ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ចង់បាន​តំណែង​ប៉ុស្ដិ៍​គយ កន្លែង​ខ្លាញ់ ធ្វើ​ដូច​លោក ទុំ ណូ ជះ​លុយ​រាប់សែន​ដុល្លារ​ជូន​មេ ពេល​ស្រង់​វិញ បាន​ប្រាក់​វាល់​លាន​ហ្មង?​  ||     លោក ឈួ​រ ច័ន្ទ​ឌឿ​ន ប្រធាន​គណៈបញ្ជាការ​ឯកភាព​រដ្ឋបាលខេត្ត​ពុំមាន​ចំណាត់ការ​ណាមួយ​ក្នុងការ​ទប់ស្កាត់​និង​បង្ក្រាប​បទល្មើស​នេសាទ​ទ្រង់ទ្រាយ​ធំ ដែល​កើតមាន​នៅលើ​ទឹកដី​ស្រុក​បរិបូរណ៍​  ||     ចរិត​ពូក​នេះ​ក្អេងក្អាង​ណាស់​មិនដឹងថា​ខ្សែ​គាត់​ខ្សែ​គោ​រឺក៏​ខ្សែពួរ​ទេ​គាត់​អត់​ញញើត​ច្បាប់​អី​បន្តិច មេព្រៃ​មួយរូប​បែក​កញ្ចប់មាត់ ដោយ​រង​នូវ​កណ្តាប់ដៃ​នគរបាល ខណៈ​ថ្លើមធំ​ហ៊ាន​ដេញចាប់​ឡាន​ដឹកឈើ​លោក​ស្នង​រង ស្រ៊ី លាភ​  ||     លោក​អ៊ុក អៀង ពិតជា​មិនធម្មតា​មែន នៅ​កំពង់ឆ្នាំង​  ||     អាង​មាន​ខ្នងបង្អែក​រឹងមាំ ទើប​លោក ណុប សំអាន មេ​គយ​ច្រក​ទំនប់រលក ប្រព្រឹត្ត​អំពើពុករលួយ​គ្មាន​ញញើត ?​  ||   

» ទស្សនៈ, ព័ត៌មានជាតិ » សម រង្ស៊ី ជា​អ្នកនយោបាយ​ល្បី​ខាង​រត់ចោលស្រុក​

សម រង្ស៊ី ជា​អ្នកនយោបាយ​ល្បី​ខាង​រត់ចោលស្រុក​

​ទស្សនៈ​អា​ជ័យ ៖ តាៗ តាម​តុ​កាហ្វេ​បាន​លើកឡើងថា លោក សម រង្ស៊ី ជា​អ្នកនយោបាយ​ល្បី​ខាង​រត់ចោលស្រុក រត់ចោល​អ្នកគាំទ្រ ជា​អ្នកនយោបាយ​អំពិលអំពែក មិនបានការ និង​ចោលម្សៀត មិនបាន​មួយ​ចំណិត​លោក កឹម សុខា អនុប្រធាន​គណបក្ស​ស​ង្គ្រោះ​ជាតិ​ផង ទោះបីជា​លោក កឹម សុខា ជួប​ព្យុះភ្លៀង រឿងស្រី​ញី​យ៉ាងណាក្ដី និង​មាន​ដីកាកោះ​ពី​តុលាការ​ក្ដី ក៏​លោក កឹម សុខា មិន​រត់ចោលស្រុក មិន​ចោលម្សៀត ដូច​លោក សម រង្ស៊ី មេគណបក្ស​សង្គ្រោះ​ជាតិ​ដែរ ។

 

