ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោកឧត្តមសេនីយ៍ទោ ឡោ សុខា ស្នងការខេត្តមណ្ឌលគិរី កំពុងស្រាវជ្រាវវែករកមុខជនបង្កើតឲ្យមានបទល្មើសព្រៃឈើ​  ||     សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||   

» ព័ត៌មានជាតិ » សាលា​រាជធានី​បញ្ជាក់​សញ្ញាបត្រ​បាក់​ឌុប​មិន​គិតថ្លៃ សន្យា​ជំរុញ​ឱ្យបាន​លឿន​សម្រាប់​សិស្សានុសិស្ស​ ​

សាលា​រាជធានី​បញ្ជាក់​សញ្ញាបត្រ​បាក់​ឌុប​មិន​គិតថ្លៃ សន្យា​ជំរុញ​ឱ្យបាន​លឿន​សម្រាប់​សិស្សានុសិស្ស​ ​

ភ្នំពេញ ៖ សម្រាប់​ឆ្នាំ​សិក្សា ២០១២-២០១៣ សាលា​រាជធានី​ភ្នំពេញ នឹងធ្វើនីត្យានុកូល កម្ម លើ​វិញ្ញាបនបត្រ​បណ្តោះអាសន្ន មធ្យមសិក្សា​ទុតិយភូមិ (​បញ្ជាក់​សញ្ញាបត្រ​បាក់​ឌុប​)​ដោយ​មិន​គិតថ្លៃ និង​ខិតខំ​ឲ្យ​បាន​ទាន់ពេលវេលា​សម្រាប់​សិស្សានុសិស្ស​ទៀតផង ។​
​យោងតាម​សេចក្តីជូនដំណឹង​របស់​សាលា​រាជធានី​ភ្នំពេញ​ចុះ​ថ្ងៃទី​៦ កញ្ញា បាន​ឲ្យ​ដឹងថា  សាលា​រាជធានី​ភ្នំពេញ​មាន​កិត្តិយស​សូម​ជម្រាបជូន​ដំណឹង​ដល់​បងប្អូន ប្រជាពលរដ្ឋ​ដែលជា​មាតាបិតា អាណាព្យាបាល និង​សិស្សានុសិស្ស​ទាំងអស់​ឲ្យ​បាន​ជ្រាបថា សាលា​រាជធានី​ភ្នំពេញ​នឹង​ផ្តល់​ការធ្វើ​នីត្យានុកូលកម្ម​លើ​វិ​ញ្ញា បន​ត្រ​បណ្តោះអាសន្ន​មធ្យមសិក្សា​ទុតិយភូមិ​ជូន​ដល់​សិស្សានុសិស្ស ដែល​ទើបតែ​ប្រឡង​ជាប់​ក្នុង​ឆ្នាំ​សិក្សា​២០១២-២០១៣​នេះ​ដោយ​ឥត​គិត ថ្លៃ​សេវា ។ ក្នុង​រយៈពេល​ដែល​ក្មួយៗ​កំពុងតែ​បំពេញ​សំណុំបែបបទ សម្រាប់​ដាក់ពាក្យ​សុំចូល​រៀន និង​ប្រឡង​ចូល​សិក្សា​នៅតាម​សាកលវិទ្យាល័យ និង​មហាវិទ្យាល័យ​នានា​នៅ​ឆ្នាំ​សិក្សា ២០១៣-២០១៤​ខាងមុខនេះ​ដោយឡែក​ថ្លៃ​តែមប្រិ៍​ជា​បន្ទុក​របស់​សិ​ស្សា នុ​សិស្ស​ផ្ទាល់ ។ សេចក្តីជូនដំណឹង​ដដែល
​នោះបាន​ឲ្យ​ដឹង​ទៀតថា  សាលា​រាជធានី​ភ្នំពេញ​ក៏បាន​ត្រៀមលក្ខណៈ​រួចជាស្រេច ដើម្បី​បំពេញ​នូវ​រាល់​កិច្ចការ​ខាងលើ​ក្នុង​ការជួយ​ដល់​សិស្សានុសិស្ស យកទៅ​ប្រើប្រាស់​បាន​ទាន់ពេលវេលា ។
​ចុងបញ្ចប់​នៃ​សេចក្តីជូនដំណឹង​នោះ​សាលា​រាជធានី ភ្នំពេញ​បាន​បញ្ជាក់ថា  សូម​បងប្អូន​ប្រជាពលរដ្ឋ​ដែលជា​មាតាបិតា អាណាព្យាបាល និង​សិស្សានុសិស្ស​ទាំងអស់​មេ​តា្ដ​ជ្រាប​និង​ទទួលយក​ការផ្តល់សេវា​នេះ​ពី​សាលា​រាជធានី​ភ្នំពេញ​ដោយ​ក្តី​សោម នស្ស​រីករាយ ។ គួរ​កត់សម្គាល់ថា មាន​រយៈពេល​ពីរ​ឆ្នាំ​មកហើយ​គឺ​សម្រាប់​ឆ្នាំ​សិក្សា​២០១១-២០១២ និង​ឆ្នាំ​សិក្សា​២០១២-២០១៣​នេះ​ដែល​សាលា​រាជធានី​ភ្នំពេញ​បានធ្វើ នីត្យានុកូលកម្ម​លើ
