ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ផ្ទុះរឿងអាស្រូវ!  លក់អាចម៍ដី(បឹងបែកក្អម) ចំនួន៥៤ហិកតា ដោយក្នុង១ហិកតាៗតម្លៃ៣០.០០០$ ឥឡូវសម្រេចផ្លាស់ប្ដូរ អភិបាលស្រុកមុខកំពូល​  ||     តើប្រជាពលរដ្ឋខុស ឬក៏មន្ត្រីជាអ្នកខូច ក្រោមល្បិចកន្ទេលធំបន្លំដេក ? ភ្ញាក់ផ្អើល! ប្រជាជន៧គ្រួសារ ស្រុកដងទង់ ប្ដឹងអភិបាលរងខេត្តកំពត អភិបាលស្រុកដងទង់ និងមន្ត្រីពាក់ព័ន្ធ រឿងដោះស្រាយដីធ្លីពុករលួយ  ទៅអង្គភាពប្រឆាំងអំពើពុករលួយ​  ||     មន្រ្តីច្រើននាក់ ទទួលបានផលប្រយោជន៍ពីគម្រោងស្តារបឹងបែកក្អម ស្រុកមុខកំពូល​  ||     ភ្ញាក់ផ្អើល! មន្ត្រីមួយចំនួនសើមមាត់ ដោយសារអាចម៍ដី លក់ឲ្យឈ្មួញមួយហិកតា តម្លៃ ៣ម៉ឺនដុល្លារ?​  ||     លោក ឈួន សោភា ទៅកាន់តំណែងជាប្រធានការិយាល័យស្រាវជ្រាវ និងបង្ក្រាបអំពើរត់ពន្ធតំបន់៥ , ធ្វើបាបនាយទាហាន ចាប់ឡានស្លាក(ខម) ដែលមានឯកសារពីក្រសួងការពារជាតិទៀត បង្កការភ្ញាក់ផ្អើល  នៅបន្ទាយមានជ័យ​  ||   

» ព័ត៌មានជាតិ » ឡាន​អូ​ឌី​បុក​​ម៉ូតូ​កូន​ទា​ជាប់​កាង​​មុខ​រួច​ផ្ទុះ​ឆេះ​ ​

ឡាន​អូ​ឌី​បុក​​ម៉ូតូ​កូន​ទា​ជាប់​កាង​​មុខ​រួច​ផ្ទុះ​ឆេះ​ ​

ភ្នំពេញ ៖ រថយន្ដ​អូ​ឌី ពណ៌​ខ្មៅ ពាក់​ស្លាក​លេខ​ភ្នំពេញ 2AB-1688 បើកបរ​ដោយ​បុរស​ម្នាក់ ខណៈ​បង្ក​គ្រោះថ្នាក់​ចរាចរណ៍​បុក​ម៉ូតូ​កូន​ទា​មួយគ្រឿង ហើយ​ព្យាយាម​បើក​រត់ ស្រាប់តែ​ជ្រុល​ចង្កូត​ទៅបុក​បង្គោល​ភ្លើង​បាក់​អស់​១​ដើម​បណ្ដាលឱ្យ រថយន្ដ​និង​ម៉ូតូ​ដែល​កៀប​ជាប់​រថយន្ដ​ឆេះ និង​មាន​សំឡេង​ផ្ទុះ​បង្ក​ការភ្ញាក់ផ្អើល ។​
​ហេតុការណ៍​នេះ​កើតឡើង​កាលពី​វេលា ម៉ោង​១២​និង​៤០​នាទី​រំលងអធ្រាត្រ​ឈានចូល​ថ្ងៃទី​១៨ ខែកញ្ញា ឆ្នាំ​២០១៣ តាម​បណ្ដោយ​ផ្លូវ​ម៉ៅ​សេទុង ស្ថិតក្នុង​សង្កាត់​ផ្សារ​ដេប៉ូ​២ ខណ្ឌទួលគោក ។ ទោះជា​យ៉ាងណាក្តី​ក្នុង​ហេតុ ការណ៍​នេះ ពុំ​បណ្តាល​ឲ្យ​មាន​មនុស្ស​បាត់បង់​ជីវិត​ទេ​។​
​តាម​ប្រភពព័ត៌មាន​ពី​សាក្សី​នៅ កន្លែងកើតហេតុ​បានឱ្យដឹងថា មុនពេល​កើតហេតុ​គេ​ឃើញ​រថយន្ដ​ម៉ាក​អូ​ឌី បើកបរ​ដោយ​បុរស​ម្នាក់​ក្នុងទិសដៅ​ពី​កើ​តទៅ​លិច តាម​បណ្ដោយ​ផ្លូវ​លេខ​១៣៩ ក្នុង​សង្កាត់​ទួល​ស្វាយព្រៃ​២ ខណ្ឌចំការមន ខណៈ​មកដល់​មុខ​ហាង​ខារ៉ាអូខេ​ឡឺ​វ៉េ​ស រថយន្ដ​បង្ក​ក៏បាន​បុក​ម៉ូតូ​កូន​ទា​មួយគ្រឿង​ជិះ​ដោយ​បុរស​ម្នាក់ បណ្ដាលឱ្យ​ម្ចាស់​ម៉ូតូ​រងរបួស​ស្រាល ធ្វើឱ្យ​ម៉ូតូ​កៀប​ជាប់​រថយន្ដ​ខាងមុខ​អូស​ជាច្រើន​ម៉ែត្រ ។ ពេលនោះ​អ្នកបើកបរ​រថយន្ដ​ព្យាយាម​បើក​រត់ តែ​ដោយ​អូស​ម៉ូតូ​យូរពេក ពុំ​ព្រម​ធ្លាក់​ពី​កាង​មុខ​ក៏​ព្យាយាម​បើក​រត់​រហូតដល់​សាលាបឋមសិក្សា​សន្ធរម៉ុក ស្ថិតនៅ​ចំណុច​អគារ​លក់​គ្រឿងសំណង់​មួយ លើផ្លូវ​ម៉ៅ​សេទុង​រថយន្ដ​ជ្រុល​ចង្កូត​ទៅបុក​បង្គោល​បាក់​អស់​មួយ ដើម​ធ្វើឱ្យ​រថយន្ដ​និង​ម៉ូតូ​ផ្ទុះ​ឆេះ​តែម្ដង ។ ក្រោយ​ឃើញ​ហេតុការណ៍​ខាងលើនេះ​ម្ចាស់​រថយន្ដ​បាន​បើកទ្វារ​រត់​យករួចខ្លួន បាត់ស្រមោល ។​
​ក្រោយ​កើតហេតុ​គេ​ឃើញ​សមត្ថកិច្ច​មក អន្ដរាគមន៍ និង​មាន​រថយន្ដ​ពន្លត់​អគ្គិភ័យ​បាញ់​ទឹក​ពន្លត់​អស់​មួយគ្រឿង ផងដែរ ហើយក៏​បាន​យក​រថយន្ដ​បង្ក​ទៅ​រក្សាទុក​នៅ​ការិយាល័យ​ចរាចរណ៍​ជើងគោក រាជធានី​ដើម្បី​ដោះស្រាយ​បន្ដ ៕ ដោយ​៖ សហការី​

Copyright © 2010-2021 · អរិយធម៌ · All Rights Reserved.
Develop by Sek Sathya