ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||   

» ព័ត៌មានជាតិ » អតីត​ប្តី​កាប់​មួយ​កាំបិត​បុ័ងតោ​ចំក្បាល ដោយសារ​និយាយ​មិន​ស្តាប់ ​

អតីត​ប្តី​កាប់​មួយ​កាំបិត​បុ័ងតោ​ចំក្បាល ដោយសារ​និយាយ​មិន​ស្តាប់ ​

ព្រះសីហនុ ៖ កាលពី​វេលា​ម៉ោង ៩​យប់ ថ្ងៃទី​២៦ កញ្ញា ២០១៣ នៅ​ចំណុច​ក្រុមទី​៣៥ ភូមិ​៣ សង្កាត់​លេខ​១ ក្រុងព្រះសីហនុ ។ ស្ត្រី​ម្នាក់​ត្រូវបាន​សាច់ញាតិ​ដឹក​ទៅកាន់​មន្ទីរពេទ្យបង្អែក​ចំការ ចេក ក្រុងព្រះសីហនុ ដើម្បី​ជួយសង្គ្រោះ​បន្ទាន់ បន្ទាប់ពី​ត្រូវបាន​អតីត​ប្តី​កាប់​មួយ​កាំបិត​បុ័ងតោ​ចំ​ពីលើ​ក្បាល បណ្តាល​ឲ្យ​ហូរឈាម​ស្រោច​ពេញ​ខ្លួន ដែល​ហេតុការណ៍​នេះ  ។​
​លោក​អនុសេនីយ៍ទោ លឹម ស៊ន នាយប៉ុស្តិ៍​រដ្ឋបាល​សង្កា​ត់​លេខ​១ បាន​ឲ្យ​ដឹងថា ជនសង្ស័យ​ដែល​អះអាងថា ជា​អតីត​ប្តី​ស្ត្រី​រងគ្រោះ​មានឈ្មោះ ឈន សុ​ផានិត អាយុ ២៨​ឆ្នាំ មាន​ទីលំនៅ​ក្រុមទី​៣៥ ភូមិ​៣ សង្កាត់​លេខ​១ ក្រុងព្រះសីហនុ មុខរបរ​កម្មករ​ទូ​ក​នេសាទ បានធ្វើ​សកម្មភាព​កាប់​ទៅលើ​ស្ត្រី ដែល​អះអាង​ជា​អតីត​ប្រពន្ធ ១​កាំបិត​បុ័ងតោ បណ្តាល​ឲ្យ​រងរបួស​ធ្ងន់ និង​កំពុង​សម្រាក​នៅក្នុង​មន្ទីរពេទ្យបង្អែក​ចំការចេក​ក្រុង ។​
​ចំណែក​ស្ត្រី​រងគ្រោះ​ឈ្មោះ ចេង លេង អាយុ ២៤​ឆ្នាំ មាន​ទីលំនៅ​ក្រុមទី​៣៥ ភូមិ​៣ សង្កាត់​លេខ​១ ក្រុងព្រះសីហនុ មាន​ស្រុកកំណើត​នៅ​ខេត្តព្រៃវែង ។ ស្ត្រី​រងគ្រោះ បាន​និយាយ​ឲ្យ​ដឹងថា រូបនាង និង​បុរស​ជាប់​សង្ស័យ ធ្លាប់ជា​ប្រពន្ធ​ប្តី​នឹង​គ្នា ប៉ុន្តែ បាន​លែងលះគ្នា​ជិត ១​ឆ្នាំ មកហើយ ហើយ​នៅ​ថ្ងៃកើតហេតុ​អតីត​ប្តី​រូបនោះ បាន​ហាម​នាង​មិន​ឲ្យ​ដើរលេង​ផ្ទះ​មិត្ត​ភ័ក្តិ ខណៈនោះ រូបនាង​បាន​លា​មិត្ត​ភ័ក្តិ​ត្រលប់មក​ផ្ទះ​វិញ ក៏ត្រូវ​បាន​អតីត​ប្តី​កំណាច​កាប់ ១​កាំបិតប៉័ងតោ ហូរឈាម​ស្រោច​ខ្លួន​តែម្តង  ៕

Copyright © 2010-2021 · អរិយធម៌ · All Rights Reserved.
Develop by Sek Sathya