ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ភ្ញាក់ផ្អើល! ស្រូវពលរដ្ឋកំពុងតែរកច្រកចេញមិនបានផង បែរអាងខ្លួនជាប៉ូលិស មកចាំជំរិតគេទៅវិញ មន្រ្តីថោកអី គ្មានគិតដល់ទុក្ខលំបាកពលរដ្ឋ បែរជាយកតួនាទីមករកស៊ីគាបជំរិតស្រស់ៗ ?​  ||     លោក ជា ពៅ ហៅ ហួ តំណាង ក្រុមហ៊ុន សៀ ម៉ុ​ន លួចកាប់ឈើក្នុងតំបន់បរិស្ថាន ដាក់ចូលក្រុមហ៊ុន បម្លែងជាឈើស្របច្បាប់​  ||     ល្បីឈ្មោះលោកជា ពៅ ហៅ ហួ កាប់ឈើ ដឹកឈើ នៅស្ទឹងត្រែង​  ||     ឈ្មួញ​ឈ្មោះ ណាង ឈ្មួញរិទ្ធ និងឈ្មួញឈ្មោះ ទូ កំពុងធ្វើសកម្មភាពដឹកជញ្ជូនឈើពីស្រុកពេជ្រាដា ទៅស្រុកយួនតាមច្រកដាក់ដាំ យ៉ាងពេញបន្ទុក​  ||     អាជីវកម្មរណ្តៅដី  មានការឃុបឃិតជាប្រព័ន្ធ ភូមិពារាំង ឃុំរាប ស្រុកពារាំង នៅព្រៃវែង​  ||   

