ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ឈ្មោះ ឯក សារិន ហៅវុធ មេប៉ុស្ទិឃុំទន្លេបិទ មានអំណាចកាងបនល្បែងជល់មាន់នៅព្រៃខ្មោច សូមអគ្គស្នងការមេត្តាពិនិត្យបុគ្គលខិលខូចរូបនោះផង​  ||     ដីគម្របព្រៃឈើនៅតាមជួរភ្នំក្នុងឃុំ ត្រងិល ដែលគ្រប់គ្រងដោយសហគមន៍ព្រៃឈើ កំពុងទទួលរងនូវការ បាត់បង់អស់ទាំងស្រុងនៅលើទឹកដី ស្រុកកំពង់លែង​  ||     លោក​ គង់ ណារិន្ទ មេប៉ុស្តិ៍ច្រកបុសមន ហ៊ានធ្វើអ្វីៗតាមអំពើចិត្ត គឺដោយសារមានលោក កឹង ឃន ស្នងការនគរបាលខេត្តស្វាយរៀង ជាបង្អែកដ៏រឹងមាំ?​  ||     ភ្ញាក់ផ្អើល! ឈ្មួញធ្វើអាជីវកម្មជីករណ្តៅដីក្នុងឃុំអូរតាគី ស្រុកថ្មគោល មានការឃុបឃិតជាប្រព័ន្ធ​  ||     ល្បីឈ្មោះ ណុប ឌី មេខ្លោងប្រមូលទិញឈើ ដឹកឈើ ផ្តាច់មុខ នៅស្រុកឱរ៉ាល់​  ||   

