ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បីឈ្មោះ ណុប ឌី មេខ្លោងប្រមូលទិញឈើ ដឹកឈើ ផ្តាច់មុខ នៅស្រុកឱរ៉ាល់​  ||     អំពើពុករលួយរបស់លោក ឈុន សុភមង្គល ប្រធានសាខាគយខេត្តឧត្តរមានជ័យ ត្រូវបានបណ្តាញព័ត៌មាននានា ចុះផ្សាយជាបន្តបន្ទាប់​  ||     ល្បី លោក ឈុន សុភមង្គល​ ប្រធានសាខាគយខេត្តឧត្តរមានជ័យ​ ?​  ||     ភ្ញាក់ផ្អើល! ក្រុមឈ្មួញសម្រុករកស៊ីដឹកឈើគ្រប់ប្រភេទក្នុង ទឹកដី ស្រុកកែវសីមា, ខេត្តមណ្ឌលគិរី, និងស្រុកស្នួល ខេត្តក្រចេះ ទៅប្រទេសវៀតណាមខ្លះ និងប្រភេទឈើក្រហមដឹក ទៅដាក់ខេត្តព្រៃវែងនិងស្វាយរៀង​  ||     ភ្ញាក់ផ្អើល! ចាក់ដីរំលោភចូលឆ្នេរសមុទ្រជាង១០០ម៉ែត្រ ដោយគ្មានច្បាប់ សង្ស័យមានការឃុបឃិតជាប្រព័ន្ធ?​  ||   

» ព័ត៌មានជាតិ » បុរស​ម្នាក់​ស្រវឹងស្រា​ទៅ​វាយ​ស្រី​រកស៊ី​ផ្លូវភេទ ឆ្លើយ​ថា​វាយ​ច្រឡំ ​

