ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 មន្ត្រីបរិស្ថាន ក្នុងខេត្តកំពង់ឆ្នាំង បណ្តោយឲ្យពួកក្រុមជនល្មើស ធ្វើសកម្មភាព ចូលកាប់ឆ្ការ ឈូសឆាយ ទន្រ្ទានយកដីគម្រប ព្រៃឈើ ដែលគ្រប់គ្រងដោយមន្ទីរបរិស្ថាន ខេត្តកំពង់ឆ្នាំងវាស់ចែកគ្នា លក់យ៉ាងគគ្រឹកគគ្រេង​  ||     ឈ្មោះ ឯក សារិន ហៅវុធ មេប៉ុស្ទិឃុំទន្លេបិទ មានអំណាចកាងបនល្បែងជល់មាន់នៅព្រៃខ្មោច សូមអគ្គស្នងការមេត្តាពិនិត្យបុគ្គលខិលខូចរូបនោះផង​  ||     ដីគម្របព្រៃឈើនៅតាមជួរភ្នំក្នុងឃុំ ត្រងិល ដែលគ្រប់គ្រងដោយសហគមន៍ព្រៃឈើ កំពុងទទួលរងនូវការ បាត់បង់អស់ទាំងស្រុងនៅលើទឹកដី ស្រុកកំពង់លែង​  ||     លោក​ គង់ ណារិន្ទ មេប៉ុស្តិ៍ច្រកបុសមន ហ៊ានធ្វើអ្វីៗតាមអំពើចិត្ត គឺដោយសារមានលោក កឹង ឃន ស្នងការនគរបាលខេត្តស្វាយរៀង ជាបង្អែកដ៏រឹងមាំ?​  ||     ភ្ញាក់ផ្អើល! ឈ្មួញធ្វើអាជីវកម្មជីករណ្តៅដីក្នុងឃុំអូរតាគី ស្រុកថ្មគោល មានការឃុបឃិតជាប្រព័ន្ធ​  ||   

» Breaking News, ព័ត៌មានជាតិ » ប្រធាន​មន្ទីរ​សុខាភិបាល​ខេត្ត​ស្វាយរៀង ផ្ទុះ​រឿង​អាស្រូវ​កាន់តែច្រើន​ ​

