ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក លឹម លក្ខណ៍ ដែលចូលក្របខ័ណ្ឌ ៣ឆ្នាំ ទទួលមុខតំណែងជានាយរងការិយាល័យសន្តិសុខឯកជន នៃស្នងការដ្ឋាននគរបាលខេត្តកណ្តាល ពាក់ស័ក្តិ៤យ៉ាងហំ ហើយល្បីថា រត់ការបន្តយកតំណែងជាស្នងការរង ខេត្តកណ្តាល?​  ||     ជនល្មោភលុយកាក់ យកសាសនាព្រះយ៉េស៊ូវ ធ្វើអាជីវកម្ម បានឈូសឆាយដីកប់សពបងប្អូនអ្នកជឿព្រះយ៉េស៊ូវ ពុះជាដីឡូតិលក់ បង្កភ្ញាក់ផ្អើលខ្លំាង នៅសៀមរាប​  ||     បែកធ្លាយ ! លោក ជា វណ្ណៈ និងលោក ថន សឿន សង្ស័យពាក់ព័ន្ធនឹងការកាប់បំផ្លាញព្រៃឈើ នៅតំបន់អូរហ៊ុច ដែលកម្លាំងចម្រុះចុះបង្ក្រាបពីម្សិលមិញ​  ||     ហេតុអីក៏នាយនគរបាលម្នាក់នេះ  ទើបចូលក្របខ័ណ្ឌនគរបាលជាតិ បាន៣ឆ្នាំសោះ ពាក់ស័ក្តិ៤ និងមានតំណែងជានាយរងការិយាល័យថែមទៀត?​  ||     ទីតាំងស្តុកឈើឥតច្បាប់មួយកន្លែង របស់មេឈ្មួញ ឈ្មោះ ថា រកស៊ីជួញដូរព្រៃឈើច្រើនឆ្នាំកន្លងមកហើយ សមត្តកិច្ចនិងមន្ដ្រីជំនាញមិនដែលធ្វើការបង្ក្រាប​  ||   

» ព័ត៌មានជាតិ » ឈ្មួញ​ធំៗ​កំពុង​នេសាទ​​ត្រី​ពេល​រដូវ​ហាម​ឃាត់​ក្នុងភូមិ​ចំនួន​៣ ​

