិ​ដាក់​ថ្នាំ​សណ្តំ​ឈ្មោះ កែវ ផេ​ត អាយុ​២៥​ឆ្នាំ ជា​អ្នករត់ម៉ូតូឌុប ស្នាក់នៅ​ជម្ពូ​វ័ន សង្កាត់​ចោមចៅ ខណ្ឌ​ពោធិ៍​សែន​ជ័យ មាន​ស្រុកកំណើត​នៅ​ភូមិ​រលួស ឃុំ​ប្រ​ធាតុ ស្រុក​កំពង់ត្របែក ខេត្តព្រៃវែង ។​
​ប្រភពព័ត៌មាន​បានឱ្យ​ដឹងថា មុនពេល​កើតហេតុ​ជនសង្ស័យ​ជា​មិត្តភក្តិ​ដែល​ធ្លាប់​ធ្វើការ​សំណង់ ជាមួយគ្នា ហើយ​បែក​គ្នា​យូរ​មកហើយ​នោះបាន​ត្រឡប់​មកពី​ខេត្ត​ព្រះសីហនុ ហើយ​ទូរស័ព្ទ​ហៅ​ជនរងគ្រោះ​ទៅ​ផឹកស៊ី​នៅ​ហាង​មួយកន្លែង​ជិត​ស្តុ​ប ផ្សារ​ដី​ហុយ​មាន​គ្នា​ទាំងអស់​៤​នាក់​។ លុះ​ពេល​ផឹកស៊ី​ស្រវឹង​ហើយ​ជនសង្ស័យ​បាន​ធានា​ចេញ​លុយ​នាំទៅ​ច្រៀង​ខា​រ៉ា អូ​ខេ​តាមផ្លូវ​២០០៤​បន្តទៀត ប៉ុន្តែ​ទៅ​តែ​៣​នាក់​ទេ ដោយ​មិត្តភក្តិ​ម្នាក់​សុំ​ទៅផ្ទះ​មុន​។​
​ប្រភព​បន្តថា ខណៈពេល​ទៅដល់​ហាង​ខារ៉ាអូខេ​ផឹកស៊ី​ស្រវឹង​ជោកជាំ​ហើយ​ជនសង្ស័យ​បាន បបួល​ជនរងគ្រោះ​ទៅ​បត់ជើងតូច​ក្នុង​បន្ទប់ទឹក​ទាំង​២​នាក់​បាត់​ជិត កន្លះ​ម៉ោង​មិនឃើញ​ត្រឡប់មកវិញ មិត្តភក្តិ​ម្នាក់​ដែល​អង្គុយចាំ​យូរពេក​បាន​ដើរទៅ​មើល​ស្រាប់តែ​ឃើញ ជនរងគ្រោះ​ដេក​សន្លប់​ក្នុង​បន្ទប់ទឹក ហើយ​ក្នុង​កាបូប​លុយ​សល់​តែ​លុយ​៥​ពាន់​រៀល​ប៉ុណ្ណោះ ទើប​ភ្ញាក់ផ្អើល​ដឹងថា ជនសង្ស័យ​ដាក់​ថ្នាំ​សណ្តំ​យក​ម៉ូតូ​ទៅ​បាត់ ហើយក៏​ទូរស័ព្ទ​ហៅ​មិត្តភក្តិ​ដែល​ត្រឡប់ទៅផ្ទះ​មុន​មកជួយ​ដឹក​ជន​រង គ្រោះ​ទៅ​មន្ទីរពេទ្យ​ព្រះកុសុមៈ ដើម្បី​ព្យាបាល​៕


Copyright © 2010-2021 · អរិយធម៌ · All Rights Reserved.
Develop by Sek Sathya