ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||     ល្បី! លោក យី ថុល  ប្រធានការិយាល័យ គយ ច្រកទ្វារអន្តរជាតិព្រែកចាក  នៅតែប្រមូលលុយ តាមរបៀបពុករលួយ?​  ||     ល្បីដល់លើហើយ!  អំពើពុករលួយ និងការអនុវត្តខុសពីតួនាទីភារកិច្ច របស់លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ​  ||     ល្បី ឈ្មួញសម្រុកដឹកជញ្ជូនឈើចេញពីឃុំកន្ទួត ស្រុកចិត្របុរី​​  ||   

» ព័ត៌មានជាតិ » ខូចចិត្ត​​ត្បិត​បង​មាន​​ស្រី​ថ្មី​អូន​ផឹក​ស្រា​ស្រវឹង​រាល់​ថ្ងៃ​រហូត​លង់ទឹក​ប្រឡាយ​ស្លាប់​មុខផ្ទះ​ ​

ខូចចិត្ត​​ត្បិត​បង​មាន​​ស្រី​ថ្មី​អូន​ផឹក​ស្រា​ស្រវឹង​រាល់​ថ្ងៃ​រហូត​លង់ទឹក​ប្រឡាយ​ស្លាប់​មុខផ្ទះ​ ​

ក្រុង​ប៉ោយប៉ែ​តៈ​​ដូច​បទ​ចម្រៀង​មួយ​ឃ្លា​ច្រៀង​ថា​ខូចចិត្ត​និង​បងអូន​ខំ​ផឹកស្រា ផឹក​នេះ​ហៅ​មហា​ផឹក​អោយ​ខ្លួន​សូន្យ ឥលូវ​ទើប​ដឹងថា​ឆ្កួត​ព្រោះ​ស្ងួន​លុះ​ជី​វិត្ត សូន្យ​ទើប​ឈប់​ផឹកស្រា​។ យ៉ាងណាមិញ​ស្ត្រី​វ័យ​កណ្តាល​ម្នាក់ ព្រោះតែ​ខូច​និង​ប្តី ដែល​លបលួច​មាន​សា​ហាយ​ថ្មី ធ្វើអោយ​គាត់ ធ្លាក់ខ្លួន​ក្លាយជា​ជន​ប្រមឹក ផឹក​លុះ​មរណា បាន​លង់​ទឺ​ក​ប្រឡាយ
​ស្លាប់​នៅមុខ​ផ្ទះ​របស់ខ្លួន​បន្ទា​ប់​ពី​បាត់​ខ្លួន​ពី​ផ្ទះ  អស់​រយះពេល​មួយ​យប់​។​
​ហេតុ​ការ​ណ៌​នេះ​បាន​កើតឡើង​កាលពី​ព្រឹក​ថ្ងៃទី​១៤ ខែកញ្ញា ឆ្នាំ​២០១៣ វេលា​ម៉ោង​៧​និង​៣០​នាទី​ព្រឹក ស្ថិតនៅ​ភូមិ​សាមគ្គី​មានជ័យ សង្កាត់​-​ក្រុង​ប៉ោយប៉ែត ខេត្តបន្ទាយមានជ័យ​។​
​ប្រភពព័ត៌មាន​ពី​កន្លែងកើតហេតុ​បានអោយដឹងថា ស្ត្រី​រង​គ្គ្រោះ​មានឈ្មោះ ស តាំង​អេង អាយុ​៤១ ឆ្នាំ មុខ រប ជា​អ្នកដើ​លក់​ផ្លែឈើ មានកូន​បួន​នាក់​។​មាន​ប្តី​ជា​អ្នករត់ម៉ូតូឌុប​ឈ្មោះ គង់ ចាន់​ធន់ អាយុ​៤៧​ឆ្នាំ​រស់នៅ​ក្នុងភូមិ​ឃុំ​កើតហេតុ​ខាងលើ​។​ប្រភព​បាន​អោយដឹងទៀតថា ថាៈ​ស្ត្រី​រងគ្រោះ​នេះ​តែងតែ​ដើរ​ផឹកស្រា​រាល់ថ្ងៃ ពុំ​ដែរ​មាន​ពេល
​ខាន​ឡើយ ហើយ​កាល​គ្រា​ដែល​នាង នៅមាន​ជីវិត​គាត់​បាន​និយាយប្រាប់​អ្នកជិតខាង​ថា​ប្តី​របស់គាត់​មាន​ស្រី​ខាងក្រៅ​ផ្ទះ​នៅ​មាត់​អូរ​ព្រំដែន​កម្ពុជា​-​ថៃ​ឯណោះ ហើយ​មាន​ផ្ទៃពោះ​ជិត​គ្រប់​ខែ​ទៀតផង ទើប​ធ្វើ​ស្ត្រី​រងគ្រោះ​ខូចចិត្ត​ដើរ​ផឹកស្រា​បែបនេះ​។​
ប្តីស្រី​រងគ្រោះ​បាន​បំភ្លឺថា​នៅ​ថ្ងៃកើតហេតុ​រូបគាត់​បាន​ចេញ​រត់​ម៉ូតូ​តាំងពី​ម៉ោង​៦​ល្ងាច ថ្ងៃទី​១៣ ខែកញ្ញា នេះ លុះ​ម៉ោង​២​យប់​ទាបភ្លឺ​ទើប​គាត់​ត្រឡប់មកផ្ទះ​វិញ​ដោយ​មិន​បានឃើញ​ប្រពន្ធ​របស់គាត់​នៅផ្ទះ​ទេ ដោយ​ខ្លួន​គាត់​ដឹងថា​ប្រពន្ធ​គាត់​តែងតែ​ដើរ​ផឹកស្រា​រាល់ថ្ងៃ លុះ​ព្រឹក​ឡើង​ក៏​ឃើញ​ប្រពន្ធ​គាត់​ដេកស្លាប់​នៅ​និង​ទឹក​ប្រឡាយ​មុខផ្ទះ​។​
​ក្រោយពី​កើតហេតុ​មេភូមិ​សាមគ្គី​មានជ័យ​និង ប្រជាពលរដ្ឋ បាន​រាយ​ការ​ណ៌​ជូន​សមត្ថកិច្ច  នគរបាល ក្រុង​ប៉ោយប៉ែត ចុះមក​ត្រួត ពិនិត្យ និង​ធ្វើ​កោសល្យវិច័យ ឃើញថា ស្ត្រី​រងគ្រោះ ពិតជា​ស្លាប់​ដោយសារ​លង់​ទឺ​ក ពិតប្រាកដ​មែន សាកសព​ត្រូវបាន​ប្រគល់ជូន​ក្រុមគ្រួសារ ដើម្បី​ធ្វើបុណ្យ​តាម ប្រពៃណី​៕​ដោយ ខៀវ បូរី​

Copyright © 2010-2021 · អរិយធម៌ · All Rights Reserved.
Develop by Sek Sathya