ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី លោក ឈុន សុភមង្គល​ ប្រធានសាខាគយខេត្តឧត្តរមានជ័យ​ ?​  ||     ភ្ញាក់ផ្អើល! ក្រុមឈ្មួញសម្រុករកស៊ីដឹកឈើគ្រប់ប្រភេទក្នុង ទឹកដី ស្រុកកែវសីមា, ខេត្តមណ្ឌលគិរី, និងស្រុកស្នួល ខេត្តក្រចេះ ទៅប្រទេសវៀតណាមខ្លះ និងប្រភេទឈើក្រហមដឹក ទៅដាក់ខេត្តព្រៃវែងនិងស្វាយរៀង​  ||     ភ្ញាក់ផ្អើល! ចាក់ដីរំលោភចូលឆ្នេរសមុទ្រជាង១០០ម៉ែត្រ ដោយគ្មានច្បាប់ សង្ស័យមានការឃុបឃិតជាប្រព័ន្ធ?​  ||     ល្បី! ម្ចាស់​សង្វៀន​ឈ្មោះ​តា​ជ័រ បើក​ល្បែង​ប្រជល់មាន់​ដុះ​ស្លែរ ឃុំ​កំពង់​ទ្រាស  ស្រុក​ក្រូចឆ្មារ​  ||     ភ្ញាក់ផ្អើល ចៅក្រមស៊ើបសួរឈ្មោះសោម វិរៈ និងព្រះរាជអាជ្ញា ឈ្មោះ អ៊ិត សុធា ដោះលែងជនជាប់ចោទស្ងាត់ៗ ?​  ||   

» Breaking News, ព័ត៌មានជាតិ » កន្លែងចាស់​ស្រួល​រកលុយ​ ​

កន្លែងចាស់​ស្រួល​រកលុយ​ ​

ខ្សឹប ៖ លោក​ញ៉ែម ហេម​ម៉ា​ត អតីត​ប្រធាន​ការិយាល័យ​គយ​ប្រចាំ​ច្រក​អូរ​រំដួល ស្ថិត​នៅក្នុង​ស្រុក​ភ្នំព្រឹក ខេត្ត​បាត់ដំបង ត្រូវ​អគ្គនាយកដ្ឋាន​គយ​និង​រដ្ឋាករ​ដក​បញ្ឈរជើង កាលពី​អំឡុង​ខែ​មិថុនា​ឆ្នាំ​២០១៦ ព្រោះតែ​មាន​រឿងអាស្រូវ​ពុករលួយ ធ្វើឲ្យ​បាត់បង់​ថវិកា​ចំណូល​រដ្ឋ​ជាច្រើ​ន​ពាន់​លាន​រៀល តែ​ឥឡូវ​មន្ត្រី​គយ​មួយចំនួន បាន​ខ្សឹប​តាមរយៈ​គេហទំព័រ​អរិយធម៌​ថា គាត់​កំពុង​រត់​ការ​បាន​ចុះ​ទៅ​កន្លែង​ដើម​វិញ ព្រោះ​ទីនោះ ជា​ឆ្នាំងបាយ​មិនចេះ​រីងស្ងួត ។​
​មន្ត្រី​គយ​នៅ​ច្រក​អូរ​រំដួល​បាន​ខ្សឹប​ឲ្យ​ឮថា លោក​ញ៉ែម ហេម​ម៉ា​ត កាលពី​គាត់​ធ្វើជា​ប្រធាន​ការិយាល័យ ប្រចាំ​ច្រក​នោះ គឺ​មហា​សែន​ពូកែ​ស៊ីដាច់​កូនចៅ ធ្វើការ​អត្តនោម័ត​ម្នាក់ឯង មិន​ស្តាប់​យោបល់​ថ្នាក់ក្រោម ទេ ម៉ាត់​ណា​ក៏​គាត់​ថា ដក​លុយ​ក្នុង​កេស​ខ្មៅ​ទៅ​ស៊ីផឹក​ជាមួយ​ថ្នាក់លើ​ដែរ ហើយ​បើ​មន្ត្រី​ថ្នាក់ក្រោម​ហ៊ាន​សួរនាំ ច្បាស់​ជា​ដក​បញ្ឈរជើង​មិន​ខាន ។ ដោយ​ទង្វើ​អាក្រក់​កិបកេង​លុយ​រដ្ឋ ស៊ុមគ្រលំ​ជាមួយ ឈ្មួញ​ខិលខូច ទើប​ថ្នាក់លើ​ដឹង​រឿង​ដក​មក​បញ្ឈរជើង​នៅ​អគ្គនាយកដ្ឋាន ។ ប៉ុន្តែ​ឥឡូវនេះ​ឮថា លោក ម្នាក់នេះ​កំពុងតែ​រត់​ការ​រក​ខ្សែ​ទុយោ ដើម្បី​តូ​បាន​ទៅ​គ្រប់គ្រង​កន្លែង​ដើម​វិញ ព្រោះ​ទីនោះ​ស្រួល​រកលុយ ច្រក​ហោប៉ៅ ។​
​មន្ត្រី​គយ​បាន​ខ្សឹប​ឲ្យ​ឮ​ទៀត​ថា សូម​អង្គភាព​ប្រឆាំង​អំពើពុករលួយ​បើក​ការស៊ើបអង្កេត​លើ​លោក​ម្នាក់ នេះ​ផង ពិសេស​លោក​អគ្គនាយក​គយ​តែម្តង ប្រយ័ត្ន​ថ្នាក់ក្រោម​ក្រូម៉េ​ឯកសារ​អត់​បានដឹង​ចេះ​តែ​ស៊ីញ៉េ​។ គេ​និយាយថា លោក​ញ៉ែម ហេម​ម៉ា​ត បាន​ដើរ​អួត​ឡង់សេ​ប្រាប់​គេឯង​ថា គាត់​ជិត​មាន​ឱកាស​ទៅ ប្រមូល​ប្រាក់​នៅ​ច្រក​នោះ​វិញ​ហើយ ។​
​មន្ត្រី​គយ​នៅ​ច្រក​នោះ​នាំគ្នា​តក់ស្លុត​យ៉ាងខ្លាំង ខណៈ​បានឮ​ព័ត៌មាន​ថា មេ​របស់​គេ​បាន​ទៅ​កន្លែង​ដើម វិញ​នេះ ។ ទោះជា​យ៉ាងណា​ក្តី​គេ​មិនដឹងថា ព័ត៌មាន​នេះ​ពិត​ក្នុង​កម្រិត​ណា​នោះទេ ព្រោះ​មិន​អាច ទំនាក់ទំនង​លោក​ញ៉ែម ហេម​ម៉ា​ត បាន​កាល​ពី​ម្សិលមិញ ៕ ដោយ​៖ ឧត្តម​

Copyright © 2010-2021 · អរិយធម៌ · All Rights Reserved.
Develop by Sek Sathya