ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 បើកសង្វៀនបញ្ជល់មាន់ ទ្រង់ទ្រាយធំដំណើរការយ៉ាងរលូន  ម្ចាស់សៃវៀន ឈ្មោះ វណ្ណ នៅកំពង់ចាម​  ||     ល្បីរឿងលោក អ៊ុំ វុទ្ធទី និងបក្ខពួក ឆបោកលុយ ពីជនរងគ្រោះប្រមាណជាង ៣១ម៉ឺនដុល្លារ  ព្រោះតែ….  នៅភ្នំពេញ​  ||     ផ្ទុះរឿងអាស្រូវ!  លក់អាចម៍ដី(បឹងបែកក្អម) ចំនួន៥៤ហិកតា ដោយក្នុង១ហិកតាៗតម្លៃ៣០.០០០$ ឥឡូវសម្រេចផ្លាស់ប្ដូរ អភិបាលស្រុកមុខកំពូល​  ||     តើប្រជាពលរដ្ឋខុស ឬក៏មន្ត្រីជាអ្នកខូច ក្រោមល្បិចកន្ទេលធំបន្លំដេក ? ភ្ញាក់ផ្អើល! ប្រជាជន៧គ្រួសារ ស្រុកដងទង់ ប្ដឹងអភិបាលរងខេត្តកំពត អភិបាលស្រុកដងទង់ និងមន្ត្រីពាក់ព័ន្ធ រឿងដោះស្រាយដីធ្លីពុករលួយ  ទៅអង្គភាពប្រឆាំងអំពើពុករលួយ​  ||     មន្រ្តីច្រើននាក់ ទទួលបានផលប្រយោជន៍ពីគម្រោងស្តារបឹងបែកក្អម ស្រុកមុខកំពូល​  ||   

