ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក សាន្ត ប៊ុនថាន មេប៉េអឹមខេត្តក្រចេះ មើលរំលង លោក លន់ ប៊ុនថុល មេបញ្ជាការស្នាក់ការសន្តិសុខ៧០៩ ពង្រាយកូនចៅ ប្រមូលលុយ ពីក្រុមឈ្មួញដឹកជញ្ជូនឈើ ចេញទៅស្រុកយួន​  ||     ឈ្មួញ​ដឹកជញ្ជូន​ឈើ​ចេញទៅ​ស្រុក​យួន ​លាតត្រដាង​អំពើពុករលួយ​របស់​ស​ម​ត្ថ​កិច្ច​ ​ច្រក​ទ្វេភាគី​ឡា​ប៉ា​ខេ​  ||     ថាមែនៗ ! បែកធ្លាយព័ត៌មានត្រាក់ទ័រចំនួន (៣) គ្រឿង ដែលក្រុមចម្រុះស្រុកចាប់ បាន ឥឡូវត្រូវបានអ្នកធំអន្តរាគមន៍ឲ្យដោះលែងវិញហើយថា មែនៗ ហើយ​  ||     លោក គង់ ហ៊ាង ម្ចាស់ផ្ទះសំណាក់ល្បីជាងគេនៅស្រុកកែវសីមា ល្បីល្បាញយ៉ាងខ្លាំង ខាងជំនួញឈើ ទៅវៀតណាម​  ||     លោកឧត្តមសេនីយ៍ទោ យិនចំណាន ស្នងការនគរបាលខេត្តរតន:គិរី បេីកដៃអោយលោក​សាក់នគរបាលការពារព្រំដែននាំឈេីខុសច្បាប់យ៉ាងពេញបន្ទុក​  ||   

» ទស្សនៈ, ព័ត៌មានជាតិ » នីតិរដ្ឋ គឺ​វា​អ៊ីចឹង​!

នីតិរដ្ឋ គឺ​វា​អ៊ីចឹង​!

​ទស្សនៈ​អា​ជ័យ ៖ ប៉ុន្មាន​ថ្ងៃនេះ អា​ជ័យ​ខ្ញុំ​បាន​ទៅ​អង្គុយ​ផឹក​កាហ្វេ​ជាមួយ​ចាស់ៗ ដោយ​ពួកគាត់​ម្នាក់ៗ​លើកឡើង​អំពី​ទស្សនៈ​រៀងៗ​ខ្លួន ដោយ​អ្នកខ្លះ​កាន់ជើង​បក្សប្រឆាំង ហើយ​អ្នក​ខ្លះទៀត​កាន់ជើង​បក្ស​កាន់អំណាច គឺ​ពួកគាត់​និយាយ​វែកញែក​បែកពពុះមាត់ អស់​ទឹកតែ​ចិន​មិនតិច​ប៉ាន់​នោះទេ ព្រោះតែ​រឿង​សភាពការណ៍​ចាប់ខ្លួន​មនុស្ស​ជាច្រើន​នាក់​ប៉ុន្មាន​ថ្ងៃ​កន្លងមកនេះ ។

 
​តា​ពាក់​វែ​នតា​កញ្ចក់​ស ម្នាក់​បាន​លើកឡើងថា អាង​តែ​ខ្លួន​មានអំណាច​ដើរ​ចាប់​គេ ចាប់​ឯង​តាម​អំពើ​ចិត្ត ហើយ​អនាធិបតេយ្យ​ជាទីបំផុត រួច​មើលទៅ​ប្រទេស​កម្ពុ​ជាមួយនេះ គ្មាន​នីតិរដ្ឋ​ឡើយ ព្រោះ​មានអី​តែ​បន្ដិច​អាង​ចាប់​ដាក់គុក ដោយ​យក​លេស​ថា ជាប់​ពាក់ព័ន្ធ​អំពើពុករលួយ សូកប៉ាន់​សាក្សី ឬក៏​មានទោស​ក្លែង​ឯកសារ និង​បរិហាកេរ្តិ៍​ជាដើម ។ លោកតា​ម្នាក់នេះ​បាន​បន្ថែមទៀតថា ដូចជា​ប៉ុន្មាន​ថ្ងៃ​កន្លងមកនេះ ចាប់​មន្ត្រី​អង្ក​ការ​សង្គម​ស៊ីវិល​ដាក់គុក​គ្មាន​ប្រណី​ដៃ​ឡើយ គឺ​ចង់​បំបាក់ស្មារតី​គេឯង​។

