ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក ទិត្យ អឿន កំពុងតែយកអាជ្ញាប័ណ្ណ ជាអ្នកសារព័ត៌មានទៅកាងបទល្មើស ការកាប់ឆ្ការ ទន្រ្ទានយកដីព្រៃលិចទឹករបស់រដ្ឋ ចែកគ្នាលក់?​  ||     ភ្ញាក់ផ្អើល! ស្រូវពលរដ្ឋកំពុងតែរកច្រកចេញមិនបានផង បែរអាងខ្លួនជាប៉ូលិស មកចាំជំរិតគេទៅវិញ មន្រ្តីថោកអី គ្មានគិតដល់ទុក្ខលំបាកពលរដ្ឋ បែរជាយកតួនាទីមករកស៊ីគាបជំរិតស្រស់ៗ ?​  ||     លោក ជា ពៅ ហៅ ហួ តំណាង ក្រុមហ៊ុន សៀ ម៉ុ​ន លួចកាប់ឈើក្នុងតំបន់បរិស្ថាន ដាក់ចូលក្រុមហ៊ុន បម្លែងជាឈើស្របច្បាប់​  ||     ល្បីឈ្មោះលោកជា ពៅ ហៅ ហួ កាប់ឈើ ដឹកឈើ នៅស្ទឹងត្រែង​  ||     ឈ្មួញ​ឈ្មោះ ណាង ឈ្មួញរិទ្ធ និងឈ្មួញឈ្មោះ ទូ កំពុងធ្វើសកម្មភាពដឹកជញ្ជូនឈើពីស្រុកពេជ្រាដា ទៅស្រុកយួនតាមច្រកដាក់ដាំ យ៉ាងពេញបន្ទុក​  ||   

» ព័ត៌មានជាតិ » គុយ​វ៉ែត​គាំទ្រ​លិ​ទ្ធិ​ប្រជាធិបតេយ្យ​នៅ​កម្ពុជា និង​អបអរសាទរ​ចំពោះ​លទ្ធផល​​ឈ្នះឆ្នោត​​របស់​គណបក្ស​ប្រជាជន​កម្ពុជា​ ​

គុយ​វ៉ែត​គាំទ្រ​លិ​ទ្ធិ​ប្រជាធិបតេយ្យ​នៅ​កម្ពុជា និង​អបអរសាទរ​ចំពោះ​លទ្ធផល​​ឈ្នះឆ្នោត​​របស់​គណបក្ស​ប្រជាជន​កម្ពុជា​ ​

