ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ផ្ទះ​ទទួល​ទិញ​នៅ​ផល​ចោរកម្ម​ពី​ឡាន​ដឹក​ប្រេងឥន្ធនៈ​តេ​លា​មួយកន្លែង កំពុង​លួច​សំ​ង៉​ទិញ​យ៉ាង​រំភើយ​  ||     ចាប់​ឡាន​ដឹកឈើ​ប្រណិត​មួយគ្រឿង មិនបាន​មួយ​ដង្ហើមចង្រិត​លែង​វិញ​បាត់​  ||     ធ្លាយ​រឿង​អំពើពុករលួយ ជួសជុល​និង​លាប់ថ្នាំ​តិចតួច នៅ​អគារ​ធំ ផ្នែក​ខ្លះ​នៃ​ជា​ន់ទី២និង​ទី៣ មន្ទីរពេទ្យ​លោកសង្ឃ ចំណាយលុយ​រដ្ឋ ជិត១លាន​ដុល្លា (៣ ១២០លាន​រៀល) សង្ស័យ​ប្រធាន​ពេទ្យ លោក តាន់ សុគន្ធ ចំណេញ​គ្រប់ទឹក?​  ||     មេព្រៃ​ខេត្តក្រចេះ មើលមិនឃើញ​ក្រុម​រកស៊ី​ដឹកឈើ​ប្រណីត​តាម​រថយន្ត​យី​ឌុប សាំ​យ៉ុង ម៉ូតូ​ជាច្រើន​គ្រឿង ដែល​ដឹក​តាម​ដងផ្លូវ​ជា​រៀងរាល់ថ្ងៃ សង្ស័យ​ត្រូវ​ថ្នាំ​សណ្ដំ​ឈ្មួញ​  ||     បែកធ្លាយ​លុយ៥ម៉ឺន​ដុល្លា​សម្រាប់​រត់ការ​ដាក់​ឆ្នុក​បំផ្លាញ​ម​ឆ្ឆា​ជាតិ ជូន​ដល់​អង្គភាព​ពាក់​ព័​ន្ឋ​ខេត្តកំពង់ធំ?​  ||   

» ព័ត៌មានជាតិ, វិភាគ​នយោបាយ » បោះឆ្នោត​មិនដែលឈ្នះគេ​ ​ចោទថា​ មិនយុត្តិធម៌

បោះឆ្នោត​មិនដែលឈ្នះគេ​ ​ចោទថា​ មិនយុត្តិធម៌

ភ្នំពេញ ៖ ​លោក សម រង្ស៊ី ប្រធានគណបក្សសង្គ្រោះជាតិ ដែលកំពុងរត់គេចខ្លួន​ទៅ​ឲ្យបរទេសជួយ​ បាន​សរសេរ​ក្នុងហ្វេសប៊ុក​របស់គាត់ថា ការបោះឆ្នោត​នៅក្នុងប្រទេសកម្ពុជា​ នាពេលកន្លងម​ក​មានតែម្ដងគត់យុត្តិធម៌ គឺ​នៅឆ្នាំ​១៩៩៣ ក្រៅពីនោះអយុត្តិធម៌ទាំងអស់​។

 

