ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 អំពើពុករលួយរបស់លោក ឈុន សុភមង្គល ប្រធានសាខាគយខេត្តឧត្តរមានជ័យ ត្រូវបានបណ្តាញព័ត៌មាននានា ចុះផ្សាយជាបន្តបន្ទាប់​  ||     ល្បី លោក ឈុន សុភមង្គល​ ប្រធានសាខាគយខេត្តឧត្តរមានជ័យ​ ?​  ||     ភ្ញាក់ផ្អើល! ក្រុមឈ្មួញសម្រុករកស៊ីដឹកឈើគ្រប់ប្រភេទក្នុង ទឹកដី ស្រុកកែវសីមា, ខេត្តមណ្ឌលគិរី, និងស្រុកស្នួល ខេត្តក្រចេះ ទៅប្រទេសវៀតណាមខ្លះ និងប្រភេទឈើក្រហមដឹក ទៅដាក់ខេត្តព្រៃវែងនិងស្វាយរៀង​  ||     ភ្ញាក់ផ្អើល! ចាក់ដីរំលោភចូលឆ្នេរសមុទ្រជាង១០០ម៉ែត្រ ដោយគ្មានច្បាប់ សង្ស័យមានការឃុបឃិតជាប្រព័ន្ធ?​  ||     ល្បី! ម្ចាស់​សង្វៀន​ឈ្មោះ​តា​ជ័រ បើក​ល្បែង​ប្រជល់មាន់​ដុះ​ស្លែរ ឃុំ​កំពង់​ទ្រាស  ស្រុក​ក្រូចឆ្មារ​  ||   

» ព័ត៌មានជាតិ » មេធាវី​ការពារ​ក្តី​៖ ការ​មិន​ចង់​ចូល​ខ្លួន​របស់​លោកស្រី ថាក់ ឡា​នី គឺ​សំអាង​លើ​អភ័យឯកសិទ្ធិ​ព្រឹទ្ធសភា​, កូនក្តី​ចង់ឲ្យ​មាន​ការលើក​អភ័យឯកសិទ្ធិ​ជាមុនសិន

មេធាវី​ការពារ​ក្តី​៖ ការ​មិន​ចង់​ចូល​ខ្លួន​របស់​លោកស្រី ថាក់ ឡា​នី គឺ​សំអាង​លើ​អភ័យឯកសិទ្ធិ​ព្រឹទ្ធសភា​, កូនក្តី​ចង់ឲ្យ​មាន​ការលើក​អភ័យឯកសិទ្ធិ​ជាមុនសិន

(​ភ្នំពេញ​)៖ លោក សំ សុគ​ង់ មេធាវី​ការពារ​ក្តី​ឱ្យ លោកស្រី ថាក់ ឡា​នី សមាជិក​ព្រឹទ្ធសភា មកពី​គណបក្ស សម រង្ស៊ី បាន​អះអាង​ថា មូលហេតុ​ដែល​កូនក្តី​របស់​លោក មិន​ចង់​ចូល​ខ្លួន​តាម​ការកោះហៅ របស់​តុលាការ គឺ​ដោយសារតែ​គាត់​មាន​អភ័យឯកសិទ្ធិ ហើយ​ថា​កូនក្តី​របស់​លោក​ចង់ឱ្យ​តុលាការ ស្នើ​លើក​អភ័យឯកសិទ្ធិ​ជាមុនសិន មុន​នឹង​ចាត់ការ​តាម​នីតិវិធី​ណាមួយ​ចំពោះ លោកស្រី ថាក់ ឡា​នី​។​
​លោកស្រី ថាក់ ឡា​នី ដែល​រង​នូវ​ការប្តឹង​ពី​សម្តេច​តេជោ ហ៊ុន សែន នាយករដ្ឋមន្ត្រី ជុំវិញ​ករណី​ចោទប្រកាន់​សម្តេច​ថា ជា​អ្នក​បាញ់សម្លាប់​លោក​បណ្ឌិត កែម ឡី បាន​អវត្តមាន ក្នុង​ការចូល​បំភ្លឺ​តាម​ការកោះហៅ​របស់​តុលាការ លើក​ទី​១ កាលពី​ថ្ងៃ​ទី​០៨ ខែ​សីហា ឆ្នាំ​២០១៦​។ ជាមួយគ្នានេះ តំណាង​អយ្យការ​អម​សាលាដំបូង រាជធានី​ភ្នំពេញ ក៏​បាន​ចេញ​ដីកា​កោះហៅ​ឱ្យ លោកស្រី ថាក់ ឡា​នី ឱ្យ​ចូល​ខ្លួន​ជា​លើក​ទី​២ នៅ​ថ្ងៃ​ទី​១៧ ខែ​សីហា ឆ្នាំ​២០១៦ ស្អែក​នេះ​ផងដែរ ដើម្បី​ឆ្លើយបំភ្លឺ​ទៅ​នឹង​ការចោទប្រកាន់​។​
​លោក សំ សុគ​ង់ បានឱ្យដឹង នៅ​ថ្ងៃ​ទី​១៦ ខែ​សីហា ឆ្នាំ​២០១៦​នេះ​ថា «​ដោយសារតែ​គាត់​ជា​សមាជិក​ព្រឹទ្ធសភា​ហ្នឹងហើយ ទើបបាន​ជា​គាត់​មាន​បំណង​មិន​ចង់​ចូល គាត់​ចាំ​ឱ្យ​តុលាការ​អនុវត្ត​តាម​នីតិវិធី តាម​មាត្រា​១០៤ នៃ​រដ្ឋធម្មនុញ្ញ​។ ដើម្បី​ដំណើរការ​នីតិវិធី​ចំពោះ​បទល្មើស​មិន​ជាក់ស្តែង​អញ្ចឹង លុះត្រាតែ​មាន​ការព្យួរ ឬ​លើក​អភ័យឯកសិទ្ធិ​គាត់​ជាមុនសិន ចាំ​ឱ្យ​តុលាការ​កោះហៅ ឬ​ធ្វើ​អ្វី​តាម​នីតិវិធី​ច្បាប់​»​។​
​លោក ម៉ម ប៊ុននាង អ្នកនាំពាក្យ​ព្រឹទ្ធសភា បាន​បញ្ជាក់​ប្រាប់​ឱ្យដឹង​ថា រហូតដល់​ពេល​នេះ ព្រឹទ្ធសភា មិនទាន់​ទទួលបាន​លិខិត​ពី តុលាការ​ដើម្បី​ស្នើ​ឱ្យ​លើក​អភ័យឯកសិទ្ធិ​របស់ លោកស្រី ថាក់ ឡា​នី នៅឡើយ​ទេ​។ លោក​ថា ព្រឹទ្ធសភា​ក៏​កំពុង​រង់ចាំ​មើល​សំណើ​របស់​តុលាការ​ដែរ​។​
​ទោះជា​យ៉ាងណា សម្រាប់​ការចូល​បំភ្លឺ​នៅ​ថ្ងៃស្អែក​នេះ លោក​មេធាវី សំ សុគ​ង់ ពុំ​ទាន់​អាច​បញ្ជាក់បាន​នៅឡើយ​ទេ​ថា លោកស្រី ថាក់ ឡា​នី នឹង​ចូលខ្លួន​ឆ្លើយបំភ្លឺ​ឬ​យ៉ាងណា​នោះ​៕
fn-2016-08-16-14-23-53-0

Copyright © 2010-2021 · អរិយធម៌ · All Rights Reserved.
Develop by Sek Sathya