ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||   

» Breaking News, ព័ត៌មានជាតិ » អ្នកជិះ​តាក់ស៊ី​ថា​ថ្លៃ អ្នកបើក​តាក់ស៊ី​ថា​មិន​ចំណេញ ខណៈអាជ្ញាធរ​រាជធានី​ភ្នំពេញ​ជូនដំណឹង​ឲ្យ​​រក្សា​តម្លៃ​ដឹក ជញ្ជូន​អ្នកដំណើរ

អ្នកជិះ​តាក់ស៊ី​ថា​ថ្លៃ អ្នកបើក​តាក់ស៊ី​ថា​មិន​ចំណេញ ខណៈអាជ្ញាធរ​រាជធានី​ភ្នំពេញ​ជូនដំណឹង​ឲ្យ​​រក្សា​តម្លៃ​ដឹក ជញ្ជូន​អ្នកដំណើរ

​នៅ​រដូវ​បុណ្យទាន​ធំ​ម្តងៗ ដែលជា​ប្រពៃណី​ខ្មែរ​យើង គេ​សង្កេតឃើញ​ប្រជាពលរដ្ឋ​ខ្មែរ​ភាគច្រើន ដែល​រស់​នៅតាម​បណ្តា​ខេត្ត​-​រាជធានី​ផ្សេងៗ​តែងតែ​នាំគ្នា​វិល​ទៅ​ស្រុកកំណើត​រៀងខ្លួន​ជា ភាគច្រើន​ដាច់ខាត ខណៈ​នេះ​ដែល​បញ្ហា​ប្រឈម និង​ភាព​រអ៊ូរទាំ ខ្លះ​ខឹងសម្បា​នោះ​គឺ តាក់ស៊ី​ឡើងថ្លៃ ពេល​បុណ្យទាន​ម្ដងៗ​នៅតែ​ជា​ប្រធានបទ​ក្ដៅ ទោះបីជា​អាជ្ញាធរ​រាជធានី​ភ្នំពេញ​ជូនដំណឹង​ឲ្យ​មានការ​រក្សា​តម្លៃ​ដឹក ជញ្ជូន​អ្នកដំណើរ ប៉ុន្តែ​តាក់ស៊ី​ថា​មិន​ឡើងថ្លៃ មិនបាន​ព្រោះ​អាច​ប្រឈម​នឹង​ការខាតបង់ ដោយមាន​មូលហេតុ​ជាច្រើន​។​
​ជាក់ស្ដែង​លោក ឈួន ឆុំ អ្នករត់​តាក់ស៊ី​ស្ទឹងត្រង់ ខេត្តកំពង់ចាម បាន​ឲ្យ​ដឹងថា  លោក​បាន​ឡើងថ្លៃ​បន្ថែម​៥​ពាន់ ចាប់ពី​ថ្ងៃនេះ​ទៅហើយ ដោយសារ​ខែ​នេះ​ទឹក​លិច​ភូមិ ហើយ​រថយន្ត​លោក​ត្រូវ​ឆ្លងកាត់​កន្លែង​ទឹក​លិច​ដាច់ ទៅមក​១០​ម៉ឺន​រៀល​បាត់ទៅហើយ ដូច្នេះ​ត្រូវ​បង្ខំចិត្ត​ឡើងថ្លៃ​។​
​លោក​ថា ស្អែក​ខានស្អែក​អាច​នឹង​ឡើង​ជាងនេះទៀត ព្រោះ​លោក​ត្រូវ​ឡើងមក​ដឹក​ម៉ូយ​ពី​ភ្នំពេញ​ដោយ​រថយន្ត​ទទេ ដោយសារ​គ្រប់គ្នា​ទៅ​ស្រុកភូមិ បើ​មិន​យកចំណេញ​ដើម្បី​ផាត់​ថ្លៃ​ប្រេង​ចេញ​វិញ នោះ​លោក​នឹង​រកស៊ី​ខាត​មិន​ខាន​។​
​លោក​បាន​បន្ថែមថា ធ្លាប់​ឮ​សាលា​រាជធានី​ហាម​ដែរ ប៉ុន្តែ​លោក​គិតថា មិនអាច​ទៅរួច​នោះទេ ព្រោះ​ប្រេង​ក៏​ថ្លៃ ហើយ​ស្ទះផ្លូវ​ចេញពី​ភ្នំពេញ​ទៀតផង​។​
