ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 មន្ត្រីបរិស្ថាន ក្នុងខេត្តកំពង់ឆ្នាំង បណ្តោយឲ្យពួកក្រុមជនល្មើស ធ្វើសកម្មភាព ចូលកាប់ឆ្ការ ឈូសឆាយ ទន្រ្ទានយកដីគម្រប ព្រៃឈើ ដែលគ្រប់គ្រងដោយមន្ទីរបរិស្ថាន ខេត្តកំពង់ឆ្នាំងវាស់ចែកគ្នា លក់យ៉ាងគគ្រឹកគគ្រេង​  ||     ឈ្មោះ ឯក សារិន ហៅវុធ មេប៉ុស្ទិឃុំទន្លេបិទ មានអំណាចកាងបនល្បែងជល់មាន់នៅព្រៃខ្មោច សូមអគ្គស្នងការមេត្តាពិនិត្យបុគ្គលខិលខូចរូបនោះផង​  ||     ដីគម្របព្រៃឈើនៅតាមជួរភ្នំក្នុងឃុំ ត្រងិល ដែលគ្រប់គ្រងដោយសហគមន៍ព្រៃឈើ កំពុងទទួលរងនូវការ បាត់បង់អស់ទាំងស្រុងនៅលើទឹកដី ស្រុកកំពង់លែង​  ||     លោក​ គង់ ណារិន្ទ មេប៉ុស្តិ៍ច្រកបុសមន ហ៊ានធ្វើអ្វីៗតាមអំពើចិត្ត គឺដោយសារមានលោក កឹង ឃន ស្នងការនគរបាលខេត្តស្វាយរៀង ជាបង្អែកដ៏រឹងមាំ?​  ||     ភ្ញាក់ផ្អើល! ឈ្មួញធ្វើអាជីវកម្មជីករណ្តៅដីក្នុងឃុំអូរតាគី ស្រុកថ្មគោល មានការឃុបឃិតជាប្រព័ន្ធ​  ||   

» ព័ត៌មានជាតិ » ករណី​បាញ់សម្លាប់​ប្អូន​ជីដូនមួយ ខៀវ សុខា​រ៉ាវី ជនសង្ស័យ​៣​នាក់ ឃាត់ខ្លួន​នៅ​ទីបញ្ជាការដ្ឋាន​អាវុធហត្ថ​រាជធានី​ភ្នំពេញ

ករណី​បាញ់សម្លាប់​ប្អូន​ជីដូនមួយ ខៀវ សុខា​រ៉ាវី ជនសង្ស័យ​៣​នាក់ ឃាត់ខ្លួន​នៅ​ទីបញ្ជាការដ្ឋាន​អាវុធហត្ថ​រាជធានី​ភ្នំពេញ

