ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ និងបក្ខពួក ជះឥទ្ធិពលដ៏អាក្រក់​  ||     ក្លិនស្អុយបែកធ្លាយមកក្រៅ ពីរឿងលោក ហ៊ួ សេន ហៅ សុខ ណា ជាមន្ត្រីយោធាអធិការកិច្ច និងអ្នកកាសែតពីររូបឈ្មោះ សាមុត និង ឈ្មោះ ពុជ និងបក្ខពួកផ្សេងទៀតបានគម្រាម និងជំរិតយកលុយពីប្រជាពលរដ្ឋ២គ្រួសារ ដែលរស់នៅភូមិសំពោចឃុំឃ្សឹមអស់ចំនួន៤លាន៨០ម៉ឺនរៀល​  ||     អ្នកធ្វើសកម្មភាពបំផ្លាញព្រៃឈើ និងទន្ទ្រានកាន់កាប់ដីព្រៃ នៅតែអាចគេចផុតពីសំណាញ់ច្បាប់​  ||     លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||   

» ព័ត៌មានជាតិ » រោងចក្រ Day Up ដោះស្រាយ​រួចហើយ​ជាមួយ​កូដ​ករ​ដែល​ផ្អាក​ការងារ​រយៈ​៨​ថ្ងៃ ​

រោងចក្រ Day Up ដោះស្រាយ​រួចហើយ​ជាមួយ​កូដ​ករ​ដែល​ផ្អាក​ការងារ​រយៈ​៨​ថ្ងៃ ​

ភ្នំពេញ​: បន្ទាប់ពី​ធ្វើ​កូដកម្ម​ចំនួន ៨ ថ្ងៃ​កន្លងមក កម្មករ​កម្មការិនី​ត្រូវបាន​ភាគី​ខាង​រោងចក្រ​អនុញ្ញាត​ឲ្យ​ចូលធ្វើ​ការងារ​ឡើងវិញ ដូច​ធម្មតា ដោយ​មិន​កាត់​ប្រាក់ខែ នៅ​ព្រឹក​ថ្ងៃទី​៤ ខែកញ្ញា ឆ្នាំ​២០១៣ បន្ទាប់ពី​មានការ​ចរចា​រវាង​តំណាង​សហភាព​ពលកម្ម​ជាតិ​កម្ពុជា និង​ភាគី​ថៅកែ​រោងចក្រ និង​មន្ត្រី​ក្រសួង​ការងារ​ទទួលបន្ទុក​ដោះស្រាយ​វិវាទ
រួចមក​។ រោងចក្រ​នោះ ស្ថិតនៅ​ភូមិ​ព្រៃ​សាលា សង្កាត់​កា​កាប ខណ្ឌ​ពោធិ៍​សែន​ជ័យ រាជធានី​ភ្នំពេញ​។​
លោក សំ សឿន ប្រធាន​សហភាព​ពលកម្ម​ជាតិ​កម្ពុជា បាន​និយាយប្រាប់​នៅ​ព្រឹក​ថ្ងៃទី​៤ ខែកញ្ញា ឆ្នាំ​២០១៣​នេះ​ថា ក្រុមការងារ​របស់លោក នៅ​ថ្ងៃទី​២ ខែកញ្ញា បាន​ជួល​ម៉ូតូ​រ៉ឺម៉ក ចំនួន ១៥​គ្រឿង ក្នុង​គោលបំណង​លើកគ្នា​ហែ​ក្បូន មកកាន់​តុលាការ​ក្រុងភ្នំពេញ ដើម្បី​សុំ​លុប​ដីកា​រក្សា​ការពារ ហើយ​នៅពេលនោះ ក៏​ត្រូវបាន​មន្ត្រី​ក្រសួង​ការងារ
បណ្តុះបណ្តាល​និង​វិជ្ជាជីវៈ ទទួលបន្ទុក​ខាង​ដោះស្រាយ​វិវាទ​ការងារ បាន​មកដល់​កន្លែង​រោងចក្រ ដើម្បី​ធ្វើការ​សម្របសម្រួល​ជាមួយ​ភាគី​សហភាព​ពលកម្ម​ជាតិ​កម្ពុជា​សាជាថ្មី ឡើងវិញ ដើម្បី​បញ្ចប់ទំនាស់​។​
លោក សំ សឿន បាន​បន្តទៀតថា ការចរចា នៅ​ព្រឹក​ថ្ងៃទី​២​កញ្ញា គឺ​បាន​លទ្ធផល​ជា​វិជ្ជមាន​ល្អ​តាម​គោលការណ៍​របស់​កម្មក​រ ក៏ដូចជា​សហជីព​ពលកម្ម​កម្ពុជា​ផងដែរ​។​
​ក្រុមការងារ​សហភាព​ពលកម្ម ជាតិ​កម្ពុជា បានទាមទារ​ទៅ​ថៅកែ​រោងចក្រ ចំនួន ២០ ចំណុច ហើយ​ភាគី​រោងចក្រ ក៏បាន​ទទួលយក​ទាំង ២០ ចំណុច ដោយបាន​ឯកភាពគ្នា​ជា​ផ្លូវការ មាន​ជាអាទិ៍ រោងចក្រ​បាន​ជួល​រថយន្ត​ឲ្យ​កម្មករ ក្នុង​ម្នាក់​ជិះ មក​ធ្វើការ​ចំនួន ១០ ដុល្លារ ហើយ​ភាគី​រោងចក្រ បាន​បន្ថែម​ប្រាក់ ១០ ដុល្លារ​ទៀត ពីលើ​ថ្លៃឈ្នួល​ជិះ
​រថយន្ត​។​
ដោយឡែក ជនដៃដល់ ៣ នាក់ ដែលមាន​ឈ្មោះ យ៉ង់ រិទ្ធី ជា​មេខ្លោង ត្រូវបាន​ភាគី​ខាង​រោងចក្រ Day Up ព្យួរការងារ​មិន​ឲ្យ​ចូលធ្វើ​ការងារ​វិញ​ទេ ដោយ​ផ្អែក​តាម​ពាក្យបណ្តឹង ដែល​សហភាព​ពលកម្ម​ជាតិ​កម្ពុជា បាន​ប្តឹង​តម្កល់​ពីបទ បង្ក​របួសស្នាម បណ្តាល​កម្មករ​ពីរ​នា​ក់ មាន​របួស​រួចមក​។  យ៉ា រិទ្ធី និង​បក្ខពួក គឺ​នៅ​រង់ចាំ​នីតិវិធី​របស់​តុលាការ ឲ្យ​ចូលធ្វើការ​វិញ ឬ​មិន​ឲ្យ​ចូល​នោះ គឺ​ភាគី​ខាង​រោងចក្រ អនុវត្តតាម​នីតិវិធី​របស់​តុលាការ​ក្រុងភ្នំពេញ​៕

ដោយ​៖ នាយ​ក្អែកខ្មៅ​

Copyright © 2010-2021 · អរិយធម៌ · All Rights Reserved.
Develop by Sek Sathya