ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||   

» Breaking News, ព័ត៌មានជាតិ » ទាហាន​១០​នាក់​ស៊ីប្រាក់ខែ​រដ្ឋ តែ​កាង​ដី​ឲ្យ​ក្រុមហ៊ុន​ស៊ី​ធី​ម៉ា​ត ​

ទាហាន​១០​នាក់​ស៊ីប្រាក់ខែ​រដ្ឋ តែ​កាង​ដី​ឲ្យ​ក្រុមហ៊ុន​ស៊ី​ធី​ម៉ា​ត ​

កំពង់ស្ពឺ ៖ មាន​គ្រឿងចក្រ​ជាច្រើន​គ្រឿង​បានធ្វើ​សកម្មភាព ឈូសឆាយ​ព្រៃ ដើម្បី​វាត​យក​ដី​ពី​សំណាក់​ក្រុមហ៊ុន​ស៊ី​ធី​ម៉ា​ត   តាំងពី​ថ្ងៃទី​២៦ រហូតដល់​ថ្ងៃទី​៣០ ខែកញ្ញា ឆ្នាំ​២០១៣ ស្ថិត​ក្នុងភូមិ​អន្លង់​មន ឃុំ​យាអង្គ ស្រុក​ថ្ពង ខេត្ដ​កំពង់ស្ពឺ ។​
​គេ​លួចខ្សឹប​ថា ក្រុមហ៊ុន​ស៊ី​ធី​ម៉ា​ត​នេះ​ចូលមក​ទឹកដី​ខេត្ដ​កំពង់ស្ពឺ​តាំងពី​ឆ្នាំ​២០០៧ មកម្ល៉េះ ហើយ​មិនបាន​ធ្វើការ​អភិវឌ្ឍ​អ្វី​ឲ្យ​ដុំកំភួន​នោះទេ ក្រៅតែពី​ការដាំ​ដើម​អាកាស្យា​ព័ទ្ធ​យក​ដី​របស់​ប្រជាពលរដ្ឋ​ក្នុង​ឃុំ ចំនួន​៤​ក្នុងស្រុក​ថ្ពង​ប៉ុណ្ណោះ ។​
​ប្រជាពលរដ្ឋ​រស់នៅ​តំបន់​ខាងលើ​បាន​និយាយថា ក្រុមហ៊ុន​មួយ​នេះ​តែងតែ​ប្រើប្រាស់​កម្លាំងប្រដាប់អាវុធ​គំរាមកំហែង ប្រជាពលរដ្ឋ​ដែលជា​ម្ចាស់​ដី​ពិ​ប្រាកដ នៅពេលដែល​គេ​យក​គ្រឿងចក្រ​មក​ឈូស ឆាយដី​របស់​ប្រជាពលរដ្ឋ ។ កម្លាំងប្រដាប់អាវុធ​ទាំងនោះ​សុទ្ធតែ មាន​កាំភ្លើង ហើយ​ក្រោយពេល​ឈូសឆាយ​រួច​ពួកគាត់​ម្ចាស់​ដី​ក៏បាន​យក​បង្គោល​ទៅ​ដាំ​លើ ដី​របស់គាត់​វិញ ដោយ​ក្រុមហ៊ុន​មិនបាន​ដោះស្រាយគោល នយោបាយ​ជាមួយ​ពួកគាត់​ឡើយ គឺ​ចង់បាន​ឆៅៗ​តែម្តង​។ បញ្ហា​នេះ​ប្រជាពលរដ្ឋ​សូម​សំណូមពរ​ដល់​លោក​រដ្ឋមន្ដ្រី​ក្រសួងកសិកម្ម​ទើប​កាន់តំណែង​ថ្មី​មេ​ត្ដា​ចាត់​មន្ដ្រី​ជំនាញ​មក​ត្រួត​ពិនិត្យមើល​ឯកសារ ក្រុមហ៊ុន​មួយ​នេះ​ផង ព្រោះ​បើតាម​ដឹង​ក្រុមហ៊ុន
​នេះ​មិនទាន់​ចុះកិច្ចសន្យា​ឬ​បញ្ជី​ការ​ជាមួយ​ក្រសួងកសិកម្ម​នៅឡើយ​ទេ ។​
​មន្ត្រី​សាលាស្រុក​ថ្ពង​បានឱ្យដឹងថា បញ្ហា​ក្រុមហ៊ុន​ស៊ី​ធី​ម៉ា​ត​ប្រើ​គ្រឿងចក្រ​ឈូស​ព្រៃ​នេះ​លោក​មិនទាន់បាន ទទួល​ព័ត៌មាន​ពី​ថ្នាក់មូលដ្ឋាន នៅឡើយ​ទេ តែបើ​ពិតជា​មាន​មែន ក៏​មិនត្រូវ​ប៉ះពាល់​ដី​ប្រជាពលរដ្ឋ​ដែល​កំពុង​រស់នៅ​ទេ​។ នៅ​តំបន់​នោះ​ប្រជាពលរដ្ឋ​រស់​ដោយសារ​កសិក​ផល​យ៉ាងពិត​ប្រាកដ​។​ កាសែត​អរិយធម៌​មិនអាច​ទាក់ទង​លោក អ៊ូ សំ​អូន អភិបាលខេត្ដ​កំពង់ស្ពឺ​ដើម្បី​សុំ​ការបកស្រាយ​ពាក់ព័ន្ធ​នឹង​បញ្ហា ខាងលើ​បានទេ ។
​ប្រជាពលរដ្ឋ​និយាយថា ទាហាន​ដែល​ខាង​ក្រុមហ៊ុន​ជួល​មក បាន​រករឿង​ពួកគាត់​កន្លង​មកជា​ញឹកញាប់ គឺ​ពួកគាត់​បាន​ប្តឹងទៅ  អគ្គបញ្ជាការ​រួចរាល់​អស់ហើយ ។
​ប្រជាពលរដ្ឋ​ឆ្ងល់​ថា ហេតុអ្វី​បានជា​មាន​សុទ្ធតែ​ទាហាន​ជាង​១០​នាក់មក​យាម​ក្រុមហ៊ុន ក្រែង​ទាហាន​មាន​តួនាទី​ការពារ​បូរណភាព​ទឹកដី​? បើ​ស៊ីប្រាក់ខែ​រដ្ឋ មិនគួរណា​លក់​ក្បាល​ឲ្យ​ក្រុមហ៊ុន​ដាច់​ថ្លៃ​យ៉ាងនេះ​ទេ​៕​ដោយ​៖ តា​ត្រចៀក​ធំ​

Copyright © 2010-2021 · អរិយធម៌ · All Rights Reserved.
Develop by Sek Sathya