ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||     រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||   

» Breaking News, ព័ត៌មានជាតិ » ថ្ងៃនេះ លោក សម រង្ស៊ី និង​លោក កឹម សុខា ដឹកនាំ​សមាជិក​ចូលគាល់​ព្រះមហាក្សត្រ​ ​

ថ្ងៃនេះ លោក សម រង្ស៊ី និង​លោក កឹម សុខា ដឹកនាំ​សមាជិក​ចូលគាល់​ព្រះមហាក្សត្រ​ ​

ភ្នំពេញ ៖ នៅវេលា​ម៉ោង​៨​និង​៣០​នាទី​ព្រឹក​ថ្ងៃទី​២១ កញ្ញា ២០១៣​នេះ​ មេដឹកនាំ​គណបក្ស​សង្គ្រោះ​ជាតិ លោក សម រង្ស៊ី និង លោក កឹម សុខា នឹង​ដឹកនាំ​បេក្ខជន​ជាប់ឆ្នោត​តំណាងរាស្ត្រ​នីតិកាល​ទី​៥​នៃ​រដ្ឋសភា ចូល​ថ្វាយបង្គំ​គាល់​និង​ដាក់​ញត្តិ​ថ្វាយ​ព្រះមហាក្សត្រ​ ។​
​ប្រភពពី​មន្ត្រី​គណបក្ស​សង្គ្រោះ​ជាតិ បានបញ្ជាក់​ឲ្យ​ដឹង​ថា បន្ទាប់ពី​ចូល​ថ្វាយបង្គំ​និង​ដាក់​ញត្តិ​ថ្វាយ​ព្រះមហាក្សត្រ​រួច នៅ​ម៉ោង​៩​និង​៣០​នាទី​ព្រឹក​ថ្ងៃទី​២១​កញ្ញា​ដដែល​នេះ​លោក សម រង្ស៊ី និង លោក កឹម សុខា និង​បេក្ខជន​ជាប់ឆ្នោត​តំ​ណា​រាស្ត្រ​ទាំងអស់ នឹង​បន្តដំណើរ​ឆ្ពោះទៅកាន់​ខេត្តសៀមរាប ដើម្បី​ធ្វើ​ពិធី​សាសនា​នៅ​ទីនោះ ។​
​គួរ​បញ្ជាក់ថា កាលពី​ថ្ងៃទី​២០​កញ្ញា លោក សម រង្ស៊ី បាន​សរសេរ​លិខិត​ទូលថ្វាយ​ព្រះមហាក្សត្រ​ ព្រះបាទ នរោត្តម សីហមុនី ដោយ​បញ្ជាក់ថា គណបក្ស​សង្គ្រោះ​ជាតិ នឹងមិន​ចូលរួម​ប្រជុំ​សភា​លើកដំបូង​នៅ​ថ្ងៃទី​២៣ កញ្ញា ២០១៣​ខាងមុខនេះ​ទេ ។​
​នៅក្នុង​លិខិត​ដែល​ចុះហត្ថលេខា​ដោយ លោក​សម រង្ស៊ី ហើយ​ត្រូវបាន​ផ្សព្វផ្សាយ​ជា​សាធារណៈ​កាលពី​ថ្ងៃទី​២០ កញ្ញា ២០១៣ លោក សម រង្ស៊ី ក៏បាន​ទូលថ្វាយ​ទៀតថា បេក្ខជន​តំណាងរាស្ត្រ​ទាំង​៥៥​រូប​របស់​គណបក្ស​ស​ង្គ្រោះ​ជាតិ នឹងចូលរួម​ប្រជុំ​នៅពេលណា ដែល​គណបក្ស​សង្គ្រោះ​ជាតិ និង​គណបក្ស​ប្រជាជន​កម្ពុជា មានការ​ឯកភាពគ្នា ​ជាមុនសិន​ក្នុងការ​ដោះស្រាយ​បញ្ហា​ជាតិ​ធំៗ ស្របតាម​ព្រះរាជតម្រិះ​របស់​ព្រះអង្គ និង​បាន​ស្នើសុំ​ឲ្យ​ព្រះមហាក្សត្រ​ពន្យារពេល​ប្រជុំ​សភា​លើកដំបូង​នេះ ៕

Copyright © 2010-2021 · អរិយធម៌ · All Rights Reserved.
Develop by Sek Sathya