ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក លឹម លក្ខណ៍ ដែលចូលក្របខ័ណ្ឌ ៣ឆ្នាំ ទទួលមុខតំណែងជានាយរងការិយាល័យសន្តិសុខឯកជន នៃស្នងការដ្ឋាននគរបាលខេត្តកណ្តាល ពាក់ស័ក្តិ៤យ៉ាងហំ ហើយល្បីថា រត់ការបន្តយកតំណែងជាស្នងការរង ខេត្តកណ្តាល?​  ||     ជនល្មោភលុយកាក់ យកសាសនាព្រះយ៉េស៊ូវ ធ្វើអាជីវកម្ម បានឈូសឆាយដីកប់សពបងប្អូនអ្នកជឿព្រះយ៉េស៊ូវ ពុះជាដីឡូតិលក់ បង្កភ្ញាក់ផ្អើលខ្លំាង នៅសៀមរាប​  ||     បែកធ្លាយ ! លោក ជា វណ្ណៈ និងលោក ថន សឿន សង្ស័យពាក់ព័ន្ធនឹងការកាប់បំផ្លាញព្រៃឈើ នៅតំបន់អូរហ៊ុច ដែលកម្លាំងចម្រុះចុះបង្ក្រាបពីម្សិលមិញ​  ||     ហេតុអីក៏នាយនគរបាលម្នាក់នេះ  ទើបចូលក្របខ័ណ្ឌនគរបាលជាតិ បាន៣ឆ្នាំសោះ ពាក់ស័ក្តិ៤ និងមានតំណែងជានាយរងការិយាល័យថែមទៀត?​  ||     ទីតាំងស្តុកឈើឥតច្បាប់មួយកន្លែង របស់មេឈ្មួញ ឈ្មោះ ថា រកស៊ីជួញដូរព្រៃឈើច្រើនឆ្នាំកន្លងមកហើយ សមត្តកិច្ចនិងមន្ដ្រីជំនាញមិនដែលធ្វើការបង្ក្រាប​  ||   