 
​តា​ម្នាក់ទៀត​បានលើកឡើង​ថា ប្រទេស​ដែលមាន​នីតិរដ្ឋ គឺ​វា​អ៊ីចឹង​ឯង បើ​យើង​ធ្វើ​ខុសច្បាប់​ដើរ​សូកប៉ាន់​គេ ស៊ីសំណូក​ពី​គេ ដើរ​បរិហាកេរ្តិ៍​គេ ក្លែង​លិខិត​សាធារណៈ លួចលាក់​មាន​ស្រី គឺ​ប្រាកដជា ច្បាប់​ដាក់ទោស​ចាប់យក​ទៅ​ដាក់គុក​យ៉ាង​ហ្នឹងហើយ ព្រោះ​ប្រទេស​កម្ពុជា​បាន​នឹង​កំពុង​ក្លាយជា​ប្រទេស​មាន​នីតិរដ្ឋ​។ សរុបទៅ​ប្រទេស​ដែលមាន​នីតិរដ្ឋ គឺ​វា​តឹងរឹង​អ៊ីចឹង​ហើយ ព្រោះ​អ្នកឯង​មាន​សិទ្ធិ គេ​ក៏មាន​សិទ្ធិ​ដូចគ្នា​ដែរ គឺ​លទ្ធិប្រជាធិបតេយ្យ គេ​ធ្វើ​យ៉ាង​ដូច្នេះ មិន​មែនមាន​សិទ្ធិ​តែឯង ហើយ​អ្នកដទៃ​គ្មាន​សិទ្ធិ​នោះទេ នេះហើយ​ទើប​គេ​ហៅថា ប្រទេស​មាន​នីតិរដ្ឋ ។ តា​ម្នាក់នេះ​បាន​បន្តថា ក្រែង​ក្រុម​លោកតា​ពាក់​វ៉ែនតា​កញ្ចក់ ស ឯង​កាលពីមុន​ថា ប្រទេស​កម្ពុជា​គ្មាន​ច្បាប់ តែ​ឥឡូវ​គេ​កំពុង​អនុវត្ត​ច្បាប់ បែរជា​ចោទ​គេឯង​ថា អត់​ច្បាប់​ទៅវិញ ក្រុម​តា​ឯង​នេះ​ពិបាក​ណាស់ និយាយ​បាតដៃ​ខ្នងដៃ រក​ភាពប្រាកដប្រជា​មិនបាន​នោះទេ ។

 
​បន្ទាប់ពី​អា​ជ័យ​បាន​ស្ដាប់​នូវ​ទស្សនៈ​របស់​លោកតា​ទាំង​២​ក្រុម​រួចមក អា​ជ័យ​យល់ថា ពួកគាត់​សុទ្ធ​តែមាន​អំណះអំណាង​រៀងៗ​ខ្លួន តែ​គ្រាន់​ក្រុម​លោកតា​ពាក់​វ៉ែនតា​កញ្ចក់​ស គាត់​និយាយ​ដូចជា មិនសូវ​ឡូ​ហ្ស៊ិ​ច​បន្ដិច រី​ឯង​ក្រុម​លោកតា​ម្ខាង​ទៀត ទំនងជា​គាត់​ដឹង​ច្បាស់​ពី​ប្រទេស​ដែល​គ្មាន​នីតិរដ្ឋ និង​ប្រទេស​ដែលមាន​នីតិរដ្ឋ ព្រោះ​ប្រទេស​គោរព​ច្បាប់ គឺ​តឹងរឹង​អ៊ីចឹង​ហើយ បើ​យើង​ធ្វើ​ខុសច្បាប់​ប្រាកដជា​គេ​ចាប់​ដាក់គុក តែបើ​យើង​ធ្វើ​ត្រូវ​គ្មាន​នរណា​ទៅ​ចាប់​យើង​កើត​នោះទេ កុំទៅ​ឆ្ងល់​៕ទស្សនអាជ័យ

Copyright © 2010-2019 · អរិយធម៌ · All Rights Reserved.
Develop by Sek Sathya