ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក លឹម លក្ខណ៍ ដែលចូលក្របខ័ណ្ឌ ៣ឆ្នាំ ទទួលមុខតំណែងជានាយរងការិយាល័យសន្តិសុខឯកជន នៃស្នងការដ្ឋាននគរបាលខេត្តកណ្តាល ពាក់ស័ក្តិ៤យ៉ាងហំ ហើយល្បីថា រត់ការបន្តយកតំណែងជាស្នងការរង ខេត្តកណ្តាល?​  ||     ជនល្មោភលុយកាក់ យកសាសនាព្រះយ៉េស៊ូវ ធ្វើអាជីវកម្ម បានឈូសឆាយដីកប់សពបងប្អូនអ្នកជឿព្រះយ៉េស៊ូវ ពុះជាដីឡូតិលក់ បង្កភ្ញាក់ផ្អើលខ្លំាង នៅសៀមរាប​  ||     បែកធ្លាយ ! លោក ជា វណ្ណៈ និងលោក ថន សឿន សង្ស័យពាក់ព័ន្ធនឹងការកាប់បំផ្លាញព្រៃឈើ នៅតំបន់អូរហ៊ុច ដែលកម្លាំងចម្រុះចុះបង្ក្រាបពីម្សិលមិញ​  ||     ហេតុអីក៏នាយនគរបាលម្នាក់នេះ  ទើបចូលក្របខ័ណ្ឌនគរបាលជាតិ បាន៣ឆ្នាំសោះ ពាក់ស័ក្តិ៤ និងមានតំណែងជានាយរងការិយាល័យថែមទៀត?​  ||     ទីតាំងស្តុកឈើឥតច្បាប់មួយកន្លែង របស់មេឈ្មួញ ឈ្មោះ ថា រកស៊ីជួញដូរព្រៃឈើច្រើនឆ្នាំកន្លងមកហើយ សមត្តកិច្ចនិងមន្ដ្រីជំនាញមិនដែលធ្វើការបង្ក្រាប​  ||   

» ព័ត៌មានជាតិ » អាជ្ញាធរ​ខណ្ឌដូនពេញ​ឃាត់​ឡាន​CCHR​​មួយគ្រឿង​ពាក់ព័ន្ធ​​នឹង​អ្នកភូមិ​បឹងកក់

