ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||     ល្បី! លោក យី ថុល  ប្រធានការិយាល័យ គយ ច្រកទ្វារអន្តរជាតិព្រែកចាក  នៅតែប្រមូលលុយ តាមរបៀបពុករលួយ?​  ||     ល្បីដល់លើហើយ!  អំពើពុករលួយ និងការអនុវត្តខុសពីតួនាទីភារកិច្ច របស់លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ​  ||     ល្បី ឈ្មួញសម្រុកដឹកជញ្ជូនឈើចេញពីឃុំកន្ទួត ស្រុកចិត្របុរី​​  ||   

» ព័ត៌មានជាតិ » រថយន្ត​កុង​តឺ​ន​រ័ ពីរ​គ្រឿង​បញ្ច្រាសទិស​បុក​គ្នា​ពេញទំហឹង​នៅ​បណ្តោយ​ផ្លូវជាតិ​លេខ​៤​តែ​គ្មាន​មនុស្ស​ស្លាប់​

រថយន្ត​កុង​តឺ​ន​រ័ ពីរ​គ្រឿង​បញ្ច្រាសទិស​បុក​គ្នា​ពេញទំហឹង​នៅ​បណ្តោយ​ផ្លូវជាតិ​លេខ​៤​តែ​គ្មាន​មនុស្ស​ស្លាប់​

ខេត្ត​ព្រះសីហនុ​៖ រថយន្ត​កុង​តឺ​ន​រ័​ចំនួន​ពីរ​គ្រឿង​បញ្ច្រាសទិស​គ្នា​បើក​បុក​គ្នា​យ៉ាង​ពេញទំហឹង តែ​គ្មាន​​អ្នកស្លាប់ គ្រាន់តែ​របួសធ្ងន់​ស្រាល នៅ​បណ្តោយ​ផ្លូវជាតិ​លេខ​៤​។​
​    ​ហេតុការណ៍​គ្រោះថ្នាក់​ចរាចរណ៍​មួយ​នេះ​បាន​កើតឡើង​នៅលើ​ដងផ្លូវ​ជាតិ​លេខ​៤​ចន្លោះ​​គីឡូម៉ែត្រ​លេខ​១៤១-១៤២ ជិត​ផ្លូវបំបែក​ចូល​ស្រុក​ស្រែអំបិល​ខេត្តកោះកុង  ក្នុង​ឃុំ​ចំការ​លួង​​ស្រុក​កំពង់សីលា​ខេត្ត​ព្រះសីហនុ កាលពី​ព្រលឹម​ថ្ងៃទី ១០​ខែកញ្ញា​ឆ្នាំ​២០១៣​នេះ​។​ ​ប៉ូលីស​និយាយថា ក្នុងករណីនេះ​អាច​បណ្តាលមកពី​រថយន្ត​កុង​តឺ​ន​រ័​មួយគ្រឿង​មកពី​ក្រុង​ភ្នំ​​ពេញ​ប្រឹង​វ៉ា​ជែង​គ្នា​ក៏​ប្រទះ​ជាមួយ​រថយន្ត​កុង​តឺ​ន​រ័​មួយទៀត​បញ្ច្រាសទិស​គ្នា​បុក​គ្នា​តែម្តង ។​
​    ​ប៉ូលីស​បន្តថា រថយន្ត​កុង​តឺ​ន​រ័​មួយគ្រឿង​មាន​ទិសដៅ​ពី​ភ្នំពេញ​មក​ក្រុងព្រះសីហនុ​ដែល​​គេ​ស​ង្ស​យ័​ថា​ជាដើម​ហេតុ​នោះ​ពាក់​ស្លាក​លេខ​ភ្នំពេញ​3B9739​ជា​កម្ម​សិទ្ធ​របស់​ក្រុមហ៊ុន​ផាត់​ប៊ុន​បើកបរ​ដោយ​ឈ្មោះ​អាន​ធី​ភេទ​ប្រុស​អាយុ​៤៨​ឆ្នាំ​ស្នាក់នៅ​សង្កាត់​ទំនប់ទឹក​ខ​ណ្ឌ័​ចំការមន​រាជធានី​ភ្នំពេញ​​និង​ប្រ៊ូ​ម្នាក់​រងរបួស​ក្បាល​។​រីឯ​រថយន្ត​ដែល​បុក​ជាមួយ​រថយន្ត​ខាងលើនេះ​ពាក់​ស្លាក​លេខ ភ្នំពេញ 3C1669 ជា​កម្មសិទ្ធិ​របស់​ក្រុមហ៊ុន គា​ធី ធំ បើកបរ​ដោយ​ឈ្មោះ ចិន ធឿន ភេទ​ប្រុស​អាយុ ២៤​ឆ្នាំ​ស្នាក់នៅ​ភូមិ​បន្ទាត់​ឃុំ​មហា​សាំង​ស្រុក​ភ្នំស្រួច​ខេត្តកំពង់ស្ពឺ​រថយន្ត​នេះ​មាន​ទិសដៅ​ដឹកទំនិញ​​ចេញពី​ក្រុងព្រះសីហនុ​ទៅ​ទីក្រុង​ភ្នំពេញ ។​
​    ​ប៉ូលីស​បញ្ជាក់ថា រថយន្ត​កុង​តឺ​ន​រ័​ទាំងពីរ​គ្រឿង​នេះ មានការ​ខូចខាត​ផ្នែក​ខាងមុខ ប្រហាក់​​ប្រហែល​គ្នា  តែ​គ្មាន​មនុស្ស​ស្លាប់  បច្ចុប្បន្ន រថយន្ត​ទាំងពីរ​គ្រឿង​ត្រូវបាន​អូស​យកទៅ​រក្សាទុក​នៅ​​អធិការ​ស្រុក​កំពង់​សិលា​ខេត្ត​ព្រះសីហនុ​ដើម្បី​រង់ចាំ​ការដោះស្រាយ​បន្ត ៕ ​ដោយ  ក​,​ស​

 

Copyright © 2010-2021 · អរិយធម៌ · All Rights Reserved.
Develop by Sek Sathya