ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ​គម្រោង​​ដេញ​ថ្លៃ​ធ្វើ​ផ្លូវ​៤​កន្លែង​ ​ស្រុកកំពង់សៀម​​ ថវិកា​ជាតិ​ជិត​៥០០លាន​ លោក ​ឡី មិច ​នាយករង​រដ្ឋ​បាល​ខេត្ត​កំពង់ចាម ​ដេញ​អ្នក​សារ​ព័ត៌មាន​ មិន​ឲ្យ​ថតរូប បង្កការភ្ញាក់ផ្អើ់លនៅកំពង់ចាម​  ||     មេឈ្មួញម្ចាស់ដេប៉ូឈើចាស់វស្សា មានជំនាញចាយលុយស្រុកត្បែងមានជ័យ អាងខ្នងបង្អែករឹងមាំ ហ៊ានធ្វើអ្វីៗស្រេចតែចិត្ត ដោយអាងអំណាចទឹកលុយ?​  ||     ល្បីលោក នូ និច មេប៉ុស្តិ៍នគរបាលការពារ ព្រំដែនច្រកដូនរ័ត្ន កំពុងឃុបឃិតគ្នា ជាមួយឈ្មួញឈ្មោះ ថៃ គា ឱ្យមានការដឹកជញ្ជូនផលអនុផលព្រៃឈើ ឆ្លងដែនទៅប្រទេសវៀតណាម​  ||     ល្បីឈ្មោះចែឡែន នៅតែប្រើរថយន្ត៣គ្រឿងដឹកជញ្ជូនឈើ យកទៅលក់នៅខេត្តកំពង់ធំ តែសមត្ថកិច្ច នៅតែធ្វើដេកលក់​  ||     រឿងអាស្រូវពុករលួយជាប្រព័ន្ធរបស់មេៗ នគរបាលប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តសៀមរាប ត្រូវបានបណ្តាញព័ត៌មាននានាចុះផ្សាយជាបន្តបន្ទាប់​  ||   