តាៗអ្នកនយោបាយ​តាមតុកាហ្វេ​បាន​បញ្ចេញទស្សនៈថា ការលើកឡើងរបស់លោក សម រង្ស៊ី មេគណបក្សប្រឆាំង ដែលមិនធ្លាប់​ទទួលបានការ​ឈ្នះឆ្នោត​ម្ដងណានោះ ពិតជា​មិនត្រឹមត្រូវ​នោះទេ ព្រោះ​ការបោះឆ្នោត​ឆ្នាំ១៩៩៣ រហូតដល់​ឆ្នាំ​២០១៣ គឺ​សុទ្ធ​តែ​យុត្តិធម៌ទាំងអស់ ហើយការ​ចូលរួម​បោះឆ្នោត​ និងការ​ចូល​រួ​ម​សង្កេតការណ៍ម្ដងៗ សុទ្ធតែមាន​គណបក្សប្រឆាំង​ អង្គការសង្គម​ស៊ីវិលនានា​ចូលរួមរហូត​។ ដូច្នេះ​ការលើកឡើង​របស់លោក សម រង្ស៊ី គ្រាន់​តែជាការលួង​ចិត្ត​សមាជិក​ សមាជិកា​របស់គាត់​ កុំឲ្យបាក់ទឹកចិត្តតែប៉ុណ្ណោះទេ។ តាៗទាំងនោះបានបន្ថែមទៀតថា បើកីឡាប្រដាល់​គេចាញ់ដល់​ទៅ​៤-៥លើក​បែបនេះ គេឈប់​ចូលប្រកួត​ជាមួយ​ដៃគូទៀតហើយ ​តែ​សម្រាប់​គណបក្សប្រឆាំង ដូចមិនចេះ​រាងចាលសោះ​ ពេលខ្លួនឯងចាញ់ឆ្នោតបែរជា​ថា ការបោះឆ្នោតនោះ មិនត្រឹមត្រូវ​ តែ​ប្រសិនបើ​ខ្លួនឯងឈ្នះឆ្នោត​វិញម្ដង​ទំនងជា​ថា ត្រឹមត្រូវមិនខានឡើយ។ ដូច្នេះ​ការបោះឆ្នោត​ទាំង​៤-៥លើក​កន្លងមក​ គឺ​គណបក្សសង្គ្រោះជាតិ​មិនដែល​ស្គាល់​រសជាតិ​ថា ឈ្នះ​ឆ្នោត​ម្ដង​ណាទេ ហើយ​ពេលលទ្ធផល​ឆ្នោត​ចេញមក​គណបក្សនេះ តែងតែប្រកាសថា មិនត្រឹមត្រូវ​។ គេសួរថា បើដឹង​ថា ការ​បោះឆ្នោត​ទាំង​ប៉ុន្មាន​លើក​មិនត្រឹមត្រូវ​ ហេតុអ្វីគណបក្សប្រឆាំង​បញ្ជូន​សមាជិក​ សមាជិកា​ឲ្យទៅសង្កេត​ការណ៍ និងឲ្យ​ទៅ​បោះឆ្នោតធ្វើ​អ្វី? នេះ​ស បញ្ជាក់ឲ្យឃើញថា គណបក្សសង្គ្រោះជាតិ​ក៏ចង់​ កាន់អំណាច​ដូចគណបក្សប្រជាជន​កម្ពុជាដែរ ​តែ​វាទៅមិនរួច​ ព្រោះគណបក្សនេះ (គណបក្សសង្គ្រោះជាតិ) ចេះតែ​ដើរ​ស្រែក តែ​មិនចេះ​បញ្ចេញសកម្មភាព​អភិវឌ្ឍន៍ប្រទេសឲ្យប្រជាពលរដ្ឋបានឃើញ ​ ទើប​គេមិនបោះឆ្នោតឲ្យ។

 

តាៗទាំងនោះ បានបន្ថែមទៀតថា ល្មម​លោក​ សម រង្ស៊ី លោក កឹម សុខា និង​សមាជិក​សមាជិកា ប្ដូរយុទ្ធសាស្រ្តពីដើរជេរគេឯង​ និងចេះតែដើរស្រែក​ ងាក​មក​ខំប្រឹងអភិវឌ្ឍន៍បង្កើតនូវ​សមិទ្ធផលផ្សេងៗវិញ ក្រែងលោហ៍អាចមានសង្ឃឹមនៅឆ្នាំ​២០១៨ខាងមុខ តែ​បើមិនកែ​ចរិត​ជេរគេជេរឯងទេនោះ ទោះខំប្រឹង​១០០ជាតិទៀត​ក៏មិនឈ្នះ​គណបក្សប្រជាជនកម្ពុជាដែរ ​ព្រោះ​ប្រជាជន​នាបច្ចុប្បន្ននេះ ពួកគាត់​មើល​ពីសកម្មភាព​ការងារ​ និងការអភិវឌ្ឍប្រទេស​ មិនជឿនូវ​ការសន្យា​ខ្យល់នោះទៀតទេ ។ ដូច្នេះលោក​ សម រង្ស៊ី ដែលបានលើកឡើងថា ការបោះឆ្នោត​ ដែលត្រឹមត្រូវ​យុត្តិធម៌មានតែ​ម្ដងគត់នៅឆ្នាំ​១៩៩៣នោះ គឺមិនពិត​ទេ សូម​ឈប់​ដើរ​បោក​ប្រាស់សមាជិកសមាជិកា​ និងប្រជាពលរដ្ឋ​ទៀតទៅ​ ព្រោះ​គេធុញថប់ និងសម្ដី​មិនបាន​ការបែបនេះណាស់​៕ ដោយ ឧត្តមdfgh

Copyright © 2010-2017 · អរិយធម៌ · All Rights Reserved.
Develop by Sek Sathya