ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោកឧត្តមសេនីយ៍ទោ ឡោ សុខា ស្នងការខេត្តមណ្ឌលគិរី កំពុងស្រាវជ្រាវវែករកមុខជនបង្កើតឲ្យមានបទល្មើសព្រៃឈើ​  ||     សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||   

» ព័ត៌មានជាតិ, សិល្បៈ-កម្សាន្ត » សួស វី​ហ្សា មាន​ទំនាក​ទំ​នង់​ស្នេហ៍​ស៊ីជម្រៅ​ជាមួយ​ថៅកែ​កា​រ៉ា​ស់​ឡាន ? ​

សួស វី​ហ្សា មាន​ទំនាក​ទំ​នង់​ស្នេហ៍​ស៊ីជម្រៅ​ជាមួយ​ថៅកែ​កា​រ៉ា​ស់​ឡាន ? ​

ភ្នំពេញ​៖ ក្នុង​រយៈពេល​ថ្មីៗ​នេះ​ស្រាប់តែ​លេចឮ​ព័ត៌មាន​ដ៏​រសើប​មួយ​បាន​ទម្លាយ​មក​ថា តារាចម្រៀង​ស្រី​សម្បុរ​ស​សំនៀង​ក្រអួន​នៅក្នុង​ផលិតកម្ម​រស្មី​ហង្ស​មាស កញ្ញា សួស វី​ហ្សា​កំពុងមាន​ទំនាក់ទំនង​ស្នេហា​យ៉ាង​ស៊ីជម្រៅ​ជាមួយ​បុរស​ម្នាក់​ដែល​ត្រូវបាន​គេ​ដឹងថា ជា​ថៅកែ​យានដ្ឋាន​មានទ្រព្យ​ស្តុក​ម្នាក់​នៅក្នុង​ក្រុងភ្នំពេញ​។​
​ការលេចឮ​ព័ត៌មាន​នេះ​ស្រប​ពេលដែល​កេរ្តិ៍​តារា​រូបនេះ​កំពុង​តែមាន​ភាពលេច​ធ្លោ​ខ្លាំង​គួរសម​ក្នុង​វិថី​សិល្បៈ​។ ប្រភពពី​មជ្ឈដ្ឋាន​អ្នក​ចូលចិត្ត​តាម​ដ្ឋា​ន​វិស័យ​សិល្បៈ​បាន​បង្ហើប​ឱ្យដឹងថា កញ្ញា សួស វី​ហ្សា ថ្មីៗ​នេះ​គេ​ឧស្សាហ៍​ឃើញ​នាង​បង្ហាញ​ភាពស្និទ្ធស្នាល​ជាមួយ​បុរស​ម្នាក់ ដែល​គេ​ដឹងថា​ជា​ម្ចាស់កា​រ៉ា​ស់​ឡាន​មានទ្រព្យ​ស្តុកស្តម្ភ​ម្នាក់​នៅក្នុង​រាជធានី​ភ្នំពេញ​។ មិនតែប៉ុណ្ណោះ​ភាពស្និទ្ធស្នាល​រវាង​នាង និង​បុរស​ថៅកែ​លក់​ឡាន​ម្នាក់​នោះ ក៏ត្រូវ​បាន​គេ មើលឃើញថា​មាន​លក្ខណៈ​ខុសប្លែក​ពី​ធម្មតា និង​មាន​ស្ថានភាព​យ៉ាង​ស៊ីជម្រៅ​ខុសពី​ពេលមុនៗ​ទៀតផង ។​
​ប្រភពព័ត៌មាន​ដដែល​បាន​និ​យា​យា​ថា តារាចម្រៀង​ស្រី ដែលមាន​រូប​សម្រស់ ស្រស់ស្អាត​ស្រដៀង​កូនកាត់​ចិន កញ្ញា សួស វី​ហ្សា បានចាប់ផ្តើម​មាន​កំរិត​ជីវភាព​ខុសប្លែក​ពី​ធម្មតា​បន្ទាប់ពី​ទទួលបាន​នូវ​ភាព​កេរ្តិ៍ឈ្មោះ​ល្បីល្បាញ​នៅក្នុង​ផលិតកម្ម​ហង្ស​មាស​កន្លងមក​នោះ ។ លើសពីនេះ​ទៀត​ការ​ដើរលេង​កំសាន្ត​សប្បាយ​នៅតាម​កន្លែង​ទំនើប​នានា