ភ្នំពេញ ៖ ប្រជាពលរដ្ឋ​រស់នៅ​ភូមិ​ស្រែ​ស្បូវ ឃុំ​ក្បាលដំរី ស្រុក​សំបូរ ខេត្ត​ក្រចេះ បានអោយដឹងថា ព្រៃ​សហគមន៍​ជាច្រើន​កន្លែង​ដែល​ទទួលរង​ការកាប់បំផ្លាញ​ដោយសារ​លោក ទួន គឹម​ហេន ជា​ទាហាន​ជើងចាស់​ដែល​មានផ្ទះ​នៅ​ភូមិ​ស្រែ​ស្បូវ ឃុំ​ក្បាលដំរី យក​ម៉ាស៊ីន​ត្រង់​សឺ​នឺ រាប់​សឹប​គ្រឿង​ចូល​អារឈើ​ក្នុង​ដី​សហគមន៍​ត្រូវ​បង់​ប្រាក់​អោយ​លោក​ទួន គឹម​ហេន ក្នុង​មួយ​គ្រឿង​ចាប់ ២៥០$​ទៅ​៣០០$​ក្នុង​មួយ​ខែ ហើយ​ឈើ​ដែល​អារ​បាន​រួច​ដឹក​ចេញ​ត្រូវ​បង់​អោយ​កូនចៅ​របស់​គាត់​នៅ​ចំណុចដើម​ធ្លក​មាត់ច្រក​ចេញ​ក្នុង​១​គោយន្ត​ចំនួន​៥​ម៉ឺន​រៀល ទើប​បាន​មកដល់​ផ្ទះ​។
​ពួកគាត់​បាន​ត្អូញត្អែរ​យ៉ាង​ខ្លាំង​និង​សំណូមពរ​ពរ​ដល់​លោកនាយ​សង្កាត់រដ្ឋបាល​ព្រៃឈើ​សណ្តាន់​ឬក៏​លោកនាយ​ខ័ណ្ឌ​រដ្ឋបាល​ព្រៃឈើ​ក្រចេះ​មេត្តា​ជួយ​ទប់ស្កាត់​ក្រុម​លោក​ទួន គឹម​ហេន ផង​។​
​ទោះជា​យ៉ាងណាក្តី ករណី​នេះ​គេហទំព័រ​អរិយធម៌​មិនអាច​សុំ​ការបកស្រាយ​ពី​លោក ទួន គឹម​ហេន បានទេ កាល​ពី​ម្សិលមិញ ៕
​