អាជ្ញាធរ​ខណ្ឌដូនពេញ​ឃាត់​ឡាន​CCHR​​មួយគ្រឿង​ពាក់ព័ន្ធ​​នឹង​អ្នកភូមិ​បឹងកក់

​ភ្នំពេញ​៖ រថយន្ត​របស់​មជ្ឈមណ្ឌល​សិទ្ធិមនុស្ស​កម្ពុជា​មួយគ្រឿង កាលពី​ព្រឹក​ពុធ​នេះ​ត្រូវបាន​អាជ្ញាធរ​ខណ្ឌដូនពេញ​ឃាត់ទុក​នៅ​តំបន់​បឹងកក់​ខណៈ​រថយន្ត​មួយគ្រឿង​នេះ​ជួយ​ដឹក​សម្ភារៈ​មួយចំនួន​របស់​ប្រជា​សហគមន៍​បឹងកក់​ដែល​បាន​ដង្ហែ​ជា​ក្បួន​ទៅ​តុលាការ​កំពូល​ទាមទារ​ឲ្យ​ដោះលែង​អ្នកស្រី​យ៉ោ​ម​បុប្ផា​។​
​ប្រជា​សហគមន៍​ដែលមាន​ជម្លោះដីធ្លី​នៅ​រាជធានី​ភ្នំពេញ​នៅ​ម៉ោង​ប្រមាណ​១០​កន្លះ​ព្រឹក​ម្សិលមិញ បាន​តវ៉ា​នៅ​សាលាខណ្ឌ​ដូនពេញ​ដោយ​ទាមទារ​ឲ្យ​អាជ្ញាធរ​ប្រគល់​សម្ភារៈ​ខ្លួន​ដែល​ត្រូវបាន​រឹបអូស ។​សម្ភារៈ​សម្រាប់​ការតវ៉ា​របស់​ពួកគាត់​រួមមាន​ឧបករណ៍​បំពង់​សំឡេង​បដា​ស្គរ​ម៉ូតូ​កង់​បី​និង​សម្ភារៈ​ផ្សេងៗ​ទៀត​ត្រូវបាន​រឹបអូស​ដោយ​អាជ្ញាធរ​ខណ្ឌដូនពេញ ដោយសារ​ខ្លាច​ពួកគាត់​ចេញមុខ​តវ៉ា​។​
​លោក​វណ្ណ​សុផាត​មន្ត្រី​សម្របសម្រួល​គម្រោង​កំណែទម្រង់​ដីធ្លី​របស់​CCHR  មានប្រសាសន៍ថា​ការហាមឃាត់​រថយន្ត​នោះ​មិនមាន​មូលដ្ឋាន​ច្បាស់លាស់​និង​មិនបាន​បញ្ជាក់​ពី​ហេតុផល​។​លោក​បន្ថែមថា​រថយន្ត​របស់​CCHR មាន​ដាក់​ជា​អាវយឺត​ទង់ជាតិ​ទឹក​សុទ្ធ​ផ្កាឈូក​ធូប​និង​ឧបករណ៍​បំពង​សំឡេង​ផ្សេងៗ​។​
ប្រជា​សហគមន៍​ដែលមាន​ទំនាស់​ដីធ្លី​ជាង​៣០០​នាក់  បាន​ដង្ហែ​ក្បួន​ពី​វត្តភ្នំ​មក​តុលាការ​កំពូល​ទាមទារ​ឲ្យ​ស្ថាប័ន​មួយ​នេះ​ដោះលែង​សកម្មជន​ដីធ្លី​អ្នកស្រី​យ៉ោ​ម​បុប្ផា​ដែល​បាន​ជាប់ពន្ធនាគារ​មួយឆ្នាំ​មកហើយ​។​ការចេញមុខ​ដង្ហែ​តវ៉ា​ក្រោយ​ការបោះឆ្នោត​នេះ​ធ្វើឡើង​ចំពេល​គម្រប់​មួយឆ្នាំ​នៃ​ការជាប់​ពន្ធនាគារ​រប​ស់​អ្នកស្រី​។​ប្រជា​សហគមន៍​ទាំងនោះ
​មានដូចជា​សហគមន៍​បឹងកក់​បុរី​កីឡា​ថ្មគោល​និង​សហគមន៍​ផ្សេងៗ​ទៀត​។​
​មន្ត្រី​សាលាខណ្ឌ​បាន​ប្រាប់​អ្នក​តវ៉ា​ថា​សម្ភារៈ​ដែល​ត្រូវបាន​រឹបអូស​នោះ​មិន​ស្ថិតនៅ​សាលាខណ្ឌ​ដូនពេញ​ទេ​តែ​អ្នក​តវ៉ា​មិន​ជឿ​មន្ត្រី​ខណ្ឌ​ឡើយ​។​ក្នុងការ​ប្រមូលផ្តុំ​នេះ​មាន​អាជ្ញាធរ​ប្រមាណ​៣០​នាក់​កំពុង​តាមដាន​សកម្មភាព​រប​ស់​អ្នក​តវ៉ា​។​អ្នក​តវ៉ា​បាន​ឡើងលើ​របង​សាលាខណ្ឌ​ដោយ​ស្រែក​ឲ្យ​ប្រគល់​របស់របរ​មក​ឲ្យ​ពួកគេ​វិញ​៕
​ដោយ​៖ នាយ​ដន​

Copyright © 2010-2021 · អរិយធម៌ · All Rights Reserved.
Develop by Sek Sathya