បុរស​ម្នាក់​ស្រវឹងស្រា​ទៅ​វាយ​ស្រី​រកស៊ី​ផ្លូវភេទ ឆ្លើយ​ថា​វាយ​ច្រឡំ ​

ភ្នំពេញ​៖ កាលពី​វេលា​ម៉ោង ១០ យប់​ថ្ងៃ​ទី​២១ ខែ​សីហា ឆ្នាំ​២០១៦ បុរស​ម្នាក់​ត្រូវបាន​ស្ត្រី​ជា​អ្នករកស៊ី​ផ្លូវភេទ​ចោទប្រកាន់ថា​បាន​យក​ខ្សែរ​ក្រវ៉ាត់​វាយ​មកលើ​រូបនាង ព្រមទាំង​ទាត់​នាង​មួយ​ជើង​ថែមទៀត​ផង ខណៈ​ដែល​នាង​កំពុងតែ​អង្គុយ​ញុំ​ា​បាយ ធ្វើឲ្យ​មាន​ការភ្ញាក់ផ្អើល​ដល់​ប្រជាពលរដ្ឋ​ដែល​នៅ​ជិតខាង​នោះ​ដេញចាប់បាន តាម​បណ្តោយ​ផ្លូវ​ព្រះស៊ីសុវត្ថិ​ខាងជើង​ភោជនីយដ្ឋាន​ទន្លេសាប ស្ថិតក្នុង​សង្កាត់​ស្រះចក ខណ្ឌដូនពេញ ។​
​មុនពេល​កើតហេតុ​រូប​នាង​កំពុងតែ​អង្គុយ​ញុំ​ា​បាយ​នៅ​បង់​តាម​បណ្តោយ​ផ្លូវ​ព្រះស៊ីសុវត្ថិ​ជាមួយ​មិត្តភក្តិ​ម្នាក់​ទៀត ស្រាប់តែ​ជនសង្ស័យ​មិនដឹង​មក​ពី​ណា​ទេ បាន​យក​ខ្សែរ​ក្រវ៉ាត់​មក​វាយ​នាង​ត្រូវ​ជាំ​ពេញ​ខ្លួន ព្រមទាំង​ទាត់​នាង​ចំ​ស្មា​មួយ​ជើង​ទៀតផង ភ្លាមៗ​នោះ​រូប​នាង​បាន​ស្រែក​ឲ្យគេ​ជួយ ធ្វើឲ្យ​ជនសង្ស័យ​ភ័យ​រត់​ឡើង​ជិះ​ម៉ូតូ​ដែល​បញ្ឆេះ​ចាំ​រួចជាស្រេច​បម្រុង​ជិះ​ចេញទៅ តែ​ត្រូវ​ប្រជាពលរដ្ឋ​ដែល​ឃើញ​ហេតុការណ៍​នាំគ្នា​ចាប់​ទាញ​ទម្លាក់​មក​វិញ​បាន​ម្នាក់ និង​បក្ខពួក​ម្នាក់​ទៀត​បាន​ជិះ​ម៉ូតូ​គេចខ្លួន​បាត់​ស្រមោល ។ ចំណែក​ជនសង្ស័យ​វិញ​បាន​និយាយថា មុនពេល​កើតហេតុ​ពួកគេ​មាន​គ្នា​២​នាក់​ទើប​តែ​ចេញ​ពី​ផឹកស៊ី ហើយ​ក៏​បបួល​គ្នា​បម្រុង​ចូល​ក្លឹប​កំសាន្ត ទ្រូ​ហ្វេ​ស ដែល​មាន​ទីតាំងនៅ​តាម​បណ្តោយ​ព្រះ​ស៊ី​សុ​វត្តិ តែ​ពេល​ជិះ​មក​ជិត​ដល់​ក្លឹប​កំសាន្ត​ទៅហើយ រូបគេ​ក៏​បានលឺ​បុរស​ម្នាក់​ដែល​ឈរ​កាង​ស្រីម្តុំ​កន្លែងកើតហេតុ​ជេ​រ​រូបគេ ធ្វើឲ្យ​រូប​គេ​ដែល​ជិះ​ពីក្រោយ​លោត​ទៅ​រក​មុខ​អ្នក​ជេរ ។ តែ​ពេល​ចុះ​ទៅ​ដល់​រក​មុខ​អ្នក​ជេរ​មិនឃើញ ឃើញ​តែ​នារី​រងគ្រោះ​អង្គុយ​ក៏​ដោះ​ខ្សែរ​ក្រវ៉ាត់​វាយ​តែ​ម្តង​ទៅ ។ ជនសង្ស័យ​បាន​បន្ថែមថា រូបគេ​គ្មាន​បំណង​ទៅ​វាយ​នារី​រងគ្រោះ​ទេ តែ​ដោយសារ​រូបគេ​មើល​ច្រឡំ​ស្មាន​តែ​មនុស្ស​ប្រុស ។​
​ក្រោយពេល​កើតហេតុ​សមត្ថកិច្ច​បាន​នាំ​ភាគី​ទាំងសងខាង​មក​ប៉ុស្តិ៍​ដើម្បី​ធ្វើ​ការសម្រួល​គ្នា ។ ដោយ​ភាគី​រងគ្រោះ​បាន​ទារ​សំណង​ជំងឺ​ចិត្ត​ចំនួន​១០០០​ដុល្លារ តែ​ដោយសារ​ខាង​ជនបង្ក​គ្មាន​ប្រាក់​ទើប​សុំ​ត្រឹម​៣០០​ដុល្លា ។ បន្ទាប់​ពី​មាន​ការសម្របសម្រួល​ពី​ខាង​កម្លាំង​មាន​សម្ថ​កិច្ច​ទើប​ជនរងគ្រោះ​យល់ព្រម​ទទួល​សំណង​ជំងឺ​ចិត្ត​ចំនួន​៣០០​ដុល្លារ ដើម្បី​បញ្ចប់រឿង​នៅ​ប៉ុស្ដិ៍​តែម្ដង ៕IMG_0937

Copyright © 2010-2021 · អរិយធម៌ · All Rights Reserved.
Develop by Sek Sathya