» បរិយាយថ្ងៃនេះ » ​ខ្មោច​ងាប់​លឹ​ង្គ​ខឹង​

​ខ្មោច​ងាប់​លឹ​ង្គ​ខឹង​

ពិតជា​មានរឿង​ប្លែក​នៅ​ស្រុក​ខ្មែរ​យើង​គឺ «​ខ្មោច​ងាប់​លឹ​ង្គ​ខឹង​»​។ នេះ​ជា​ន័យធៀប​មួយ​សំរាប់​ទុក​ឲ្យ​មេ​គយ​ស្រុក ខ្មែរ​ពិចារណា ព្រោះ​មាន​ប្រធាន​គណនេយ្យ​គយ​២​កន្លែង ត្រូវដាក់​ឲ្យ​ចូលនិវត្តន៍​ហើយ បែរជា​ពួកគាត់​នៅតែ មាន​វត្ត​មានមក​ធ្វើ​ការរក​ប្រយោជន៍​បាន​ដដែល​។ ត្រង់​ករណីនេះ​ហើយ​ទើប​គេ​ហៅថា ខ្មោច​ងាប់​លឹ​ង្គ​ខឹង​។​
មន្ត្រី​គយ​នៅ​ផែស្ងួត​តិច​ស្រ៊ុន បាននាំគ្នា​ខ្សឹបខ្សៀវ​ថា «​សព្វថ្ងៃនេះ​មាន​ប្រធាន​គណនេយ្យ​ម្នាក់ ធ្វើការ​នៅ ផែស្ងួត​តិច​ស្រ៊ុន ត្រូវដាក់​ឲ្យ​ចូលនិវត្តន៍​ជិត​៤​ខែ​ហើយ​តែ​គាត់​នោះ​នៅតែ​មក​ធ្វើការ​ដដែល ហាក់បីដូចជា​មិន ខ្មាស​ភ្នែក​កូនចៅ​សោះ​»​។ ដោយឡែក​មន្ត្រី​គយ​នៅ​សាខា​ផែស្ងួត​ភ្នំពេញ បាននាំគ្នា​រអ៊ូរទាំ​ថា «​មាន​មេ គណនេយ្យ​ម្នាក់​ដល់​អាយុ​ចូលនិវត្តន៍​ហើយ​មិន​ព្រម​ឈប់​ទេ គឺ​នៅតែ​មក​អង្កៀម​ឆ្អឹង​រហូតដល់​សព្វថ្ងៃ ដោយ​មិន ចេះ​ខ្មាស​ក្រដាស​មួយ​សន្លឹក​បញ្ជាក់ថា «​លោក​ត្រូវដាក់​ឲ្យ​ចូលនិវត្តន៍​ជិត​៤​ខែ​ហើយ​ទេ​»​។​
គេ​និយាយថា មូលហេតុ​ដែល​ប្រធាន​គណនេយ្យ​គយ​ទាំង​២​កន្លែង​ដល់​អាយុ​ចូលនិវត្តន៍ ហើយ​មិន​ឈប់ សម្រាក​នោះ គឺ​បង្កប់​ទៅដោយ​អំពើពុករលួយ​ដល់​ឆ្អឹង​នៅក្នុង​ការិយាល័យ​ទាំង​២​កន្លែង​នោះឯង​។ គេ​បន្តថា ប្រធានការិយាល័យ​ទាំង​២​នោះ គឺមាន​ប្រធានការិយាល័យ​ក្តាប់​រួម​២​នាក់​ដែរ​។ ដូច្នេះ​បើ​ប្រធាន​គណនេយ្យ​ទាំង ២​នាក់ និង​ទាំង​២​កន្លែង អាច​ទៅធ្វើ​ការ​បាន គឺ​មកពី​ប្រធានការិយាល័យ​ក្តាប់​រួមទាំង​២​ការិយាល័យ​នោះ​ឃុ​ប ឃិត​គ្នា​ពុករលួយ​។​
គេ​ខ្សឹប​គ្នា​បន្តទៀតថា «​ប្រធាន​គណនេយ្យ​ទាំង​២​កន្លែង​នោះ គ្មាន​ចេះ​ខ្មាសអៀន​នរណា​ទេ ចង់​នរណា​មើលមុខ ទាំង​មានការ​ងឿងឆ្ងល់​ក៏​ពួកគាត់​មិន​ខ្វល់​ដែរ គឺ​ធ្វើយ៉ាងណា​បន្ត​រកលុយ​ពុករលួយ​ចែក​បក្សពួក​គាត់​ចាយ​ប្រចាំ ខែ​គ្រប់គ្រាន់​ទៅ​វា​ចប់​បាត់ទៅហើយ​»​។ ក្រុមមន្ត្រី​គយ​ទាំង​២​កន្លែង​នាំគ្នា​ឆ្ងល់​ថា ពេល​ចុះហត្ថលេខា​ផ្លូវការ​លើ ឯកសារ​នានា គឺប្រធាន​គណនេយ្យ​ទាំង​២​នាក់​មិន​ហ៊ានស៊ី​ញ៉េ​ទេ គឺ​ឲ្យ​មន្ត្រី​ម្នាក់​ចាំ​ស៊ី​ញ៉េ​ជំនួស​។ នេះ​បាន​ន័យ ថា «​ប្រយោជន៍​ច្រើន​លើសលុប​ពួកគាត់​ទាំង​២​នាក់ ប្រមូល​រីឯ​ការទទួលខុសត្រូវ​ទំលាក់​ទៅ​អ្នកដទៃ​ទទួល ជំនួស​»​។ តើ​សហលក្ខន្តិកៈ​មន្ត្រីរាជកា​រ​ស៊ីវិល ដល់​អាយុ​ត្រូវ​ចូលនិវត្តន៍ អាចមក​ធ្វើការ​អ៊ីចឹង​បានដែរ​ឬ​យ៉ាង ម៉េច​? បើតាម​ដឹង​គឺ​មិនអាច​ទៅរួច​នោះឡើយ នេះ​មកពី​មានការ​ឃុបឃិត​ពុករ​លួ​យ​ប៉ុណ្ណោះ ដែល​អាច​ធ្វើទៅ បាន​។ មន្ត្រី​គយ​ទាំង​២​កន្លែង​គេ​សុំ​លាក់​ឈ្មោះ​ប្រធាន​គណនេយ្យ​ទាំង​២​នាក់​នោះ​សិន តែបើ​មិន​ព្រម​ឈប់​ទេ ថ្ងៃ​ខាងមុខ​ច្បាស់​ជា​បញ្ចេញ​ឲ្យ​ចំឈ្មោះ​ហើយ​។
ករណីនេះ អាច​លោក​បណ្ឌិត ប៉ែន ស៊ីម៉ន មេ​គយ​ម៉ា​ស្រុក​ខ្មែរ​មិនដឹង តែ​សំរាប់​ប្រធានការិយាល័យ​ក្តាប់​រួម ទាំង​២​កន្លែង​នោះ សូមកុំ​និយាយថា មិនដឹង​ឲ្យ​សោះ​។ ដើម្បី​បញ្ចប់​ការសង្ស័យ​ត្រូវ​រក​ប្រធាន​គណនេយ្យ​២​នាក់ ទៅ​ជំនួស​កន្លែង ដែល​លោក​ទាំង​២​នាក់​ចូលនិវត្តន៍ ហើយ​បើ​មាន​ប្រធាន​គណនេយ្យ​ថ្មី​ទៅ​ជំនួស​ហើយ អស់លោក​ទាំង​២​នាក់​មិន​ព្រម​ឈប់​ទៀត​នោះ គឺជា​រឿង​ផ្សេង​ដែល​ទាមទារ​ឲ្យ​អង្គភាព​ប្រឆាំង​អំពើពុករលួយ ចុះទៅ ស៊ើបអង្កេត​ហើយ​៕ ដោយ​៖ ក្អែកខ្មៅ​

Copyright © 2010-2021 · អរិយធម៌ · All Rights Reserved.
Develop by Sek Sathya