ភ្នំពេញ ៖ កាល​ថ្ងៃទី​១៦ កញ្ញា ២០១៣ នៅ​មន្ទីរ​រដ្ឋសភាជាតិ ។ បើ​គ្មានអ្វី​ប្រែប្រួល​នោះទេ ជំនួប​កំពូល​រវាង​មេដឹកនាំ​គណបក្ស​ប្រជាជន​កម្ពុជា និង គណបក្ស​សង្គ្រោះ​ជាតិ នឹង​ចាប់ផ្តើម​ជជែក​ពិភាក្សាគ្នា​ជា លើក ទី​២ ដើម្បី​ដោះស្រាយ​វិបត្តិ​នយោបាយ​ក្រោយ​ការបោះឆ្នោត​ជ្រើសតាំង​តំណាងរាស្ត្រ នីតិកាល​ទី​៥​នៃ​រដ្ឋសភា ។
​ជំនួប​កំពូល​នៅ​ព្រឹក​នេះ ភាគី​ម្ខាងៗ​មាន​ចំនួន​៦​រូប ខាង​គណបក្ស​ប្រជាជន​កម្ពុជា​ដឹកនាំ​ដោយ​សម្តេច​អគ្គមហាសេនាបតី​តេ​ជោ ហ៊ុន សែន និង គណបក្ស​សង្គ្រោះ​ជាតិ​ដឹកនាំ​ដោយ លោក សម រង្ស៊ី និង លោក កឹម សុខា ៕