​លោក ឆេង វិឆ័យ អ្នករត់​តាក់ស៊ី ភ្នំពេញ ព្រៃវែង មិន​ខុសពី​លោក ឆុំ ដែរ​ថា ម្សិលមិញ​តម្លៃ​១​ម៉ឺន ១​ម៉ឺន​២​ពាន់​រៀល ប៉ុន្តែ​ថ្ងៃនេះ​តាក់ស៊ី​ទាំងអស់​នឹង​ឡើងថ្លៃ​រហូតដល់​ភ្ជុំ​តែម្ដង ព្រោះ​ថ្លៃ​កំពង់​សាឡាង​អ្នក​លឿង​ឡើងថ្លៃ​ខុសធម្មតា​ទៅហើយ​។ ថ្ងៃ​ធម្មតា គាត់​ចំណាយ​ពី​៨​ពាន់​ទៅ​១​ម៉ឺន​២​ពាន់​រៀល​ក្នុង​ការឆ្លង​សាឡាង ប៉ុន្តែ​ម្សិលមិញ​នេះ ការចំណាយ​ឡើង​រហូត​៣​ម៉ឺន​រៀល​ឯណោះ​។​
​លោក​បាន​បន្ថែមថា អ្វីដែល​សំខាន់​គឺមាន​ប៉ូលិស​យកលុយ តាម​ដងផ្លូវ​ជាតិ ៣​កន្លែង​ទៀត មួយកន្លែង​ថ្ងៃ​ធម្មតា ១​ពាន់​រៀល​ទេ ប៉ុន្តែ​ឥឡូវ​៥០០០ ទៅ​១​ម៉ឺន​រៀល​ទើបបាន​យក​។ សរុបមក ក្នុង​មួយ​ជើង​ចំណាយ​ជិត​៥​ម៉ឺន​រៀល នេះ​មិនទាន់​បូក​ថ្លៃ​បេនឡាន និង​ថ្លៃ​ប្រេង​ដែល​ពេល​បុណ្យ​បើក​ឡើងមក​ឡាន​ទទេ ដូច្នេះ​រឿង​មិន​ឡើងថ្លៃ ជៀស​មិន​រួច​ទេ​។​
​ប្រជាពលរដ្ឋ​ម្នាក់​ឈ្មោះ ឆែម ឆ​លីកា សម្តែង​ការរិះគន់​ចំពោះ​អាជ្ញាធរ​ថា គាត់​សង្កេតឃើញ​ទាំង​រាជធានី​ភ្នំពេញ និង​ខេត្ត​មួយចំនួន បានចេញ​សេចក្ដីជូនដំណឹង ពេល​បុណ្យទាន​ម្ដងៗ​កុំ​ឲ្យ​ឡើងថ្លៃ​មធ្យោបាយ​ដឹកជញ្ជូន ប៉ុន្តែ​សេចក្ដីជូនដំណឹង​នោះ​ហាក់​គ្មាន​ប្រសិទ្ធភាព​ទេ ព្រោះ​អាជ្ញាធរ សមត្ថកិច្ច គ្មាន​ចំណាត់ការ​ច្បាស់លាស់ រដ្ឋ​គ្មាន​មធ្យោបាយ​សាធារណៈ​សម្រាប់​អ្នកក្រីក្រ រដ្ឋ​គ្មាន​យន្តការ​ដោះស្រាយ​ជាក់លាក់ និង​បេនឡាន​នីមួយៗ​គឺ​ឡើងថ្លៃ​មួយ​ទ្វេ​ជា​ពីរ​។
​លោក ព្រហ្ម ពៅ ដែលជា​អ្នកគ្រប់គ្រង​កាសែត និង​គេហទំព័រ​អរិយធម៌ ក្នុងនាម​ជា​ប្រជាពលរដ្ឋ ម្នាក់​ក៏​សូម​អំពាវនាវ​ថា អ្នករត់​តាក់ស៊ី​ទាំងអស់ ឲ្យ​រក្សា​ឲ្យ​បាន​នូវ​ក្រមសីលធម៌ ក្នុងការ​ប្រកបមុខរប​រ កុំ​ឆ្លៀត​គេង​យកចំណេញ សូមអោយ​អ្នក​បើ​បរ​ទាំងអស់​អធ្យាស្រ័យ​គ្នា​ទៅវិញទៅមក និង​សូម​ឲ្យ​បងប្អូន​អ្នកធ្វើដំណើរ​កុំ​គិតពី​តម្លៃ​ពេក ត្រូវ​គិតពី​សុវត្ថិ​ភាពជា​ចម្បង​៕


Copyright © 2010-2021 · អរិយធម៌ · All Rights Reserved.
Develop by Sek Sathya