» ព័ត៌មានជាតិ » ខូង ទីន រង​ការ​រិះគន់ថា ឲ្យ​មន្ត្រីក្រោមឱវាទ​ធ្វើអំពើ​ពុករលួយ​

ខូង ទីន រង​ការ​រិះគន់ថា ឲ្យ​មន្ត្រីក្រោមឱវាទ​ធ្វើអំពើ​ពុករលួយ​

ក្រុម​រកស៊ី​ដឹង​ជញ្ជូន​ទំនិញ​និង​ប្រជាពលរដ្ឋ មួយចំនួន​មានការ​ខ្សឹបខ្សៀវ រអ៊ូរទាំ សម្តែង​ភាព​ក្តៅក្រហាយ​យ៉ាងខ្លាំង​ចំពោះ​លោក ខូង ទីន ដែលជា​មេ​មន្ត្រីនគរបាល​អន្តោរ​ប្រវេសន៍ គ្រប់គ្រង ច្រក​អន្តរជាតិ​អូរ​ស្មាច់ ទីតាំងនៅ​សង្កាត់​អូរ​ស្មាច់ ក្រុង​សំរោង ខេត្ត​ឧ​ត្ត​រ​មានជ័យ​។ ក្នុងនោះ​មាន​អំពើពុករលួយ​បង្ខំ​ឲ្យ​អ្នកដំណើរ​ឆ្លងកាត់​ព្រំដែន​បង់លុយ​តាមតែ​ខ្លួន​កំណត់​ផ្ទាល់មាត់ ជាងនេះទៅទៀត​នោះ ក្រុម​ឈ្មួញ​រកស៊ី​នាំ​ទំនិញ​តាម​រទេះ​ត្រូវបាន​មន្ត្រីនគរបាល​អន្តោប្រវេសន៍​ទាំងនោះ​ជំរិត​បង្ខំ​ឲ្យ​បង់ប្រាក់​ឆៅៗ​តាមតែ​ចិត្ត​គេ​ទារ និង​យកលុយ​ពី​មេខ្យល់​ជាច្រើន​ចូល​ហោប៉ៅ​ផ្ទាល់ខ្លួន​។​
​ករណី​ឃុបឃិត​ឲ្យ ពលករ​លួច​ឆ្លងដែន​ខុសច្បាប់ តាមរយៈ​មេខ្យល់​ប្រមាណ ៤​ទៅ​៥​នាក់ ក៏​ជា​ប្រភព​ចំណូល​ដ៏​សំខាន់ របស់លោក ខូង ទីន ដូចជា​មេខ្យល់​ម្នាក់ អាច​នាំ​ពលករ​ឆ្លងដែន​មួយក្រុម មាន​គ្នា​ចាប់ពី ៥​ទៅ​១០​នាក់ ហើយ​ក្នុង​មួយថ្ងៃៗ មាន​ពលករ​ឆ្លងដែន​ខុសច្បាប់ ចាប់ពី​៥០​ទៅ​៨០​នាក់ គេ​មិនដែល​ឃើញ នគរបាល​អន្តោប្រវេសន៍​របស់លោក ខូង ទីន ទប់ស្កាត់​ការធ្វើ​ចំណាកស្រុក ដោយ​ខុសច្បាប់​ឲ្យ​ស្របតាម​បទបញ្ជា របស់​រាជរដ្ឋាភិបាល​ម្តងណា​ឡើយ ។ មេខ្យល់​បាន​យកប្រាក់ ពី​ពលករ​ចំណាកស្រុក​ក្នុង​ម្នាក់ៗ​ចំនួន ២៥០០​បាត ហើយ​យកទៅ​បែងចែក​លោក ខូង ទីន ទើប​អាច​ឆ្លងដែន​ដោយ​ខុសច្បាប់ ដោយ​គ្មាន​សេចក្តី​ភ័យខ្លាច​។​
​ពាក់ព័ន្ធ​ករណីនេះ អាជ្ញាធរ​ក្រុង​សំរោង ក៏​មិន​សប្បាយចិត្ត​ចំពោះ មន្ត្រីនគរបាល​អន្តោប្រវេសន៍ ប្រចាំ​ច្រក​អន្តរជាតិ​អូ​ស្មាច់​នោះទេ  ព្រោះ​អាជីវករ​ជាច្រើន​ធ្លាប់បាន​ប្តឹងផ្តល់ ឲ្យ​អាជ្ញាធរ​ក្រុង​សំរោង ជួយ​ដោះស្រាយ​បញ្ហា​របស់​ពួកគេ នៅពេលដែល​នគរបាល អន្តោប្រវេសន៍​របស់លោក ខូង ទីន បង្ខំ​ឲ្យ​បង់លុយ​ចាប់ពី ១​ម៉ឺន​រៀល រហូតដល់​៥​ម៉ឺន​រៀល អាស្រ័យទៅលើ​ទំនិញ​តិច​ឬ​ច្រើន​។​
​ដូច្នេះ​ប្រសិនបើ​ទុក​ឲ្យ ភាព​អសកម្ម​បែបនេះ​បន្ត​កើតមាន គ្មាន​ដំណោះស្រាយ ប្រក​ដ​ជា​ធ្វើអោយ​មន្ត្រី​ទាំងនោះ​កាន់តែ​បានចិត្ត ធ្វើ​ឲ្យ​មាន​អំ​ពើពុករលួយ​កាន់តែ​ច្រី​នៗ អាច​នឹង​ក្រុមអាជីវករ ប្រជាពលរដ្ឋ​នាំគ្នា​ធ្វើបាតុកម្ម​ប្រឆាំង នគរបាល​អន្តោប្រវេសន៍ ក្រោម​បញ្ជា​របស់លោក ខូង ទីន មិន​ផុត​ឡើយ​។ លោក អភិបាលខេត្ត​ឧ​ត្ត​រ​មានជ័យ សរ ថា​វី មិនគួរ​មើលរំលង​ភាព​អសកម្ម ដែល​កំពុង​កើត​មាននៅ ច្រក​អន្តរជាតិ​អូ​ស្មាច់​នោះទេ ព្រោះ​អំពើ​គាប​ជំរិត​ប្រជាពលរដ្ឋ និង​អ្នករកស៊ី​ដឹកជញ្ជូន​ទំនិញ ឲ្យ​បង់លុយ​តាមតែ​អំពើ​ចិត្ត ក៏​ជា​ផ្នែក​មួយ​នៃ​ការទទួលខុសត្រូវ របស់​អភិបាលខេត្ត​ឧ​ត្ត​រ​មានជ័យផងដែរ​៕ វីលៀម


Copyright © 2010-2021 · អរិយធម៌ · All Rights Reserved.
Develop by Sek Sathya