ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ដីគម្របព្រៃឈើដែលជាតំបន់ប្រើ ប្រាស់ច្រើនយ៉ាងនៅក្នុងស្រុកកំពង់លែង កំពុងទទួលរងនូវការបាត់បង់ ជាបន្តបន្ទាប់ ពីសំណាក់អ្នកមាន លុយមានអំណាច កាប់ឆ្ការ ឈូស ឆាយទន្រ្ទានយកចែកគ្នាលក់ជារៀង រាល់ថ្ងៃ ដោយពុំមានការបង្ក្រាប​  ||     ល្បីមេឈ្មួញឈើ ម្នាក់ឈ្មោះ ហាក់ កំពុងដឹកជញ្ជូនយ៉ាងរលូនក្នុងខេត្តក្រចេះ​  ||     លេចឮព័ត៌មាន! មន្ត្រី​យោធា​ និង​ជា​ថៅកែ​ភាស៊ី​ នៅ​រង្វង់​មូល​បឹង​ត្រកួនថា ជំរិត​ទារលុយ​គោយន្ត​ឆ្លងកាត់?​  ||     មេឈ្មួញជើងខ្លាំង ឈ្មោះចែស្រី កំពុងដឹកជញ្ជូនយ៉ាងរលូនក្នុងខេត្តក្រចេះ​  ||     រោងសិប្បកម្មធំៗ កន្លែងស្ថិតនៅភូមិមេម៉ងឃុំមេម៉ងស្រុកកែវសីមា សង្ស័យមន្ត្រីជំនាញមើលរំលង​  ||   

» ព័ត៌មានជាតិ » ក្រុមហ៊ុន​សំរាម​ក្រុង​ប៉ោយប៉ែត​​ធ្វើ​ឲ្យ​សំរាម​​ស្វាគមន៍​ភ្ញៀវទេសចរ​ ​

ក្រុមហ៊ុន​សំរាម​ក្រុង​ប៉ោយប៉ែត​​ធ្វើ​ឲ្យ​សំរាម​​ស្វាគមន៍​ភ្ញៀវទេសចរ​ ​

​បន្ទាយមានជ័យ​៖ ដោយសារតែ​ក្រុមហ៊ុន​សំរាម​ក្រុង​ប៉ោយប៉ែត​ដែល​ទទួល​ម៉ៅការ​សំរាម​ហើយ​មិនបាន​ប្រមូល​អោយទាន់​ពេលវេលា​ធ្វើអោយ​គរ​ដូច​ភ្នំ និង​ស្អុយរលួយ ទើប​មតិ​មួយចំនួន​បាន​រិះគន់ថា “ ប៉ោយប៉ែត​យក​សំរាម​ស្វាគមន៍​ភ្ញៀវទេសចរ​” ។
​    ​ទោះបីជា​មានការ​រិះគន់​ជា​បន្ត​បន្ទាប់ពី​ប្រជាពលរដ្ឋ​ដែល​បាន​បង់លុយ​ថ្លៃ​ប្រមូល​សំរាម​អោយ​ក្រុមហ៊ុន​ប្រមូល​សំរាម​ក្រុង​ប៉ោយប៉ែត​ក៏ដូចជា​អាជ្ញាធរ​ក្រុង​បានអោយ​ក្រុមហ៊ុន​ធ្វើការ​ប្រមូល​សំរាម​អោយអស់​យ៉ាងណាក៏ដោយ​ក៏​ខាង​ក្រុមហ៊ុន​ប៉ោយប៉ែត​ឃ្លី​ន​នឺ ដែល​ទទួល​ម៉ៅការ​សំរាម​ប្រចាំ​ក្រុង ប៉ោយប៉ែត​មិន​ប្រមូល​សំរាម​ទៅតាម​លក្ខណ​របស់ខ្លួន​ឡើយ​ដែល​ធ្វើអោយ​សំរាម​ដែល​ដា​កើ​គ​រា​ចោល​នៅតាម​ជ​ញ្ជើ​ម​ផ្លូវ មុខផ្ទះ
​ប្រជាពលរដ្ឋ​សម្រាប់​អោយ​ខាង​រថយន្ត​ប្រមូល​សំរាម​មក​ទទួលយក​នោះ នៅតែ​គរ​ដូច​ភ្នំ ខ្លះ​នៅលើ​មាត់​លូ ខ្លះ​នៅ​កាច់​កែង​ផ្លូវ​សងខាង​នៃ​ផ្លូវជាតិ​លេខ​៥ ពីមុខ​សាលា ក្រុង​ប៉ោយប៉ែត​រហូតដល់​រង្វង់​មូល​ច្រកទ្វារ​អន្តរជាតិ​ប៉ោយប៉ែត​។
​    ​លោក ង៉ោ ម៉េង​ជ្រូ​ន អភិបាលក្រុង​ប៉ោយប៉ែត​បាន​ប្រាប់​អោយដឹងថា បញ្ហា​សំរាម​នេះ​អាជ្ញាធរ​ក្រុង​តែង​គិតគូរ​និង​ចាត់​អោយ​ហៅ​ក្រុមហ៊ុន​ប្រមូល​សំរាម​ធ្វើយ៉ាងណា​ប្រមូល​អោយអស់​ជា​រៀងរាល់ថ្ងៃ​តែ​ខា​ថង​ក្រុមហ៊ុន​បាន​លើក​ហេតុផល​ថា ក្រុមហ៊ុន​ជូ​ប​ការលំបាក និង​ខាត​ដោយសារតែ​ខាង​ក្រុមហ៊ុន​មិនអាច​ប្រមូល​លុយ​ប្រចាំខែ​ថ្លៃ
​សេវា​ប្រមូល​សំរាម​តាម​ផ្ទះ​ប្រជាពលរដ្ឋ​ដោយបាន​តែមួយ​ចំនួន​ធ្វើអោយ​ក្រុមហ៊ុន​ខាត​ជា​រៀងរាល់ខែ ។
​    ​ការដែល​ក្រុមហ៊ុន​ធ្វើ​ខាងលើ​បែបនេះ​វា​ធ្វើអោយ​សំរាម​គរ​ដូច​ភ្នំ និង​ស្អុយរលួយ​តាម​សងខាង​ផ្លូវ​ហើយ​វា​ក៏​កំពុងតែ​ធ្វើអោយប៉ះពាល់​ដល់​សុខភាព​របស់​ប្រជាពលរដ្ឋ និង​ភ្ញៀវទេសចរ​តាមរយៈ​ក្លិនស្អុយ ហើយ​ដោយសារតែ​ក្រុង​ប៉ោយប៉ែត​ជាទី​ក្រុង​មួយ​មាន​ច្រក​អន្តរជាតិ​ដែលមាន​ភ្ញៀវទេសចរ​ជាតិ និង​អន្តរជាតិ​ចេញចូល​ក្នុង​មួយថ្ងៃៗ​រាប់សិប​អ្នក​បើ​ក្រុមហ៊ុន​ប្រមូល​សំរាម​នៅតែ​ប្រមូល​មិនទាន់​បែបនេះ​វា​មិនអាច​ធ្វើអោយ​ទីក្រុង​ស្អាត​បានឡើយ វា​បែរជា​សំរាម​អម​សងខាង​ផ្លូវ​គឺ​ដើម្បី​ទទួលភ្ញៀវ​ទេសចរ​ទៅវិញ​ទេ ៕
​ដោយ សម្បត្តិ សីហា​

Copyright © 2010-2021 · អរិយធម៌ · All Rights Reserved.
Develop by Sek Sathya