កណ្ដាល ៖ ប្រភពពីប្រជាពលរដ្ឋនៅក្នុងស្រុក ស្អាងបានឱ្យដឹងថា ស្រះចិញ្ចឹមត្រីឆ្ដោ នៅក្នុងស្រុកស្អាងមិនតិចជាង១០០កន្លែង ទេ ដែលបន្ដចិញ្ចឹមត្រីឆ្ដោខុសច្បាប់ ហើយក្នុងមួយថ្ងៃគេសង្កេតឃើញថា កូន ត្រីល្អិតល្អោច (នុយត្រីឆ្ដោ) ត្រូវបាន ក្រុមឈ្មួញដឹកយកមកចែកចាយតាម ស្រះនីមួយៗមិនតិចជាង១០តោនទេ ក្នុងមួយថ្ងៃដើម្បីផ្គត់ផ្គង់ឱ្យត្រីឆ្ដោគ្រប់ស្រះ ទាំងអស់នោះ ស៊ីជាអាហារ ។
ពាក់ព័ន្ធនឹងបែរចិញ្ចឹមត្រីឆ្ដោ ខុស ច្បាប់ខាងលើនេះកន្លងមកគេ សង្កេត ឃើញមន្ដ្រីជំនាញជលផលដឹកនាំ កម្លាំងចម្រុះចុះបង្ក្រាប ជាហូរហែមក ហើយដែរ តែវិធានការបង្ក្រាបរបស់ កម្លាំងចម្រុះហាក់បីដូចជា គោះទឹក ឱ្យត្រីចូលក្នុងស៊ងតែប៉ុណ្ណោះ ។ ទើប បានជា កើតមានរបរចិញ្ចឹមត្រីឆ្ដោនេះ បន្ដបន្ទាប់ទៀតយ៉ាងដូច្នេះ ។ កាលដែល
កើតមានករណីលួចចិញ្ចឹមត្រីឆ្ដោក៏ បណ្ដាលឱ្យបទល្មើសនេសាទកើតឡើង ពេញបន្ទុកនៅក្នុងផ្ទៃបឹង ទោះបីជាក្នុង រដូវហាមឃាត់ក៏ដោយជាហេតុធ្វើឱ្យ ធនធានមច្ឆជាតិបាត់បង់បន្ដិចម្ដងៗ ។
អ្នកចិញ្ចឹមត្រីឆ្ដោម្នាក់សុំ មិនបញ្ចេញឈ្មោះបានឱ្យដឹងថា ត្រីនុយឆ្នាំនេះមាន តម្លៃ១៨០០រៀលក្នុងមួយគីឡូក្រាម ហើយក្នុងមួយថ្ងៃៗកូនត្រីតូចៗ ដែល ជាត្រីនុយសម្រាប់ត្រីឆ្ដោស៊ីនោះគ្រាន់ តែនៅក្នុងស្រុកស្អាងមិនតិចជាង១០ តោននោះទេ ។ គាត់បានបន្ដថា ការ ចិញ្ចឹមត្រីឆ្ដោ គឺខាងមន្ដ្រីជំនាញបានចុះ ហាមឃាត់និងឱ្យធ្វើកិច្ចសន្យាបញ្ឈប់
ជារឿយៗមកហើយដែរ តែដោយសារ ពួកគាត់ពុំមានមុខរបរអ្វី ទើបនាំគ្នា បន្ដចិញ្ចឹមផ្សងព្រេងទៀតទៅ ៕