» Breaking News, ព័ត៌មានជាតិ » ស្រឡាញ់​​ល្អ​ពេល​ល្អក់កករ​​ចាកចេញ​លែង​អាល័យ​ ​

ស្រឡាញ់​​ល្អ​ពេល​ល្អក់កករ​​ចាកចេញ​លែង​អាល័យ​ ​

ប៉ៃលិន ៖ ស្ត្រី​ដែល​ត្រូវ​ប្តី​ចាកចោល​នេះ​ឈ្មោះ យាន ស៊ី​ណូ អាយុ​២៧​ឆ្នាំ មានកូន​ប្រុស​២​នាក់​ក្នុងបន្ទុក គឺ​ឈ្មោះ ខួ​ន ពេជ្រ អាយុ​៦​ឆ្នាំ និង​ឈ្មោះ ខួ​ន ពី​ន អាយុ​៣​ឆ្នាំ មាន​ស្រុកកំណើត​នៅ​ឃុំ​ព្រែក​តាន​ង់ ស្រុក​កោះសូទិន ខេត្តកំពង់ចាម បច្ចុប្បន្ន​រស់នៅក្នុង​ភូមិ​ប៉ា​ហ៊ី​ជើង សង្កាត់​ប៉ៃលិន ក្រុងប៉ៃលិន ។ ចំណែក​ប្តី​ដែល​ទៅ​បាត់​នោះ ឈ្មោះ​ខួ​ន ពៅ អាយុ​២៨​ឆ្នាំ ជា​បុគ្គលិក​កាស៊ីណូ​នៅ​ក្រុង​បាវិត មាន​ស្រុកកំណើត​នៅ​ភូមិ​អង្គា​សដី ឃុំ​ស្វាយជ្រំ ស្រុក​ស្វាយជ្រំ ខេត្តស្វាយរៀង ។
​រឿងរ៉ាវ​មួយ​បាន​បង្ហាញថា ស្ត្រី​វ័យក្មេង​ម្នាក់​កំពុង​រស់នៅ​ជាមួយ​កូន​ពីរ​នាក់ យ៉ាង​លំបាក​វេទនា​ជាទីបំផុត ដោយ​ខិតខំ​ប្រឹងប្រែង​រកស៊ី​លក់​បន្លែ​នៅក្បែរ​ផ្សារ ដើម្បី​បាន​ប្រាក់​បន្តិចបន្តួច​យកមក​ចិញ្ចឹម​កូន​ទាំង ពីរ​នាក់​រហូតដល់​ធំ ។
នាង​រៀបរាប់ថា ខណៈដែល​នាង​មាន​ផ្ទៃពោះ​កូន​ទី​២ ទើបតែ​បាន​៧​ខែ​ប៉ុណ្ណោះ ប្តី​ដែល​ប្រាប់ថា ទៅលេង​ស្រុកកំណើត​មួយរយៈ​នឹង​ត្រឡប់មកវិញ ស្រាប់តែ​ទៅ​បាត់ស្រមោល​ឈឹង ទោះបីជា​ប្រពន្ធ​ខំ​សន្សំ​លុយកាក់​ទៅតាម ដើម្បី​ឱ្យមក​រួមរស់​ជួបជុំគ្នា​វិញ ក៏​នៅតែ​មិន​ត្រឡប់មក​ដែរ និង​សង្ស័យថា អាចមាន​ប្រពន្ធ​ថ្មី​នៅឯ​ស្រុកកំណើត​បាត់ទៅហើយ ។ បើទោះបីជា​អស់​ភ្លើង​ស្នេហ៍​ជាមួយ​ប្រពន្ធ​ក៏​គួរ អាណិតកូនៗ​ដែរ តើ​មានឈ្មោះ​ជា
​ឪពុក​ដែល​ផ្តល់កំណើត​ឱ្យ​កូន​របៀប​ណា​ទៅ បើ​ចរិត​ដូច​សត្វ​ដែល​ខ្វះ​វិចារណញ្ញាណ​បែបនេះ ។​
ប្រភព​ដដែល​បន្តទៀត​ថា ក្រោយពី​នៅ​លេង​ស្រុក​ប្តី​បាន​ពីរ​បី​ថ្ងៃ​នាង​មិនអាច​បន្ត រស់នៅ​ជាមួយ​បាន ដោយសារ​ប្តី​ទៅធ្វើ​ការ​នៅ​កាស៊ីណូ​បាត់ៗ​ពី​ផ្ទះ​មិនដែល មកជួបជុំ​មុខ​ប្រពន្ធ​កូន ទើប​នាង​និង​កូនប្រុស​ទាំងពីរ​នាក់​ត្រឡប់មក​ខេត្ត​ប៉ៃលិន​វិញ​។ តាំងពី​ប្តី​ចេញពីផ្ទះ​ទៅ​ស្រុកកំណើត​ធ្វើការ​នៅ កាស៊ីណូ​នោះមក អត់​ដែល​ផ្ញើ​លុយ​មួយ​កាក់​មួយ
​សេន​ឱ្យ​នាង​និង​កូន ជាទី​ស្រឡាញ់​ទាំងពីរ​នាក់​ទេ គឺ​នាង​ខំប្រឹងប្រែង​ទាំង​ត្រដាបត្រដួសរ​ស់ទាំង​ក្តី លំបាក​វេទនា រក​ព្រឹក​ខ្វះ​ល្ងាច​រក​ល្ងាច​ខ្វះ​ព្រឹក​តាំងពី​កូន​ទី​ពីរ​នៅ ក្នុង​ផ្ទៃពោះ​៧​ខែ ដោយ​នាង​លក់​បង្អែម ។ លុះ​ក្រោយមក​ដោយ​លក់​អត់​សូវ​ដាច់ ក៏​ប្តូរ​ទៅ​លក់​បន្លែ​វិញ ដើម្បី​រក​កម្រៃ​ចិញ្ចឹម​កូន​ទាំងពីរ​នាក់​ជា​រៀង​រហូតមក ។​
​ថ្មីៗ​នេះ​នាង​បានឮ​ដំណឹង​ថា បើសិនជា​នាង​សុខចិត្ត​ទៅ​រស់​នៅឯ​ខេត្តស្វាយរៀង ជាមួយ​គេ​នឹង​យក​នាង​ធ្វើជា​ប្រពន្ធ​ដដែល ព្រោះ​គេ​មិនអាច​លះបង់​បងប្អូន​មក​រស់នៅ​លំបាក​វេទនា ជាមួយ​ប្រពន្ធ​នៅឯ​ខេត្ត​ប៉ៃលិន​បានទេ ។
ដូច្នេះ​នាង​ចង់​ឈ្នះ​សាកមើល​នៅពេល​ភ្ជុំបិណ្ឌ​ខាងមុខ ឆាប់ៗ​នេះ នាង​មានបំណង​ទៅ​រស់នៅ​ទីនោះ​មួយរយៈ​ពេល ចាំ​មើលថា តើ​លោក​ប្តី​មាន​ប្រពន្ធ​ថ្មី​ទៀត​នៅឯស្រុក កំណើត​របស់ គេ ឬ​យ៉ាងណា​បានជា​អត់​នឹកនា​ប្រពន្ធ​និង​កូន​ទាំងពីរ​នាក់ ទាល់តែសោះ​បែបនេះ ៕

Copyright © 2010-2021 · អរិយធម៌ · All Rights Reserved.
Develop by Sek Sathya