» ព័ត៌មានជាតិ » ប៉ូលិស​បង្ក្រាប​ជនជាតិ​វៀតណាម ២​នាក់ បង្ខាំង​មនុស្ស​ខុសច្បាប់ ​

ប៉ូលិស​បង្ក្រាប​ជនជាតិ​វៀតណាម ២​នាក់ បង្ខាំង​មនុស្ស​ខុសច្បាប់ ​

ស្វាយរៀង​៖ នៅ​ថ្ងៃ​ទី​១៥ ខែ​សីហា ឆ្នាំ​២០១៦ ម្សិលមិញ​នេះ ស្ថិតនៅ​ក្នុង​ផ្ទះសំណាក់​យីហោ ដា​រា​៩៩៩ ស្ថិតនៅ​ភូមិ​តា​បិប​សង្កាត់​បាវិត ក្រុង​បាវិត​។​
​មន្ត្រី​នគ​បាល​អន្តោប្រវេសន៍ ស្នងការដ្ឋាន​នគ​បាល​ខេត្ត បាន​សហការ​ជាមួយ​មន្ត្រី​នគរបាល​ក្រុង​បាវិត ចុះ​បង្រាប​ក្រុម​ជនសង្ស័យ​២​នាក់ ពី​បទ​បង្ខាំង​មនុស្ស​ជំរិត​យកប្រាក់ ចំនួន​១​ពាន់​ដុល្លារ ហើយ​បាន​រំដោះ​ជនរងគ្រោះ​បាន​ម្នាក់​។​
​ជនសង្ស័យ​ត្រូវ​ចាប់ខ្លួន​ទី​១.​ឈ្មោះ ង្វៀង ហុង​ង៉ុក ភេទ​ប្រុស​អាយុ​៣៦​ឆ្នាំ មាន​ទីលំនៅ​ភូមិ​ឡាំ​យ៉ាង​ស្រុក​បេន​កូវ ខេត្ត​តៃនិញ ប្រទេស​វៀតណាម និង​ទី​២.​ឈ្មោះ ឡេ ហ្វូ​គឿង ភេទ​ប្រុស អាយុ​៣៧​ឆ្នាំ​មាន​ទីលំនៅ​ភូមិ​ឡាំ​យ៉ាង ស្រុក​បេន​កូវ ខេត្ត​តៃនិញ​ប្រទេស​វៀតណាម​។ ជន​ទាំង​ពី​នាក់​បាន​ចាប់​បង្ខាំង​ជនរងគ្រោះ ឈ្មោះ​ដូវ ថា​ន់​ដាក ភេទ​ប្រុស​អាយុ​៣៤​ឆ្នាំ មាន​ទីលំនៅ​ភូមិ​សួយ​ង៉ូ ឃុំ​តាំងចូ​វ ស្រុក​បេន​កូវ ខេត្ត​តៃនិញ ប្រទេស​វៀតណាម ដើម្បី​ចាប់ជំរិត​ទា​ប្រាក់​។​
​ជនរងគ្រោះ​ត្រូវបាន​ជន​សង្សយ័​ល្បួង មកពី​ប្រទេស​វៀតណាម ឲ្យមក​លេងល្បែង នៅ​ក្នុង​កាស៊ីណូ ពិភពថ្មី​(News wourld)​ក្រុង​បាវិត កាលពី​ថ្ងៃ​ទី​០៩ ខែ​សីហា ឆ្នាំ​២០១៦ រហូត​ចាញ់​អស់​ពី​ខ្លួន បន្ទាប់​មក​ក្រុម​ជន​សង្សយ័ បាន​ឲ្យប្រាក់​ជនរងគ្រោះ​ឲ្យ​ខ្ចីលុយ ចំនួន ១០០០​ដុល្លារ ដើម្បី​លេង​បន្ត ហើយក៏​បាន​ចាញ់​អស់​ទៀត​។
​ក្រោយ​ពី​ជនរងគ្រោះ​ចាញ់ល្បែង​អស់ ជន​សង្សយ័បាន ហៅ​ជនរងគ្រោះ​ទៅ​ដេក​នៅ​ផ្ទះសំណាក់​យីហោ ដា​រា​៩៩៩ ហើយ​បានឲ្យ ទូរ​សព្ទ័​ហៅ​បងប្អូន​ម៉ែឪ យក​លុយ​មក​លោះ ក៏​ប៉ុន្តែ​ជនរងគ្រោះ​ខ្លាច​មិន​ហ៊ាន​ទូរ​សព្ទ័ ទើប​ក្រុម​ជនសង្ស័យ​ចាប់​បង្ខាំង​ជនរងគ្រោះ ដើម្បី​ជំរិត​យកប្រាក់ ហើយ​ការ​បង្ខាំង​នេះ គឺ​អស់​រយៈ​៧​ថ្ងៃ ទើប​បែកធ្លាយ​ពី​អ្នកស្នាក់នៅ​ក្នុង​ផ្ទះសំណាក់​ខាងលើ រួច​បាន​រាយការណ៍​ឲ្យ​សមត្ថកិច្ច​ចុះ​ទៅ​បង្ក្រាប​ឆែកឆេរ​ក្នុង​បន្ទប់ រួច​ក៏​ចាប់​ឃាត់ខ្លួន​ជន​សង្សយ័បាន​២​នាក់ និង​រំដោះ​ជនរងគ្រោះ​បាន​ម្នាក់ ។​
​ក្រោយពី​ធ្វើ​ការសាកសួរ​ជន​សង្សយ័​ក៏​បាន​សារភាព​នៅ​មុខ​សមត្ថ​កិច្ច​ថា ពិតជា​បាន​ចាប់​បង្ខាំង​ជនរងគ្រោះ​ជំរិត​ទា​ប្រាក់​ពិតប្រាកដ​មែន ភ្លាម​នោះ​មន្ត្រី​ជំនាញ បាន​កសាង​សំណុំរឿង​បញ្ជូន​ជន​សង្សយ័​មក​តុលាការសាលា​ដំបូងខេ​ត្ត​ស្វាយរៀង​នៅ​ថ្ងៃ​ទី​១៦ ខែ​សីហា ឆ្នាំ​២០១៦ នៅ​ម៉ោង​៣៖០០​រសៀល ដើម្បី​ចាត់ការ​តាម​នីតិវិធី​៕
44ddd1a23d311848699827bba6e5b1b2 CH-00165

Copyright © 2010-2021 · អរិយធម៌ · All Rights Reserved.
Develop by Sek Sathya