​តាៗ​ទាំងនោះ បានលើកឡើង​ទៀតថា លោក សម រង្ស៊ី ខិលខូច​ខ្លួនឯង មិនបានការ​ខ្លួនឯង ពូកែ​លាប​ពណ៌​មនុស្ស និង​លាប​ពណ៌​ពី​បក្ស​មួយ​ទៅ​បក្ស​មួយ ដើម្បី​យក​ល្អ​ខ្លួនឯង តាមពិត​លោក សម រង្ស៊ី ខូច​ខ្លួនឯង ស្មានតែ​អ្នកដទៃ​ខូច​ដូច​គាត់​ដែរ ទើប​គាត់​ពោល​លាប​ពណ៌​ដាក់​គេ ដាក់​ឯង ។ ថ្មីៗ​កន្លងមកនេះ លោក សួន សេរី​រដ្ឋា ប្រធាន​គណបក្ស​អំណាច​ខ្មែរ បាន​វាយប្រហារ​លោក សម រង្ស៊ី ថា ជា​អ្នកនយោបាយ​ចោលម្សៀត ជា​អ្នកនយោបាយ​អំពិលអំពែក ពូកែ​រត់ចោលស្រុក រត់ចោល​អ្នកគាំទ្រ ហើយ​ពូកែ​លាប​ពណ៌​បក្ស​ដទៃ ស្មានតែ​បក្ស​ដទៃ​នោះ គេ​ខូច​ដូច​បក្ស​របស់គាត់​។​

 

​ក្រុម​តាៗ​បាន​បន្ថែមថា បើតាម​ពួកគាត់​ចំណាំទុក ខណៈ​អ្នកគាំទ្រ​លោក សម រង្ស៊ី មានរឿង​រ៉ាវ​កើតឡើង​ធ្ងន់ធ្ងរ គឺ​លោក សម រង្ស៊ី តែងតែ​រត់ចោលស្រុក ទុក​អ្នកគាំទ្រ​ឲ្យ​នៅឯ​កោ នេះ​ជា​ចរិត​របស់លោក សម រង្ស៊ី ។ តាៗ​ទាំង​នោះបាន​បន្តថា លោក សម រង្ស៊ី មិន​សម​ធ្វើជា​អ្នកដឹកនាំ​គណបក្ស​សង្គ្រោះ​ជាតិ​ទេ អ្នក​ដែល​សាក​សម គឺ​លោក កឹម សុខា ព្រោះ​លោក កឹម សុខា កម្រ​ឃើញ​រត់ចោល​អ្នកគាំទ្រ រត់ចោលស្រុក​ណាស់ ។ ដូច្នេះ​ការរិះគន់​ពី​សំណាក់​លោក សួន សេរី​រដ្ឋា ប្រធាន​គណបក្ស​អំណាច​ខ្មែរ ពិតជា​ត្រឹមត្រូវ​មិនអាច​ប្រកែក​បាន​នោះទេ ព្រោះ​កន្លងមក​ថ្មីៗ​នេះ លោក សម រង្ស៊ី បាន​ស្រែក​ពី​ក្រៅប្រទេស​មក​ថា គណបក្ស​ដទៃទៀត​ជាច្រើន ដែល​បើក​ក្រោយៗ គណបក្ស​ប្រជាជន មិន​ធ្វើបាប​នោះទេ ព្រោះ​គណបក្ស​ទាំងនោះ ចេះ​សម្រប​ខ្លួន​ដើម្បី​រស់ ហើយ​គណបក្សកាន់អំណាច​មក​ធ្វើបាប តែ​គណបក្ស​សង្គ្រោះ​ជាតិ​មួយគត់ ។ អ៊ីចឹង​ហើយ​បានជា​លោក សួន សេរី​រដ្ឋា ហ៊ាន​អះអាងថា លោក សម រង្ស៊ី ជា​អ្នកនយោបាយ​ចោលម្សៀត ជា​អ្នកនយោបាយ​រត់ចោលស្រុក និង​ជា​អ្នកនយោបាយ ដូច​អំពិលអំពែក ពូកែ​លាប​ពណ៌​នោះឯង​៕

Copyright © 2010-2018 · អរិយធម៌ · All Rights Reserved.
Develop by Sek Sathya