ប្រធាន​មន្ទីរ​សុខាភិបាល​ខេត្ត​ស្វាយរៀង ផ្ទុះ​រឿង​អាស្រូវ​កាន់តែច្រើន​ ​

ស្វាយរៀង ៖ រឿងអាស្រូវ​បាន​ផ្ទុះឡើង​នៅ​មន្ទីរ​សុខាភិបាល​ខេត្ត​ស្វាយរៀង ដែល​មាន​លោក កែរ រដ្ឋា ជា​ប្រធាន​មន្ទីរ កំពុង​ធ្វើឲ្យ​មាន​ការចាប់អារ​ម្មណ៍​ពី​មហាជន ព្រោះថា​រយៈ​ថ្មីៗ​នេះ លោក​ប្រធាន​មន្ទីរ ត្រូវ​បាន​អង្គភាព​ប្រឆាំង​អំពើពុករលួយ រកឃើញថា ប្រធាន​មន្ទីរ​រូបនេះ បាន​ទទួល​សំណូក​ពី​មន្ត្រី​ជាប់​កិច្ចសន្យា ដើម្បី​ចូល​ក្របខ័ណ្ឌ​ជា​មន្ត្រី​សុខាភិបាល ។
​ប្រភព​អ្វីដែល​ធ្វើឲ្យ​ចាប់​អារម្មណ៍បំផុត​ពី​មន្ត្រី ដែល​ជាប់​កិច្ចសន្យា​នោះ គឺ​បាន​ធ្លាយ​ចេញ​រឿង​កិបកេង​ថវិកាជាតិ ដែល​ប្រព្រឹត្ត​ដោយ​លោក​ប្រធាន មន្ទីរ កែរ រដ្ឋា និង​លោក​ប្រធាន​ការិយាល័យ​គណនេយ្យ ហេ​ម បេណា​លី ដែល​បាន​បំផ្លាញ​ថវិកាជាតិ ក្នុង​រយៈពេល​ជាច្រើន​ឆ្នាំ អស់​រាប់​ពាន់​លាន​រៀល តាមរយៈ​ការ​បំប៉ោង​ការចំណាយ​ផ្សេងៗ ដែល​មិន​ប្រក្រតី ។ ដោយ​ក្នុង​នោះ ថវិកា​ភាគច្រើន​ដែល​ចំណាយ ទៅលើ​ការថែទាំ​និង​ជួសជុល ផ្នែក​ជួយ​ប្រជាជន​សំរាក​ពេទ្យ​និង​ការចំណាយ​ថវិកា​រេច្ច​ទ័យ រួម​និង​ការ ប្រើប្រាស់​ប្រេងឥន្ធនៈ ។ ប៉ុន្តែ​ចាប់តាំងពី​លោក​កែរ រដ្ឋា បាន​ឡើង​ជា​ប្រធាន​មន្ទីរ​បន្ត​ពី​សព​លោក​ប៉ែន សុន​ណា រឿងអាស្រូវ​ជាច្រើន​ដែល​គាត់​ប្រព្រឹត្ត​ត្រូវបាន​បិទបាំង​យ៉ាង​ល្អ ទើបតែ​ពេល​ថ្មី​នេះ​បាន​ធ្លាយ​រឿងអាស្រូវ​របស់​គាត់ ក្នុងការ​ទារប្រាក់​ពី​មន្ត្រី​ជាប់​កិច្ចសន្យា​ម្នាក់ៗ​រាប់ពាន់​ដុល្លារ ជា​ថ្នូរ​និង​ការចូល ក្របខ័ណ្ឌ​មន្ត្រី​សុខាភិបាល​។ ករណី​នេះ​ធ្វើឲ្យ​មាន​ការប្តឹង​មកកាន់​អង្គ​ភាព​ប្រឆាំង​អំពើពុករលួយ ហើយ អង្គភាព​មួយ​នេះ ក៏​បាន​ហៅ​លោក​កែរ រដ្ឋា មក​ចូល​បំភ្លឺ ទន្ទឹម​និង​ការចូល​បំភ្លឺលោក​កែរ រដ្ឋា ធ្វើការ​គំរាម​ប្តឹង​ដល់​អ្នក​ដែល​ប្តឹង​គាត់ និង​បាន​ធ្វើ​ឲ្យ​អង្គភាព​ប្រឆាំង​អំពើពុករលួយ ចាប់​ភស្តុតាង​បាន​ថែម​ទៀត នេះ​បើ​តាម​ការអះអាង​ថា របស់លោក​ទេសរដ្ឋមន្ត្រី ឱម យ៉ិនទៀង ដែល​ថ្លែងប្រាប់​វិទ្យុ​បារាំង នា​ពេល​ថ្មី​កន្លងមក ។​
​ប្រភព​បាន​អះអាង​ថា រឿង​ដែល​មាន​ការប្តឹង​ទៅ​អង្គភាព​ប្រឆាំង​អំពើពុករលួយ គឺជា​រឿង​តូច​មួយ​របស់​លោក​ប្រធាន​មន្ទីរ កែរ រដ្ឋា តែប៉ុណ្ណោះ ។ សំរាប់​រឿង​ជាច្រើន នៅក្នុង​មន្ទីរ​សុខាភិបាល​ខេត្ត​ស្វាយរៀង គឺ​ពោរពេញ​ទៅ​ដោយ​អំពើ​ពុករលួយ​យ៉ាងធ្ងន់ធ្ងរ ប៉ុន្តែ​រឿង​នេះ​ត្រូវបាន​លាក់កំបាំង​យ៉ាង ស្ងាត់ស្ងៀម ទើប​មាន​ការផ្ទុះ​ចេញ​នូវ​ការប្តឹង នា​ពេល​ថ្មី​នេះ ក៏​បាន​ធ្លាយ​ចេញ​បន្ថែម​នូវ​រឿងអាស្រូវ ពុករលួយ​ដ៏​ធ្ងន់ធ្ងរ ដែល​ទាមទារ​ឲ្យ​អង្គភាព​ប្រឆាំង​អំពើពុករលួយ ក៏​ដូច​ក្រសួង​សុខាភិបាល និង​ស្ថាប័ន​ពាក់ព័ន្ធ​គួរ​ចុះ​ស្រាវជ្រាវ​ការចំណាយ​ថវិកាជាតិ​នៅ​មន្ទីរ​សុខាភិបាល​ខេត្ត​ស្វាយរៀង ឲ្យបាន​ស៊ីជំរៅ ដើម្បី​រកឲ្យឃើញ​នូវ​អំពើ​ពុករលួយ ។ ទោះជា​យ៉ាងណាក្តី ព័ត៌មាន​នេះ​មិនដឹង​ជា​ពិត​ក្នុង​កម្រិត​ណា​នោះទេ ព្រោះ​មិន​អាច​សុំ​ការបំភ្លឺ​ពី​អ្នកពាក់ព័ន្ធ​បានទេ កាល​ពី​ម្សិលមិញ ៕ ដោយ​៖ ព្រហ្ម ពៅ​
4-DepartmentHealth1 sey-ready

Copyright © 2010-2021 · អរិយធម៌ · All Rights Reserved.
Develop by Sek Sathya