» Breaking News, ព័ត៌មានជាតិ » បក្សប្រឆាំង​នាំគ្នា​ទៅសម្ងំ​ស្បថ​នៅអង្គរវត្ត​ ​

បក្សប្រឆាំង​នាំគ្នា​ទៅសម្ងំ​ស្បថ​នៅអង្គរវត្ត​ ​

សៀមរាប ៖ កាលពី​ព្រឹក​ថ្ងៃទី​២២ កញ្ញា ឆ្នាំ​២០១៣ មេដឹកនាំ​គណបក្ស​សង្គ្រោះ​ជាតិ មាន​លោក សម រង្ស៊ី និង​លោក កឹម សុខា បាន​ដឹកនាំ​ក្រុមតំណាងរាស្ត្រ​ជាប់ឆ្នោត​របស់ខ្លួន​ទៅធ្វើ​ពិធី ស្បថស្បែ​នៅមុខ​ប្រាសាទអង្គរវត្ត ដើម្បី​សច្ចា​រួមគ្នា​ធ្វើពហិកា​មិន​ចូលរួម​សម័យប្រជុំ​សភា​ជា​លើក ដំបូង​នៅ​ថ្ងៃទី​២៣ កញ្ញា នេះ ទោះបី​ជាមាន​ព្រះរាជ
​វត្តមាន​ព្រះមហាក្សត្រ​ព្រះបរមនាថ​នរោត្តម សីហមុនី យាង​ធ្វើជា​ព្រះរាជាធិបតីភាព​ក៏ដោយ ។​
​ពិធី​ស្បថស្បែ​តាមបែប​សាសនា​ដែលមាន​បង្កប់​នូវ ពាក្យពេចន៍​នយោបាយ​ដ៏​ចម្រូងចម្រាស​នោះ បានធ្វើ​ឡើង នៅមុខ​ប្រាសាទអង្គរវត្ត​ដែលជា​បេតិកភណ្ឌ​ពិភពលោក​ដ៏​ល្បីល្បាញ​របស់  កម្ពុជា ។ អ្វីដែល​ជាការ​គួរឱ្យកត់សម្គាល់​នោះ​គឺ គណបក្ស​នេះ​បានប្រកាស​តំណាងរាស្ត្រ​ជាប់ឆ្នោត​របស់ខ្លួន​រហូត​ដល់ ៦៣​នាក់ មិនមែន​
៥៥​នាក់​នោះទេ និង​មានការ​ចូលរួម​ពី​អ្នកគាំទ្រ​រាប់រយ​នាក់​ផង​ដែរ ។ នេះ​ជា​ដំណើរ​មកកាន់​ខេត្តសៀមរាប​ជា​លើក​ទី​៣​ហើយ របស់​ក្រុម​មេដឹកនាំ​បក្ស​សង្គ្រោះ​ជាតិ ដែលជា​បក្ស​ប្រជែង​ជាមួយ​គណបក្ស​ប្រជាជន​កម្ពុជា​កំពុងកាន់​អំណាច នៅក្រោយ​ការបោះឆ្នោត​ជ្រើសរើស​តំណាងរាស្ត្រ​នីតិកាល​ទី​៥ ដែល​ប្រព្រឹត្តទៅ​កាលពី​ថ្ងៃទី​២៨ កក្កដា កន្លងទៅ ដោយ​រាល់​លើក​គេ​តែងតែ​ឃើញ​មានការ​ទៅ​បួងសួង ឬ​ស្បថស្បែ​នៅមុខ​ប្រាសាទអង្គរវត្ត ឬ​អាស្រម​ព្រះអង្គ​ចេក អង្គ​ចម ធ្វើ​ដូច​ពួកគេ​ជឿ​ខ្លាំងណាស់ ។​
គួរ​កត់សម្គាល់ថា ព្រះរាជាណាចក្រ​កម្ពុជា ជា​ប្រទេស​ប្រកាន់​លទ្ធិប្រជាធិបតេយ្យ សេរី​ពហុបក្ស អាស្រ័យ​រដ្ឋធម្មនុញ្ញ បានរៀបចំ​បោះឆ្នោត​ជ្រើសរើស​តំណាងរាស្ត្រ​នីតិកាល​ទី​៥ ចប់សព្វគ្រប់​ដោយ​រលូន​នៅ​ថ្ងៃទី​២៨ កក្កដា ២០១៣ កន្លងទៅនេះ ដោយមាន​គណបក្សនយោបាយ​ចំនួន​៨ ចូលរួម​ប្រកួតប្រជែង​ដណ្តើម​អាសនៈ​ចំនួន​១២៣
នៅក្នុង​សភាជាតិ ក៏ប៉ុន្តែ​នៅ​ចុងបញ្ចប់​មានតែ​គណបក្ស​ចំនួន​ពីរ​ប៉ុណ្ណោះ​មាន​វាសនា​ទទួល បាន​អាសនៈ​ក្នុង​សភា ដែល​ក្នុងនោះ​គណបក្ស​ប្រជាជន​កម្ពុជា​កំពុង​គ្រប់គ្រង​រាជរដ្ឋាភិបាល ទទួលបាន​អាសនៈ​ចំនួន​៦៨ និង​គណបក្ស​សង្គ្រោះ​ជាតិ​ដែលជា​បក្ស​ប្រជែង​ទទួលបាន​អាសនៈ​ចំនួន​៥៥ ។ នេះ​បើ​យោងតាម​ការប្រកាស​ជា​ផ្លូវការ​របស់
គ​.​ជ​.​ប កាលពី​ថ្ងៃទី​៨ កញ្ញា​កន្លងទៅ ៕

Copyright © 2010-2021 · អរិយធម៌ · All Rights Reserved.
Develop by Sek Sathya