ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក ទិត្យ អឿន កំពុងតែយកអាជ្ញាប័ណ្ណ ជាអ្នកសារព័ត៌មានទៅកាងបទល្មើស ការកាប់ឆ្ការ ទន្រ្ទានយកដីព្រៃលិចទឹករបស់រដ្ឋ ចែកគ្នាលក់?​  ||     ភ្ញាក់ផ្អើល! ស្រូវពលរដ្ឋកំពុងតែរកច្រកចេញមិនបានផង បែរអាងខ្លួនជាប៉ូលិស មកចាំជំរិតគេទៅវិញ មន្រ្តីថោកអី គ្មានគិតដល់ទុក្ខលំបាកពលរដ្ឋ បែរជាយកតួនាទីមករកស៊ីគាបជំរិតស្រស់ៗ ?​  ||     លោក ជា ពៅ ហៅ ហួ តំណាង ក្រុមហ៊ុន សៀ ម៉ុ​ន លួចកាប់ឈើក្នុងតំបន់បរិស្ថាន ដាក់ចូលក្រុមហ៊ុន បម្លែងជាឈើស្របច្បាប់​  ||     ល្បីឈ្មោះលោកជា ពៅ ហៅ ហួ កាប់ឈើ ដឹកឈើ នៅស្ទឹងត្រែង​  ||     ឈ្មួញ​ឈ្មោះ ណាង ឈ្មួញរិទ្ធ និងឈ្មួញឈ្មោះ ទូ កំពុងធ្វើសកម្មភាពដឹកជញ្ជូនឈើពីស្រុកពេជ្រាដា ទៅស្រុកយួនតាមច្រកដាក់ដាំ យ៉ាងពេញបន្ទុក​  ||   

» ព័ត៌មានជាតិ, វិភាគ​នយោបាយ » សាលាឧទ្ធរណ៍​បដិសេធ​សំណើសុំ​នៅក្រៅ​ឃុំ​របស់ លោក អ៊ុំ សំអាន​

សាលាឧទ្ធរណ៍​បដិសេធ​សំណើសុំ​នៅក្រៅ​ឃុំ​របស់ លោក អ៊ុំ សំអាន​

​ភ្នំពេញ ៖ នៅ​ព្រឹក​ថ្ងៃទី​១៧ ខែឧសភា ឆ្នាំ​២០១៦​នេះ សាលាឧទ្ធរណ៍​បាន​បដិសេធ​លើ​សំណើសុំ​នៅក្រៅ​ឃុំ​របស់ លោក អ៊ុំ សំអាន សមាជិក​គណបក្ស​សង្គ្រោះ​ជាតិ បន្ទាប់ពី​បាន​បើកសវនាការ​ជំនុំជម្រះ​មួយ​ព្រឹក​។​

 
​សវនាការ​នេះ​ដឹកនាំ​ដោយ លោក ភូ ពៅ ស៊ុន ជា​ប្រធាន​ក្រុមប្រឹក្សា​ជំនុំជម្រះ​, លោក សួស សំអាត និង ងួន អ៊ី​ម ជា​សមាជិក ព្រមទាំង លោក ង៉ែត សា​រ៉ា​ត ជា​តំណាង​មហាអយ្យការ​។ សាលាឧទ្ធរណ៍​បានសម្រេច​តម្កល់​តាម​សាលក្រម​របស់​សាលាដំបូង​រាជធានី​ភ្នំពេញ ចំពោះ​សំណុំរឿង​នៅក្រៅ​ឃុំ​នេះ​។​

 
​លោក អ៊ុំ សំអាន សមាជិក​របស់​គណបក្ស​សង្គ្រោះ​ជាតិ ត្រូវបាន​សមត្ថកិច្ច​ចាប់ខ្លួន នៅ​ខេត្តសៀមរាប កាលពី​យប់​ថ្ងៃទី​១០ ខែមេសា ឆ្នាំ​២០១៦ បន្ទាប់ពី​លោក​ត្រឡប់​ពី​អាមេរិក មកដល់​ប្រទេស​កម្ពុជា​។ សមត្ថកិច្ច​បានបញ្ជាក់​ថា លោក អ៊ុំ សំអាន ត្រូវបាន​ចាប់ខ្លួន​ដោយសារតែ​ប្រព្រឹត្តិ​បទល្មើស​ជាក់ស្តែង នៅតាម​បណ្តាញ​សង្គម Facebook​។ លោក​ត្រូវបាន​សាលាដំបូង​រាជធានី​ភ្នំពេញ សម្រេច​ឃុំខ្លួន​នៅ​ពន្ធនាគារ​ព្រៃ​ស កាលពី​ថ្ងៃទី​១២ ខែមេសា ឆ្នាំ​២០១៦ ដោយ​ចោទប្រកាន់​ក្រោម​បទ​ចោទ​ញុះញង់ នាំ​ឲ្យ​មានការ​រើសអើង និង​ប្រព្រឹត្តិ​បទឧក្រិដ្ឋ​ជាអាទិ៍ នៃ​ក្រមព្រហ្មទណ្ឌ ស្រប​ពេលដែល​រដ្ឋសភា​បាន​បោះឆ្នោត គាំទ្រ​ឱ្យ​តុលាការ និង​សមត្ថកិច្ច​អនុវត្ត​នីតិវិធី​បន្ត ចំពោះ​តំណាងរាស្ត្រ គណបក្សប្រឆាំង​រូបនេះ​។​

 
​ក្រោយ​មានការ​សម្រេច​ឃុំខ្លួន លោក អ៊ុំ សំអាន បានដាក់​ពាក្យ​ប្តឹង​ដើម្បី​ទាមទារ​នៅក្រៅ​ឃុំ ប៉ុន្តែ​ត្រូវ​ចៅក្រម​ស៊ើបសួរ​សាលាដំបូង​រាជធានី​ភ្នំពេញ លោក តុ​ប ឈុន​ហេង កាលពី​ល្ងាច​ថ្ងៃទី​២២ ខែមេសា ឆ្នាំ​២០១៦ សម្រេច បដិសេធ បណ្តឹងសុំ​នៅក្រៅ​ឃុំ​នេះ​៕sdfs

Copyright © 2010-2021 · អរិយធម៌ · All Rights Reserved.
Develop by Sek Sathya