ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||   

» ព័ត៌មានជាតិ » សម្តេច​តេ​ជោ ហ៊ុន សែន និង លោក សម រង្ស៊ី អាច​នឹង​ចាប់ដៃគ្នា​​នៅ​ព្រលានយន្ត​ហោះ​អន្តរជាតិ​ភ្នំពេញ​

សម្តេច​តេ​ជោ ហ៊ុន សែន និង លោក សម រង្ស៊ី អាច​នឹង​ចាប់ដៃគ្នា​​នៅ​ព្រលានយន្ត​ហោះ​អន្តរជាតិ​ភ្នំពេញ​

​ភ្នំពេញ ៖  ព្រះមហាក្សត្រ​កម្ពុជា និង សម្តេចម៉ែ បាន​យាង​ចាក​ចេញពី​កម្ពុជា​ទៅកាន់​ទីក្រុង​ប៉េកាំង​ប្រទេស​ចិន កាលពី​ថ្ងៃទី​១២ សីហា ដើម្បី​ពិនិត្យ​ព្រះរាជសុខភាព​តាម​ការកំណត់​របស់​ក្រុម​វេជ្ជបណ្ឌិត​ចិន ។ បើ​គ្មានអ្វី​ប្រែប្រួល​នោះទេ ព្រះករុណា ព្រះបាទ សម្តេចព្រះ​បរមនាថ នរោត្តម សីហមុនី ព្រះមហាក្សត្រ​នៃ​ព្រះរាជាណាចក្រ​កម្ពុជា និង
សម្តេចម៉ែ នឹង​យាង​និវត្ត​ន៏​មក​កម្ពុជា​វិញ​នា​ថ្ងៃទី​១១ កញ្ញា ២០១៣​នេះ ។​
​តាម​ធម្មតា​និង​ជា​ផ្លូវការ​រាល់​ការយាង​ចាកចេញ​ទៅកាន់ ប្រទេស​ណាមួយ ឬ ការវិល​និវត្ត​ន៏​មកវិញ​របស់​ព្រះមហាក្សត្រ គេ​តែង​សង្កេតឃើញ​ថ្នាក់ដឹកនាំ​ជាន់ខ្ពស់​ព្រឹ​ទ្ឋ​សភា រដ្ឋសភា និង ប្រមុខ​រាជរដ្ឋាភិបាល​កម្ពុជា ព្រមទាំង​មន្ត្រីជាន់ខ្ពស់​ជាច្រើនរូប​ទៀត តែងមាន​វត្តមាន​ជូន​ព្រះរាជដំណើរ ឬ ទៅ​ទទួល​ព្រះរាជដំណើរ​ព្រះមហាក្សត្រ ក្នុងនោះ​មាន​សម្តេច​ប្រធាន​ព្រឹ​ទ្ឋ​សភា ជា ស៊ីម ,​សម្តេច ហេង សំរិន និង សម្តេចនាយក​រដ្ឋមន្ត្រី ហ៊ុន សែន ។​
​ដូច្នេះ​ក្រុមអ្នកតាមដាន​ស្ថាន​ការ​ណ៏​នយោបាយ បាន​លើកឡើងថា ប្រសិនបើ​ថ្ងៃស្អែក សម្តេចនាយក​រដ្ឋមន្ត្រី ហ៊ុន សែន និង​ថ្នាក់ដឹកនាំ​ដទៃទៀត​របស់​គណបក្ស​ប្រជាជន​កម្ពុជា​អញ្ជើញ​ទៅ​ទទួល ព្រះមហាក្សត្រ​ដែរនោះ ​មេដឹកនាំ​គណបក្ស​ទាំងពីរ ដែល​ទទួលបាន​អាសនៈ​សភា​ក្នុងការ​បោះឆ្នោត​ជ្រើសតាំង​តំណាងរាស្ត្រ​នីតិកាល​ទី​៥
កាលពី​ថ្ងៃទី​២៨ កក្កដា ២០១៣ អាច​នឹង​ជួប ហើយ​ចាប់ដៃគ្នា​ជា​លើកដំបូង​នៅ​ព្រលានយន្តហោះ​អន្តរជាតិ​នា​ថ្ងៃទី​១១​កញ្ញា ស្អែក​នេះ ។​
​គួរ​បញ្ជាក់ដែរថា យោងតាម​ព្រះរាជសារ​ព្រះមហាក្សត្រ​កម្ពុជា​ចុះ​ថ្ងៃទី​០៩​កញ្ញា​បាន​ឲ្យ​ដឹងថា ព្រះអង្គ​នឹង​កោះប្រជុំ​សភា​លើកដំបូង​នៅ​ថ្ងៃទី​២៣ កញ្ញា ២០១៣ ប៉ុន្តែ​បក្សប្រឆាំង​បានប្រកាស​ជំហរ​ហើយ​ថា នឹងមិន​ចូលរួម​ប្រជុំ​សភា
​លើកដំបូង​នេះ​ទេ ប្រសិនបើ​គ្មាន​ដំណោះស្រាយ ជាពិសេស​ការបង្កើត​គ​ណៈ​កម្ម​ការ​ពិសេស​ឯករាជ្យ​ដើម្បី​ស៊ើបអង្កេត​ភាព មិន​ប្រក្រតី​នៃ​ការបោះឆ្នោត ដែល​លើកឡើង​ដោយ​គណបក្ស​សង្គ្រោះ​ជាតិ​នោះ ៕

Copyright © 2010-2021 · អរិយធម៌ · All Rights Reserved.
Develop by Sek Sathya