(​ភ្នំពេញ​)៖ នៅ​ម៉ោង​១២​និង​១៥​នាទី​ថ្ងៃត្រង់ ថ្ងៃទី​១៤ ខែ​សីហា ឆ្នាំ​២០១៦​នេះ ជនសង្ស័យ​៣​នាក់ ត្រូវបាន​កម្លាំង​អាវុធហត្ថ រាជធានី​ភ្នំពេញ ចាប់ខ្លួន​ពាក់ព័ន្ធ​នឹង​អំពើ​ឃាតកម្ម​បាញ់សម្លាប់​បុរស​ម្នាក់ នៅ​ក្បែរ​ផ្សារ​រាត្រី ខណ្ឌដូនពេញ នា​យប់មិញ​ដែលជា​ប្អូន ជីដូនមួយ​របស់ ខៀវ សុខា​រ៉ាវី ប៉ុន្តែ​ជនសង្ស័យ​ទាំងនេះ បាននិងកំពុង​សួរនាំ​យ៉ាង​យកចិត្តទុកដាក់ ពី​មន្ត្រី​ជំនាញ​របស់​អាវុធហត្ថ ដើម្បី​លាតត្រដាង​ពី​ឃាតក​ពិតប្រាកដ​។​
​សម្រាប់​ជនសង្ស័យ​ទាំង​៣​នាក់​នេះ មាន​២​នាក់ ជា​សាច់ញាតិ​របស់​អតីត​តារា​សម្តែង ខៀវ សុខា​រ៉ាវី (​ម្ចាស់​ហាង​មី​នី​ម៉ា​ត​) ពីព្រោះ​ក្រោយ​កើតហេតុ​ភ្លាមៗ រូប​គេ​នៅ​ទីនោះ ដូច្នេះ​កម្លាំង​អាវុធហត្ថ​ក៏​ធ្វើការ​ឃាត់ខ្លួន​តែម្តង​ជាមួយ​ជនសង្ស័យ​ម្នាក់ទៀត​។​
​បើទោះបី​ម្តាយ ខៀវ សុខា​រ៉ាវី អះអាងថា កូនប្រុស​របស់​គាត់​មិនមែន​ជា​ឃាតក​បាញ់​សម្លាប់​ជនរងគ្រោះ​ក៏​ដោយ​នោះ​ក៏​កម្លាំង​អាវុធហត្ថ ឃាត់ខ្លួន​សិន ដើម្បី​យក​ទៅ​សួរនាំ​តាមរយ​:​កាមេរ៉ា​សុវត្ថិភាព និង​ភស្តុតាង​មួយចំនួនទៀត​។​
​យោងតាម​របាយការណ៍​របស់​សមត្ថកិច្ច​មូលដ្ឋាន​បានឲ្យដឹងថា ករណី​នេះ​ឃាតកម្ម​នេះ​បាន​កើតឡើង​នៅ​ម៉ោង ប្រមាណ​៩៖១៥​នាទី យប់​ថ្ងៃ​ទី​១៣ ខែ​សីហា ឆ្នាំ​២០១៦ ស្ថិត​នៅ​ហាង​មី​នី​ម៉ា​ត ផ្ទះ​លេខ​165Eo ផ្លូវ​ព្រះស៊ីសុវត្ថិ ខណ្ឌដូនពេញ ក្បែរ​ផ្សា​រាត្រី​។​
​មុនពេល​កើតហេតុ នៅវេលា​ម៉ោង​ប្រហែល​៨​យប់ ជនរងគ្រោះ ឈ្មោះ សឺ​ន ចាន់​ដា​រ័ត្ន ភេទ​ប្រុស អាយុ​២៨​ឆ្នាំ មុខរបរ​បុគ្គលិក​ក្រុមហ៊ុន អចលនទ្រព្យ កំពុង​អង្គុយ​ផឹកស្រា​បៀរ​តែម្នាក់ឯង​នៅមុខ​ម៉ា​ត លុះដល់​វេលា​ម៉ោង ៨​និង​៣០​នាទី ទៅ​ម៉ោង​៩ ស្រាប់តែ​មាន​ជន​មិន​ស្គាល់​មុខ ពី​៤​ទៅ​៥​នាក់ បាន​សម្រុកចូល ទៅក្នុង​ម៉ា​ត ដោយ​មាន​អាវុធ​គ្រប់​ដៃ និង​អាយកូម​គ្រប់​ដៃ​។ ភ្លាមៗ​នោះ ជន​បង្ក​បាន​រុញ​ជនរងគ្រោះ​ចូល​ទៅក្នុង​ម៉ា​ត រួច​បាញ់​២​គ្រាប់​ទៅលើ​ជនរងគ្រោះ និង​បាញ់​មួយ​គ្រាប់​ទៀត​ចំ​ជញ្ជាំង បណ្តាល​ឲ្យ ជនរងគ្រោះ​រងរបួស​ធ្ងន់ ហើយ​បាន​ស្លាប់​ពេល​បញ្ជូន​ទៅកាន់​មន្ទីរពេទ្យ​ព្រះ​កេតុ​មាលា មុន​យក​សព​ទៅ​តម្កល់ ទុក​នៅ​វត្ត​ចាស់ ខណ្ឌ​ជ្រោយចង្វារ​។​
​ក្រោយ​បាញ់សម្លាប់​ជនរងគ្រោះ​ហើយ ជនល្មើស​មិនបាន​ទៅ​ណា​ទេ ថែម​ទាំង​នៅ​ជជែក​ជាមួយ​កម្លាំង​អាវុធហត្ថ​ខណ្ឌដូនពេញ ទៀតផង ដូច្នេះ​កម្លាំង​អាវុធហត្ថ ក៏​បាន​ឃាត់ខ្លួន ឈ្មោះ ខៀវ ថន​វណ្ឌ​ឌី ប្អូនប្រុស​បង្កើត ខៀវ សុខា​រ៉ាវី ភេទ​ប្រុស អាយុ​២៦​ឆ្នាំ និង​ម្នាក់​ទៀត​ឈ្មោះ សឺ​ន ច័ន្ទ​ណារិណ អាយុ​២៣​ឆ្នាំ បុគ្គល​នៅក្នុង​ម៉ា​ត ព្រមទាំង​ជន​ម្នាក់ទៀត​។​
​យ៉ាងណា​ក៏ដោយ​នៅ​យប់មិញ ម្តាយ ខៀវ សុខា​រ៉ាវី បាន​និយាយប្រាប់​នៅ​ក្រោយ​កើតហេតុ​ឲ្យដឹងថា កូន​របស់​គាត់​មិន​មែន ជា​អ្នក​បាញ់សម្លាប់​នោះទេ​, មាន​អ្នក​ផ្សេង​ជា​អ្នក​ចូល​មក​បាញ់​សម្លាប់​ដូច​លក្ខណៈ​ប្លន់​, ហើយ​អ្នក​ស្លាប់ គឺជា​ក្មួយបង្កើត​របស់​គាត់​។​
​ម្តាយ ខៀវ សុខា​រ៉ាវី បាន​បញ្ជាក់​យ៉ាង​ដូច្នេះ​ថា «​កូន​របស់​ខ្ញុំ​មិនមែន​ជា​បាញ់​ទេ មាន​មនុស្ស​ផ្សេង​ចូលមក​បាញ់ ដូច​ក្នុង​លក្ខណៈ​ប្លន់​, បើ​មិន​ជឿ​ខ្ញុំ​មាន​កាមេរ៉ា​មើល​»៕

13886969_312403889092120_4867723747366682143_n 13935135_508732232671431_6588213661773121210_n fn-2016-08-14-08-52-16-0

Copyright © 2010-2021 · អរិយធម៌ · All Rights Reserved.
Develop by Sek Sathya