ក៏​នាង​មានឱកាស​ច្រើន​ក្នុងការ​បង្ហាញ​ភាពស្និទ្ធស្នាល​ជាមួយ​គូ ស្នេហ៍​ទៀតផង​។ នៅត្រង់ចំណុច​នេះហើយ​ត្រូវបាន​គេ​សង្ស័យថា នាង​កំពុង​លេងល្បែង​ស្នេហា លួចលាក់​ជាមួយ​បុរស​ដែលជា​ថៅកែ​កា​រ៉ា​ស់​ឡាន​ដ៏​សម្បូរ​ទ្រព្យ​ម្នាក់​នោះ ។ ជា​រើ​យៗ​គេ​ឧស្សាហ៍​ឃើញ​វត្តមាន​របស់​កញ្ញា សួស វី​ហ្សា និង​បុស​ម្នាក់​នោះ ដឹក​ដៃ​គ្នា​ទៅ​ចូល​ញ៉ាំ​អាហារ​ក្នុង​ហាង​ទំនើបៗ​នៅ​ជាយក្រុង​ទៀតផង​។ ប៉ុន្តែ​ទោះបីជា​យ៉ាងណា គេ​ក៏​មិនបាន​ដឹងថា​អ្នក​ទាំងពីរ​នោះ ចាប់​មាន​ទំនាក់ទំនង​ជាមួយគ្នា​តាំងពី​ពេលណា​នោះទេ ។​ចំណែក​បុរស​ដែល​គេ​សង្ស័យថា ជា​គូស្នេហ៍​របស់​តារាចម្រៀង​ស្រី​ល្បីឈ្មោះ​គួរសម​នៅក្នុង​ផលិតកម្ម រស្មី​ហង្ស​មាស កញ្ញា សួស វី​ហ្សា ខាងលើនេះ ត្រូវបាន​ប្រភព​និយាយថា​មាន​វ័យ​ប្រហែល​ជាង ៣០​ឆ្នាំ​តែប៉ុណ្ណោះ​។ តែ​អ្វី​ដែលជា​ការកត់សម្គាល់​នោះ គឺថា​បុរស​ម្នាក់នេះ ជា​ថៅកែ​យានដ្ឋាន​មាន​លុយ​ច្រើន​ហូរហៀរ​មិន​ចាញ់​អ្នក​ដែល​រស់
​នៅឯ​ក្រៅប្រទេស​ប៉ុន្មាន​នោះទេ​។​
​ជុំវិញ​លេចឮ​ព័ត៌មាន​ដ៏​រសើប​ខាងលើនេះ​ការិយាល័យ​កាសែត​អរិយធម៌​មិនទាន់​អាច​ទំនាក់ទំនង​ដើម្បី​សុំ​ការពន្យល់​បកស្រាយ​ពី កញ្ញា សួស វី​ហ្សា បានទេ​ដោយ​លេខ​ទូរស័ព្ទ​ដែល​កញ្ញា​ធ្លាប់ប្រើ​ពីមុន​នោះ​មិនអាច​ទាក់ទង​បាន​។
​សូម​រំលឹកថា កញ្ញា សួស វី​ហ្សា ជា​តារាចម្រៀង​សំនៀង​ស្រទន់ ដែល​ទទួលបាន​ការគាំទ្រ​យ៉ាងខ្លាំង ពី​សំណាក់​មហាជន​និង​ស្រទាប់​យុវវ័យ​និង​មានឈ្មោះ​បោះ​ស​ឡេង​តាមរយៈ​បទ “​កុំ​លើក​ទូរស័ព្ទ​គេ ពេល​នៅក្បែរ​អូន​” របស់​ផលិតកម្ម​រស្មី​ហង្ស​មាស​។ សួស វី​ហ្សា​ដំបូង​ឡើយ នាង​គឺជា​តារាចម្រៀង​ក្នុង​ផលិតកម្ម​រ៉ុ​ក​។ ប៉ុន្តែ​ក្រោយមក
​ដោយសារតែ​ផលិតកម្ម រ៉ុ​ក បាន​បិទទ្វារ ទើប​ធ្វើ​ឲ្យ​នាង​រសាត់​ខ្លួន​មក​ជ្រក​ក្រោម​ដំបូល​ផលិតកម្ម​រស្មី​ហង្ស​មាស​រហូតដល់​បច្ចុប្បន្ន​នេះ​៕

Copyright © 2010-2021 · អរិយធម៌ · All Rights Reserved.
Develop by Sek Sathya