ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 អាណាចក្រ​ត្បូងឃ្មុំ ងំ​ទៅដោយ​សំបុក​បទល្មើស និង​បន​ល្បែងស៊ីសង ពិសេស​ល្បែងភ្នាល់​ជល់​មាន់​  ||     ល្បី​មេ​គយ​ខេត្តកោះកុង លោក សំ កុសល ប្រព្រឹត្ត​អំពើពុករលួយ?​  ||     ធ្លាយ​រឿង​មេបញ្ជាការ​កងរាជអាវុធហត្ថ​ខេត្តកំពង់ឆ្នាំង(ធីប)មន្ត្រីចាស់ៗដូច​សន្លឹក​បៀរ​ដាក់​មន្ត្រីថ្មីៗដែលជា​ខ្សែ​និង​បក្សពួក​កាន់​កន្លែង​ខ្លាញ់ ?​  ||     ភាពអនាធិបតេយ្យ​នៃ​ការកាប់​ទន្ទ្រាន​និង​ឈូសឆាយដី​គំរប​ព្រ​លិច​ទឹកជា​រៀងរាល់ថ្ងៃ​ដោយ​មិន​ញញើត​ដៃ ប្រហែលជា​មានច្បាប់​ធ្លាក់​ពីលើ​មេឃ​ហើយ​មើលទៅ​  ||     ឈ្មួញ​ដុះ​ស្លែ​ប្រចាំ​ស្រុក​ថា​ឡា​បរិ​វ៉ា​ត់ ឈ្មោះ ប្រុស បាន​អះអាងថា មានការ​ត្រូវរ៉ូវ​គ្នា​ជា​ប្រព័ន្ធ​ពី​ថ្នាក់ ស្រុក រហូតដល់​ថ្នាក់​ខេត្ត ?​  ||   

» ព័ត៌មានជាតិ, សេដ្ឋកិច្ច » ប្រជាពលរដ្ឋ​ក្រីក្រ អាច​ទទួលបាន​សេវា​ការពារ​អាយុជីវិត​

ប្រជាពលរដ្ឋ​ក្រីក្រ អាច​ទទួលបាន​សេវា​ការពារ​អាយុជីវិត​

ភ្នំពេញ​៖   សមាគម​មរណ​សង្គ្រោះ​ថៃ​ជី និង​គ្រឹះស្ថាន​មីក្រូហិរញ្ញវត្ថុ ខេ​ឌី​អូ ហ្វាយ​ណាន់ ភីអិលស៊ី នៅ​ថ្ងៃ​ទី​២២ ខែ​កញ្ញា បាន​ចុះហត្ថលេខា​លើ​កិច្ចព្រមព្រៀង​លើ​ការផ្តល់​សេវា​ការពារ​អាយុជីវិត ដល់​ឲ្យ​ប្រជាពលរដ្ឋ បន្ទាប់ពី​ទទួលបាន​សិទ្ធិ​ស្រប​ច្បាប់​ពី​រាជរដ្ឋាភិបាល​។​
តាម​កិច្ចព្រមព្រៀង​នេះ គ្រឹះស្ថាន​មីក្រូហិរញ្ញវត្ថុ ខេ​ឌី​អូ បាន​បម្រុង​ទុន​ជាង​២០​ម៉ឺន​ដុល្លារ ដើម្បី​ផ្តល់​កម្ចី​ដល់​ពលរដ្ឋ​ដែល​ទិញ​កញ្ចប់​សេវា​ការពារ​អាយុជីវិត​។​
លោក យុន សុភា ប្រធាន​សមាគម​មរណ​សង្គ្រោះ​ថៃ​ជី បាន​និយាយថា «​ការចាប់​ដៃគូ​គ្នា​នេះ សំដៅ​ធ្វើ​កាន់តែ​រីកចម្រើន ភាពរឹងមាំ ការជឿជាក់ ការប្រកាន់​ភ្ជាប់​ជានិច្ច​នូវ​គោលការណ៍​ក្រមសីលធម៌ វិជ្ជាជីវៈ សង្គម ច្បាប់ បង្កើន​ទំនុកចិត្ត និង​ភាពងាយស្រួល​ដល់​សមាជិក​ដែល​ទទួលបាន​នូវ​សេវា​ការពារ​អាយុជីវិត​គ្រប់​កម្រិត ព្រមទាំង​បាន​ប្រាក់ឧបត្ថម្ភ​យ៉ាង​ពេញចិត្ត ដើម្បី​លើកស្ទួយ​ជីវភាព​រស់នៅ​ក្នុង​គ្រួសារ​ឲ្យ​កាន់តែ​ប្រសើរ​ឡើង ដោយ​អនុវត្តន៍​ឲ្យបាន​និរន្តរភាព និង​បង្កើន​អត្ថប្រយោជន៍​ដល់​សមាជិក​គ្រប់រូប​»​។
លោក យុន សុភា បានបញ្ជាក់​ថា​ប្រជាពលរដ្ឋ​អាច​ជ្រើសរើស​កញ្ចប់​សេវា​ចាប់ពី​៨០​ដុល្លារ​ក្នុង​១​ឆ្នាំ​ដែល​មាន​សុពលភាព​រយៈពេល​១៥​ឆ្នាំ ដើម្បី​ទទួលបាន​នូវ​សេវាកម្ម​ទូទាត់​សំណង​វិញ​ចំនួន​២៥០០​ដុល្លារ​។​
លោក ម៉ន ស៊ីម ប្រធាន​នាយក​ប្រតិបត្តិ ខេ​ឌី​អូ ហ្វាយ​ណាន់ ភីអិលស៊ី បាន​ថ្លែងថា​«​យើង​នឹង​ផ្តល់​ប្រាក់​កម្ចី​ដល់​ប្រជាពលរដ្ឋ​ដែល​ត្រូវការ​សេវា​ធានា​អាយុជីវិត​។ ការប្រើប្រាស់​សេវា​មរណ​សង្គ្រោះ​នេះ នឹង​ទទួលបាន​ប្រាក់ឧបត្ថម្ភ​សម្រាប់​សម្រាល​បន្ទុកគ្រួសា​រ​របស់​ពួកគាត់​»​។
លោក ម៉ន ស៊ីម  បាន​បន្ថែម​ថា​ករណី​ប្រជាពលរដ្ឋ​មិន​មាន​ថវិកា​បង់​១​ឆ្នាំ​ពេញ គឺ​ពួកគាត់​អាច​បង់​រំ​លោះ​បាន ដោយ​ក្នុង​១​ខែ ត្រូវ​បង់​៨​ដុល្លារ​។​
បច្ចុប្បន្ន សមាគម​មរណ​សង្គ្រោះ​ថៃ​ជី មាន​សាខា​ចំនួន​២​កន្លែង​នៅ​ភ្នំពេញ និង​មាន​៣​សាខា​ទៀត​នៅ​ខេត្ត​កំពង់ចាម សៀមរាប និង​ស្វាយរៀង​។ តាម​ផែនការ សមាគម​នេះ​នឹង​ប្រមូល​អតិថិជន​ឲ្យបាន​១ លាន​នាក់ នៅ​ត្រឹម​ឆ្នាំ​២០២០ ៕unnamed2

Copyright © 2010-2018 · អរិយធម៌ · All Rights Reserved.
Develop by Sek Sathya