ឈ្មួញ​ធំៗ​កំពុង​នេសាទ​​ត្រី​ពេល​រដូវ​ហាម​ឃាត់​ក្នុងភូមិ​ចំនួន​៣ ​

បាត់ដំបង ៖ ប្រជាពលរដ្ឋ​ក្នុងភូមិ​ក្បាល​តោ​ល ភូមិ​ព្រែក​ទាល់​និង​ភូមិ​ពាក់​កន្ទេល ស្ថិតក្នុង​ឃុំ​កោះ​ជី​វាំង ស្រុក ឯក​ភ្នំ ដែលជា​តំបន់​អភិរក្ស​ឡូត៍​នេសាទ​លេខ​១ និង​តំបន់​អភិរក្ស​ឡូត៍​លេខ​២ គ្រប់គ្រង​ដោយ​មន្ត្រីសង្កាត់ ជលផល​ក្បាល​តោ​ល និង​មន្ត្រីសង្កាត់​ជលផល កំពង់​ប្រហុក បាន​អះអាងថា មន្ត្រី​ទាំងនោះ​បង្ក្រាប​បានតែ​អ្នក នេសាទ​តូចតាច រីឯ
​អ្នកនេសាទ​ធំៗ ហាក់បីដូចជា​ដឹង​ព័ត៌មាន​មុន​ជានិច្ច មិនដែល​ចាប់បាន​ម្តងណា​ឡើយ​។​
ប្រជាពលរដ្ឋ​និយាយថា ពួកគាត់​លួច​ដាក់​ស្បៃ​មុង​ជាង​១០​ម៉ែត្រ ក៏ត្រូវ​មន្ត្រី​ទាំងនោះ​ដឹង​ភ្លាម ហើយ​ចាប់យក ភ្លែត​។ ប៉ុន្តែ​សំរាប់​ឈ្មួញ​ធំៗ​ដែល​គេ​ដាក់​ស្បៃ​មុង​ពណ៌​ខ្មៅ​ឬ​ពណ៌​ក្រហម ចាប់ពី​១០០០​ម៉ែត្រ​ដល់​ជិត​៣០០០ ម៉ែត្រ មិន​ធ្លាប់​បានឃើញ​មន្ត្រីសង្កាត់​ជលផល​ទាំង​២​ចុះ​ចាប់បាន​ម្តងណា​ឡើយ​។​
ប្រជាពលរដ្ឋ​បាន​រិះគន់​មន្ត្រី​ទាំង​២​សង្កាត់​នោះ​ថា អាចមាន​ការឃុបឃិត​ពុករលួយ​ហើយ​ផ្តល់ព័ត៌មាន​ឲ្យ​ដឹង មុននឹង​ចុះទៅ​បង្ក្រាប​តំបន់​ទាំង​៣​ភូមិ​នោះ​។  ប្រជាពលរដ្ឋ​បាន​បន្តថា «​ការចុះ​បង្ក្រាប​ទ្រង់ទ្រាយ​ធំៗ​របស់​មន្ត្រី ទាំង​២​សង្កាត់​នោះ ហាក់បីដូចជា​ក្រុម​ឈ្មួញ​ធំៗ​ដឹង​ដំណឹង​មុន រួច​នាំគ្នា​ពន្លិច​ស្បៃ​មុង ចូលទៅក្នុង​ទឹក​ធ្វើ​ឲ្យ​មន្ត្រី
ទាំងនោះ​មើលមិនឃើញ​ឬ​មិនដឹង​»​។ ប៉ុន្តែ​ក្រោយពី​មន្ត្រី​ទាំង​២​សង្កាត់​នោះ​ឡើងមក​វិញ គឺ​ក្រុម​ឈ្មួញ​ទាំងនោះ ចាប់ផ្តើម​លើក​ស្បៃ​មុង​និង​បង្គោល​ឡើងវិញ​។ ដោយឡែក​អ្នកនេសាទ​តូចតាច​ជា​លក្ខណៈ​គ្រួសារ​គឺ​រត់​មិនដែល រួច​នោះទេ ព្រោះ​គ្មាន​នរណា​ប្រាប់​ព័ត៌មាន​មុន​។​
ប្រជាពលរដ្ឋ​បាន​រិះគន់​លើ​មន្ត្រីសង្កាត់​ជលផល​ទាំង​២​នោះ​ថា «​ពួកគេ​មានឱកាស​ប្រមូល​លុយ​បាន​ច្រើន​ក្នុង រដូវ​បិទ​នេសាទ​នេះ​» ព្រោះ​ពួកគេ​ជា​អ្នកផ្តល់​ភ្លើង​ខៀវ​ដល់​ឈ្មួញ​អ្នកនេសាទ​ធំៗ​ទាំងនោះ​។ ប្រជាពលរដ្ឋ​បាន បន្តថា ការចុះទៅ​បង្ក្រាប​ម្តងៗ​គឺជា​យុទ្ធសាស្ត្រ​«​គោះ​ទឹក​ឲ្យ​ត្រី​រត់​ចូល​ស៊ង​ប៉ុណ្ណោះ​»​។
ការរក​ត្រី​ក្នុង​រដូវ​ហាមឃាត់ គឺ​វា​ខុស​ធ្ងន់ធ្ងរ​ណាស់​ទៅហើយ រីឯ​អ្វីដែល​កាន់តែ​ខុស​ធ្ងន់​ជាងនេះទៅទៀត​គឺ ពួក​ឈ្មួញ​រកត្រី​ក្នុង​ដែន​អភិរក្ស​ឡូត៍​លេខ​១​និង​និង​ឡូត៍​លេខ​២​។ ការដែល​ឈ្មួញ​ធ្វើបែបនេះ​បាន ព្រោះតែ​មន្ត្រី សង្កាត់​ជលផល​ទាំង​២​នោះ បើកដៃ​ប្រយោជន៍​បិទ​ភ្នែក​ទទួល​លុយ​ពុករលួយ ចង់​នរណា​រកត្រី​ក្នុង​ដែន​អភិរក្ស​ឬ ក៏​រកត្រី
​ក្នុង​រដូវ​ត្រី​ពង​កូន​ក៏​មិន​ខ្វល់​ដែរ ឲ្យ​តែ​ពួក​អញ​បាន​លុយ​ដាក់​ហោប៉ៅ​គឺ​ចប់​។ បើ​បណ្តែតបណ្តោយ​តែ របៀបនេះ ច្បាស់​ជា​អ្នកស្រុក​ឯក​ភ្នំ​គ្មាន​ត្រី​ទទួលទាន​ទេ នៅ​ឆ្នាំ​ខាងមុខ​។​
ប្រជាពលរដ្ឋ​សំណូមពរ​ដល់​បណ្ឌិត ណៅ ធួ​ក ចុះទៅ​ត្រួត​ពិនិត្យមើល​ការងារ​មន្ត្រីជលផល​ស​ង្កា​ត់​ទាំង​២​នោះ ផង ជៀសវាង​«​ក្របី​បាត់​ទើប​ធ្វើ​របង​ដល់ពេល​ប្រឡង​ទើប​ខំ​សិក្សា​»​។ ជុំវិញ​ការលើកឡើង​របស់​ប្រជាពលរដ្ឋ នេះ កាសែត​អរិយធម៌​មិនអាច​សុំ​ការពន្យល់​ពី​មន្ត្រីសង្កាត់​ជលផល​ទាំង​២​នោះបានទេ​៕ ដោយ​៖​តា​បណ្ឌិត

Copyright © 2010-2021 · អរិយធម៌ · All Rights Reserved.
Develop by Sek Sathya