ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||     រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||   

» Breaking News, ព័ត៌មានជាតិ » សមាជ​គណបក្ស​សង្គ្រោះ​ជាតិ ទាមទារ លក្ខខណ្ឌ ១០​ចំណុច ​

សមាជ​គណបក្ស​សង្គ្រោះ​ជាតិ ទាមទារ លក្ខខណ្ឌ ១០​ចំណុច ​

ភ្នំពេញ​៖  លោក កឹម សុខា អនុប្រធាន​គណបក្ស​ស​ង្គ្រោះ​ជាតិ បានធ្វើការ​អំពាវនាវ​ឲ្យ​ប្រជាពលរដ្ឋ អាជីវករ មន្ត្រីរាជការ សិស្ស​និស្សិត ចូលរួម​កូដកម្ម​នៅ​ទូទាំងប្រទេស​នាពេលខាងមុខ​ផងដែរ​។​
​លោក សម រង្ស៊ី ប្រធាន​គណបក្ស​សង្គ្រោះ​ជាតិ លោក​នឹងធ្វើ​នយោបាយ​ក្រៅប្រទេស​រយៈពេល​ពី​រស​ប្តា​ហ៍ ទៅ​សហរដ្ឋអាមេរិក អង្គការសហប្រជាជាតិ អង់គ្លេស អាល្លឺម៉ង់ អ៊ីតាលី និង​ប្រទេស​បារាំង ដើម្បី​ធ្វើ​ចលនា​កុំ​ឲ្យ ទទួលស្គាល់​រាជរដ្ឋាភិបាល​កម្ពុ​ជាប​ច្ចុ​ប្បន្ន​។​
​សមាជ​មហាជន​របស់​គណបក្ស សង្គ្រោះ​ជាតិ (CNRP) នៅ​រសៀល​ថ្ងៃទី​៦ ខែតុលា នាទី​លាន​ប្រជា​ធិ​បតេ​យ្យ បានទាមទារ​លើ​លក្ខខណ្ឌ​១០​ចំណុច ដើម្បី​ស្វែងរក​យុត្តិធម៌​ជូន​ម្ចាស់ឆ្នោត​។​
​លក្ខខណ្ឌ​ទាំង​១០​ចំណុច​នោះ​រួមមាន​៖​ទី​១. ឲ្យ​បង្កើត​គណៈកម្មាធិការ​ស្វែងរក​ការពិត​ជូន​ម្ចាស់ឆ្នោត និង​សមាស ភាព​របស់​គណៈកម្មាធិកា​រ​ជាតិ​រៀបចំ​ការបោះឆ្នោត (​គ​.​ជ​.​ប​) បច្ចុប្បន្ន​ត្រូវ​លាលែង​ភ្លាម រួច​សមាសភាព គ​.​ជ​.​ប ថ្មី ត្រូវមាន​ការឯកភាព​ពី​គណបក្ស ដែលមាន​អាសនៈ​នៅក្នុង​រដ្ឋសភា​។ ទី​២. ទាមទារ​ឲ្យ​មាន​តុល្យភាព​អំណាច សភា
តួនាទី​ដឹកនាំ​នៅក្នុង​គណៈកម្មាធិកា​រ​អចិន្ត្រៃយ៍ និង​គណៈកម្មការ​ជំនាញ និង​ទទួលស្គាល់​តួនាទី​គណបក្សប្រឆាំង ដោយ​បង្កើត​រាជរដ្ឋាភិបាល​ស្រមោល​។ ទី​៣. ទាមទារ​ឲ្យ​គណបក្ស​សង្គ្រោះ​ជាតិ ទទួលបាន​អាជ្ញា​ប័​ណ្ឌ​វិទ្យុ ទូរទស្សន៍ ហើយ​ត្រូវ​លុបចោល​កិច្ចសន្យា ដែលមាន​លក្ខណៈ​ប​សង្កត់​ក្នុង​ការបិទ​សិទ្ធិសេរីភាព ក្នុងការ​ប្រើប្រាស់ ប្រព័ន្ធ​ផ្សព្វផ្សាយ​។ ទី​៤. ទាមទារ​ឲ្យ​បញ្ឈប់​ការផ្តល់​ដី​សម្បទាន​សេដ្ឋកិច្ច និង​ពិនិត្យ​សើរើ​ឡើងវិញ នូវ​ដី​សម្បទាន សេដ្ឋកិច្ច ដែល​ប៉ះពាល់​ដល់ ផលប្រយោជន៍​របស់​ប្រជាពលរដ្ឋ និង​ប្រទេសជាតិ​។ ទី​៥. ទាមទារ​ឲ្យ​បញ្ឈប់ ការកាប់បំផ្លាញ​ព្រៃឈើ ដោយ​បង្កើត​យុទ្ធ​ការត្រួតពិនិត្យ ដើម្បី​ធានា​ឲ្យ​បាន​នូវ​ប្រសិទ្ធិភាព​។ ទី​៦. ទាមទារ​ឲ្យ​អនុ វត្ត
​ច្បាប់​អន្តោប្រវេសន៍​ឲ្យ​មាន​ប្រសិទ្ធភាព ដោយ​គ្មាន​ការលើកលែង និង​រើសអើង​។ ទី​៧. ទាមទារ​ឲ្យ​បង្កើត​គណៈ កម្ម​ការ​ចម្រុះ ដែលមាន​សមាសភាព​ម​ក​ពី​គណបក្ស​ក្នុង​រដ្ឋសភា ដើម្បី​ពិនិត្យឡើងវិញ​ពី​ការបោះបង្គោល​ព្រំដែន​។ ទី​៨. ទាមទារ​ឲ្យ​ធ្វើ​វិសោធនកម្ម​នីតិវិធី ឬ​ធ្វើ​ច្បាប់​ឲ្យ​មានការ​បោះឆ្នោត​ជ្រើសរើស​មេភូមិ ដោយផ្ទាល់​ពី​ប្រជា​ពល រដ្ឋ​។
ទី​៩. ទាមទារ​ឲ្យ​ប្រធាន​តុលាការ ចៅក្រម ព្រះរាជអាជ្ញា​គ្រប់លំដាប់​ថ្នាក់ មិន​ត្រូវមាន​តួនាទី​ជា​ថ្នាក់ដឹកនាំ របស់​គណបក្សនយោបាយ​ឡើយ និង​ទី​១០. ទាមទារ​ឲ្យ​ដោះលែង​ជាបន្ទាន់ អ្នកជាប់ចោទ អ្នក​ជាប់ទោស​មនសិ​ការ នយោបាយ សកម្មជន​ការពារ​សិទ្ធិមនុស្ស សកម្មជន​ដីធ្លី និង​សកម្មជន​ការពារ​ព្រៃឈើ​៕

Copyright © 2010-2021 · អរិយធម៌ · All Rights Reserved.
Develop by Sek Sathya