ភ្នំពេញ​៖​ឯកអគ្គរដ្ឋទូត​គុយ​វ៉ែត ប្រចាំ​ព្រះរាជាណាចក្រ​កម្ពុជា បាន​សម្តែង​នូវ​ការអបអរសាទរ​ចំពោះ​លទ្ធផល​បោះឆ្នោត ដែល​គណបក្ស​ប្រជាជន​កម្ពុជា​ទទួលបាន​ជ័យជំនះ​លើ​ការបោះឆ្នោត​ជ្រើសតាំង​តំណាងរាស្ត្រ​នីតិកាល​ទី​៥​នេះ និង​គាំទ្រ​ចំពោះ​ការប្រកាន់​ខ្ជាប់​នូ​វលិ​ទ្ធិ​ប្រជាធិបតេយ្យ​ក្នុងការ​អនុវត្ត​ច្បាប់​នានា​។​
​នៅក្នុង​ជំនួប​ពិភាក្សា​មួយ​រវាង​លោក ប៉ា សុជាតិ​វង្ស អភិបាល​រាជធានី​ភ្នំពេញ និង​លោក​DHERAR NASER AL . TUWAIRI ឯកអគ្គរដ្ឋទូត​គុយ​វ៉ែត ប្រចាំ​កម្ពុជា កាលពី​ព្រឹក​ថ្ងៃទី​០៤​ខែ កញ្ញា នេះ​នៅ​សាលា​រាជធានី​ភ្នំពេញ​លោក​ឯកអគ្គរដ្ឋទូត​គុយ​វ៉ែត បាន​មាន ប្រសាសន៍ថា ជា​ការពិត​ប្រទេស​ណា​ក៏ដូចជា​ប្រទេស​ណា​ដែរ ឲ្យ​តែ​ជា​ប្រទេស​កាន់
​លិ​ទ្ធិ​ប្រជាធិបតេយ្យ​ជៀស​មិន​ផុតពី​ការជួប​ប្រទះ​នូវ​បញ្ហា​វិវាទ​ផ្នែក​នយោបាយ​ខ្លះ​នៅក្រោយ​ការបោះឆ្នោត​នោះទេ​។
ប៉ុន្តែ​ការខ្វែងគំនិត​គ្នា​យ៉ាងណា​នោះ វា​នឹង​ឈានទៅ​ស្រុះស្រួល​គ្នា​នៅពេលដែល​មានការ​ដោះស្រាយ​ដោយ​សន្តិវិធី​។​ប៉ុន្តែ​កម្ពុជា​គណបក្សប្រឆាំង​នៅតែ​ប្រកាន់​ជំហរ​ធ្វើ​មហា​បាតុកម្ម​ដ៏​ធំ​មួយ​នៅ​ថ្ងៃ​ទៅ​៧ កញ្ញា​ខាងមុខនេះ លោក​DHERAR NASER AL . TUWAIRI បាន​សម្តែង​នូវ​ការព្រួយបារម្ភ​ចំពោះ​មហា​បាតុកម្ម​នេះ ថា​តើ​អាជ្ញា​ធរមាន​វិធី​អី​សម្រាប់​ទប់ទល់​ជាមួយ​មហា​បាតុកម្ម​នោះ ព្រោះថា​មិនមែន​តែ​រូបលោក​ទេ មាន​ស្ថានទូត​ដទៃទៀត​ក៏មាន​ការព្រួយបារម្ភ​ខ្លាំង​ណាស់ដែរ​ចំពោះ​បញ្ហា​សន្តិសុខ សុវត្ថិភាព ជាមួយគ្នានេះ​ប្រជាពលរដ្ឋ​ម្ចាស់ឆ្នោត ក៏មាន​ការព្រួយបារម្ភ​ដូចគ្នានេះដែរ​។​
ជាការ​ឆ្លើយតប​លោក ប៉ា សុជាតិ​វង្ស បាន​ជម្រាបជូន​ថា រាល់​សកម្មភាព​របស់​ស្ថាប័ន​ជាតិ ( គ ជ ប ) ត្រូវ​រង​ការ​ដៀលត្មះ​ពី​ក្រុម​បក្សប្រឆាំង ក្នុងនោះ​ក៏មាន​ការជំរុញ​ឲ្យ​មានការ​រើសអើង​ពូជសាសន៍​ពី​ក្រុម​ជន​មួយចំនួន​ដែល​គាំទ្រ​បក្សប្រឆាំង​។​បើទោះជា​ស្ថាប័ន​មួយ​នេះ​បាន​ខិតខំ​ដោះស្រាយ​បញ្ហា​ទាំងឡាយ​របស់​បក្សប្រឆាំង តាម​នីតិវិធី​ច្បាប់​ក៏ដោយ​ក៏​ស្ថាប័ន ( គ ជ ប )​នៅតែ​មិន​ទទួលបាន​ការពេញចិត្ត​ពី​បក្សប្រឆាំង​នោះដែរ​។​
​លោក អភិបាល​បាន​ជម្រាបជូន​ទៀតថា ការស្នើសុំ​បង្កើត​គណៈកម្មការ​ឯក​រាជ្យ​របស់​គណបក្សប្រឆាំង​នោះ បាន​ក្លាយទៅជា​កូនជញ្ជីង​នៃ​ការ​តថ្លៃ​អំណាច​របស់​បក្សប្រឆាំង​។ បើ​មិនបាន​តាម​ការទាមទារ​ទេនោះ គឺ​ពួកគាត់​ប្រកាស​ធ្វើ​មហា​បាតុកម្ម​។​
​ជាមួយគ្នានេះ លោក ប៉ា សុជាតិ​វង្ស បាន​សុំ​ឲ្យ អង្គទូត ស្ថានទូត ប្រចាំ​ព្រះរាជាណាចក្រ​កម្ពុជា កុំ​ឲ្យ​មានការ​ព្រួយបារម្ភ​ខ្លាំងពេក​អំពី​បញ្ហា​នេះ ពីព្រោះ​កម្ពុជា​ជា​ប្រទេសមួយ ដែលមាន​ច្បាប់ទម្លាប់​ត្រឹមត្រូវ គ្រាន់តែ​ថា​អ្នកបង្ក​បញ្ហា​គេ​មិនបាន​គោរព​ច្បាប់​តែប៉ុណ្ណោះ តែ​ទោះជា​យ៉ាងណាក៏ដោយ អាជ្ញាធរ​នឹង​ខិតខំ​បញ្ចៀស​ឲ្យ​បាន​នូវ
​អំពើហិង្សា​ក្នុង​កំរិត​ខ្ពស់បំផុត​តាមតែ​អាចធ្វើ​ទៅបាន ៕​ដោយ​៖ វិជ្ជា

Copyright © 2010-2021 · អរិយធម៌ · All Rights Reserved.
Develop by Sek Sathya