ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 អំពើពុករលួយរបស់លោក ឈុន សុភមង្គល ប្រធានសាខាគយខេត្តឧត្តរមានជ័យ ត្រូវបានបណ្តាញព័ត៌មាននានា ចុះផ្សាយជាបន្តបន្ទាប់​  ||     ល្បី លោក ឈុន សុភមង្គល​ ប្រធានសាខាគយខេត្តឧត្តរមានជ័យ​ ?​  ||     ភ្ញាក់ផ្អើល! ក្រុមឈ្មួញសម្រុករកស៊ីដឹកឈើគ្រប់ប្រភេទក្នុង ទឹកដី ស្រុកកែវសីមា, ខេត្តមណ្ឌលគិរី, និងស្រុកស្នួល ខេត្តក្រចេះ ទៅប្រទេសវៀតណាមខ្លះ និងប្រភេទឈើក្រហមដឹក ទៅដាក់ខេត្តព្រៃវែងនិងស្វាយរៀង​  ||     ភ្ញាក់ផ្អើល! ចាក់ដីរំលោភចូលឆ្នេរសមុទ្រជាង១០០ម៉ែត្រ ដោយគ្មានច្បាប់ សង្ស័យមានការឃុបឃិតជាប្រព័ន្ធ?​  ||     ល្បី! ម្ចាស់​សង្វៀន​ឈ្មោះ​តា​ជ័រ បើក​ល្បែង​ប្រជល់មាន់​ដុះ​ស្លែរ ឃុំ​កំពង់​ទ្រាស  ស្រុក​ក្រូចឆ្មារ​  ||   

» Breaking News, ព័ត៌មានអន្តរជាតិ » មន្ត្រី​យោធា​ម្នាក់​បាន​យក​គ្រឿងចក្រ​ទៅ​ជីក​កកាយ​ដីភ្នំ​មួយកន្លែង ដើម្បី​យក​ធ្វើជា​កម្មសិទ្ធិ​ផ្ទាល់ខ្លួន​ ​

មន្ត្រី​យោធា​ម្នាក់​បាន​យក​គ្រឿងចក្រ​ទៅ​ជីក​កកាយ​ដីភ្នំ​មួយកន្លែង ដើម្បី​យក​ធ្វើជា​កម្មសិទ្ធិ​ផ្ទាល់ខ្លួន​ ​