​វិញ្ញាបនបត្រ​ណ្តោះ​អាសន្ន​មធ្យមសិក្សា​ទុតិយភូមិ (​បញ្ជាក់​សញ្ញាបត្រ​បាក់​ឌុប​)​ដោយ​មិន​គិតថ្លៃ និង​ខិតខំ​ឲ្យ​បាន​ទាន់ពេលវេលា​ទៀតផង ។ ទាំង មាតា បិតា អាណាព្យាបាល និង​សិស្សានុសិស្ស​បាន​និយាយថា ពួកគាត់​ពិតជា​មាន​ភា​ព​សប្បាយរីករាយ​ណាស់​ដោយបាន​សាលា​រាជ ធានី​ភ្នំពេញ​បញ្ជាក់​សញ្ញាបត្រ​ដល់​កូនចៅ​របស់​ពួកគាត់
​ដោយ​មិន​គិត ថ្លៃ​គឺជា​ទង្វើ​ល្អ​មួយ​ថ្មី​បន្ថែមទៀត​របស់​អាជ្ញាធ​រ​សម្រាប់ រដ្ឋាភិបាល​អាណត្តិ​ទី​៥​នេះ ។ មន្ត្រី​ផ្នែក​ធ្វើ​នីត្យានុកូលកម្ម​របស់​សាលា​រាជធានី​ភ្នំពេញ​បាន​ឲ្យ​ដឹងថា ជា​រៀងរាល់ឆ្នាំ​ក្រោយពី​លទ្ធផល​ប្រឡង​និង​ការផ្តល់​វិញ្ញាបនបត្រ ពី​មន្ទីរអប់រំ​យុវជន និង​កីឡា ជា​ផ្លូវការ​ភ្លាម សិស្សានុសិស្ស ក៏​ដូច​អាណាព្យាបាល​សិស្ស​បាននាំគ្នា​សម្រុក​ទៅ​បញ្ជាក់​សញ្ញាបត្រ​នៅ សាលា​រាជធានី​ភ្នំពេញ​យ៉ាងច្រើន​សន្ធឹកសន្ធាប់ ជាពិសេស​ក្នុងអំឡុងពេល​មួយខែ​ក្រោយ​ការប្រកាស​លទ្ធផល​ប្រឡង​មាន ប្រមាណ​ពី​១.៥០០​ទៅ ៣​ពាន់​នាក់​ដែល​បាន​ទៅ​បញ្ជាក់​សញ្ញាបត្រ​នៅ​សាលា​រាជធានី​ភ្នំពេញ ក្នុង​មួយថ្ងៃ ដោយ​មិនទាន់​គិតពី​ចំនួន​សិស្ស​មកពី​ខេត្ត​ដែលមាន​ប្រមាណ​ពី​៥​ទៅ​៧% នោះទេ ។​
​មន្ត្រី​រូបនោះ​បាន​ឲ្យ​ដឹង​ទៀតថា ទោះបី​ចំនួន​សិស្ស ឬ​អ្នក​ទៅ​បញ្ជាក់​យ៉ាងច្រើន​សន្ធឹកសន្ធាប់​បែបនេះ​ក្តី ប៉ុន្តែ​មន្ត្រី​ផ្នែក​ធ្វើ​នីត្យានុកូលកម្ម​របស់​សាលា​រាជធានី​ភ្នំពេញ​បាន ខិតខំ​ធ្វើការ​បញ្ជាក់ជូន​យ៉ាង​មមាញឹក និង​ខ្នះខ្នែង​យ៉ាងខ្លាំង ស្ទើរ​រក​ពេល​សម្រាក​គ្មាន សូម្បីតែ​ហូបបាយ​ក៏​ហូប​នៅ​កន្លែងធ្វើការ ។ ខ្លះ​បាយ​កញ្ចប់​យកមក​ពី​ផ្ទះ ខ្លះ
​បាយ​កង់​ទីន​នៅក្នុង​សាលា​រាជធានី​ភ្នំពេញ នោះ​គឺ​សម្រុក​ធ្វើ​រាល់ថ្ងៃ​រាប់ទាំង​ថ្ងៃ​សៅរ៍ អាទិត្យ ចាប់ពី​ម៉ោង​៧​ព្រឹក ដល់​ម៉ោង ៧​យប់ ។ មន្ត្រី​ផ្នែក​ធ្វើ​នីត្យានុកូលកម្ម​ដដែល​នោះបាន​បញ្ជាក់ថា ទោះ​ជាមាន​ចំនួន​ច្រើន​បែបនេះ​ក្តី ប៉ុន្តែ​ដោយសារ​ការយកចិត្តទុកដាក់​របស់​អភិបាល​រាជធានី​ភ្នំពេញ ក្នុងការ​បំពាក់​ឧបករណ៍​គ្រប់គ្រាន់ ការផ្លាស់ប្តូរ​ទីកន្លែង​បញ្ជាក់ បង្កលក្ខណៈ​ងាយស្រួល​ដល់​សិស្ស និង​ការយកចិត្តទុកដាក់​ពី​មន្ត្រី​របស់​យើង​ផង​នោះ យើង​បាន​បញ្ជាក់ជូន​ពួកគាត់​បាន​ទាន់ពេលវេលា គឺ​មិន​លើសពី​រយៈពេល​៤​ថ្ងៃ​នោះទេ និង​បាន​ឲ្យ​សិស្ស​យកទៅ​ប្រើប្រាស់​ភ្លាម ៕

ដោយ​៖​សហការី​

Copyright © 2010-2021 · អរិយធម៌ · All Rights Reserved.
Develop by Sek Sathya