ប៉ៃលិន ៖ សកម្មភាព​យក​គ្រឿងចក្រ​ទៅ​ជីក​កកាយ​ដីភ្នំ​នោះ បាន​កើតឡើង​កាលពី​វេលា​ម៉ោង​០១ និង​៣០​នាទី​រសៀល​ថ្ងៃ​ទី​១៥ សីហា ឆ្នាំ​២០១៦ ស្ថិត​នៅ​ចំណុច​ដី​ថ្មី ខាងក្រោយ​កាស៊ីណូ​ម្កុដ​ពេជ្រ ក្បែរ​បន្ទាយ​យោធា ក្នុងភូមិ​ផ្សារ​ព្រំ ឃុំ​ស្ទឹង​កាច់ ស្រុក​សាលា​ក្រៅ ។​
​បុរស​ម្នាក់​ត្រូវ​គេ​ស្គាល់​ថា ជា​មន្ត្រី​យោធា​បាន​យក​គ្រឿងចក្រ​ទៅ​ជីក​កកាយ​ដីភ្នំ​មួយកន្លែង ដើម្បី​យក​ធ្វើជា​កម្មសិទ្ធិ​ផ្ទាល់ខ្លួន បណ្តាល​ឱ្យ​បាត់បង់​នូវ​សោភ័ណភាព និង​ខូច​ទ្រង់ទ្រាយ​ដើម ខណៈ​អ្នកសារព័ត៌មាន​ចុះ​សួរនាំ ស្រាប់តែ​ម្ចាស់​គ្រឿងចក្រ​បាន​អះ​អា ង​ថា មាន​ការសុំ​អនុញ្ញាត​ច្បាប់​ចេញពី​អាជ្ញាធរ​មូលដ្ឋាន​តាំងពី​ថ្នាក់ក្រោម រហូត​ដល់​ថ្នាក់លើ​អស់ហើយ ។ តែ​ខាង​អាជ្ញាធរ​ស្រុក​សាលា​ក្រៅ និង​មន្ទីរ​បរិស្ថាន​ខេត្ត​បាន​បដិសេធ​ដាច់ខាត ព្រមទាំង​បញ្ជា​ឱ្យ​កម្លាំង​ជំនាញ ចុះ​ទៅ​ដក​កូនសោ​គ្រឿងចក្រ​នោះ ចេញ​មិន​ឱ្យ​បន្តសកម្មភាព​ទៀតឡើយ ។​
​មន្ត្រី​យោធា​ម្នាក់​ប្រចាំការ​នៅ​ព្រំដែន​កម្ពុជា​ថៃ​ក្បែរ​ច្រកទ្វារ អន្តរជាតិ​ព្រំ ក្នុងភូមិ​ផ្សារ​ព្រំ ឃុំ​ស្ទឹង​កាច់ ស្រុក​សាលា​ក្រៅ បានធ្វើ​សកម្មភាព​យក​គ្រឿងចក្រ​ទៅ​ជីក​កកាយ​ដីភ្នំ​នៅ​ចំណុច​ខាងលើ អស់​រយៈពេល​ជាច្រើន​ថ្ងៃ​មក​ហើយ ដោយ​ពេលនោះ មាន​ខាង​សារព័ត៌មាន​ជាច្រើន​បាន​ចុះទៅ​ថតរូប​យក​សកម្មភាព​ការ​ឈូសឆាយ​នោះ ស្រាប់តែ​ម្ចាស់​គ្រឿងចក្រ​បាន​អះអាង​ថា ខាង​មន្ត្រី​យោធា​នោះបាន​សុំ​ច្បាប់​អាជ្ញាធរ​មូលដ្ឋាន​គ្រប់​លំដាប់ថ្នាក់​អស់ហើយ ទើប​នាំគ្នា​ឈូសឆាយ​ដី​ភ្នំ​នេះ​តែម្តង ។ ប្រភព​បន្តទៀតថា ពេលនោះ​គេ​មិនឃើញ​មាន​អាជ្ញាធរ​ណា​ម្នាក់​ចុះ​ទៅ​ធ្វើ​ការហាមឃាត់​ទេ ដោយ​បណ្តែតបណ្តោយ​ឱ្យ​ជីក​កកាយ​ស្ទើរ​អស់រលីង​តែម្តង ។​
​ពាក់ព័ន្ធ​ទៅនឹង​បញ្ហា​នេះ លោក​សំ សារ៉េត អភិបាល​ស្រុក​សាលា​ក្រៅ​បានឱ្យដឹងថា ខាង​អាជ្ញាធរ​មិន​បាន​ចេញ​លិខិតអនុញ្ញាត​ឱ្យ​នរណា​ម្នាក់​យក​គ្រឿងចក្រ​ទៅ ជីក​កកាយ​ដីភ្នំ​ធ្វើជា​កម្មសិទ្ធិ​ផ្ទាល់ខ្លួន ឬ​ធ្វើ​អ្វី​ផ្សេង​នោះឡើយ ។ លោក​បន្ត​ទៀត​ថា បើសិនជា​គេ​អះអាង​ដូច​ខាងលើ​នោះ សូម​ឱ្យ​ទទួល​ទោស​តាម​ផ្លូវច្បាប់ ហើយ​ខាង​លោក​នឹង​ចាត់​ក្រុមការងារ​ឱ្យ​ចុះ​ទៅ​ត្រួតពិនិត្យ ដើម្បី​ធ្វើ​ការហាមឃាត់​ភ្លាមៗ​ផងដែរ ៕0e14d93b-0015-4a9e-9d66-5f217a74bfbd 43b95d25-fc41-4986-be91-1e4185048ab8 840312d9-4397-44b7-84ea-2d4ee16a9d14

Copyright © 2010-2021 · អរិយធម៌ · All Rights Reserved.
Develop by Sek Sathya