ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក ជា ពៅ ហៅ ហួ តំណាង ក្រុមហ៊ុន សៀ ម៉ុ​ន លួចកាប់ឈើក្នុងតំបន់បរិស្ថាន ដាក់ចូលក្រុមហ៊ុន បម្លែងជាឈើស្របច្បាប់​  ||     ល្បីឈ្មោះលោកជា ពៅ ហៅ ហួ កាប់ឈើ ដឹកឈើ នៅស្ទឹងត្រែង​  ||     ឈ្មួញ​ឈ្មោះ ណាង ឈ្មួញរិទ្ធ និងឈ្មួញឈ្មោះ ទូ កំពុងធ្វើសកម្មភាពដឹកជញ្ជូនឈើពីស្រុកពេជ្រាដា ទៅស្រុកយួនតាមច្រកដាក់ដាំ យ៉ាងពេញបន្ទុក​  ||     អាជីវកម្មរណ្តៅដី  មានការឃុបឃិតជាប្រព័ន្ធ ភូមិពារាំង ឃុំរាប ស្រុកពារាំង នៅព្រៃវែង​  ||     បែកធ្លាយ! លោកយ៉េន ម៉ង់ ប្រធានសហគមន៍ ព្រៃលិចទឹកសាមគ្គីកំពង់គោររងការចោទប្រកាន់ ពីមហាជនគ្រប់មជ្ឈដ្ឋានថា ដីព្រៃលិចទឹកសម្រាប់ត្រីបន្តពូជពងកូន ត្រូវរលាយអស់ហើយ​  ||   

» ព័ត៌មានជាតិ » នគរបាល​ឃាត់ខ្លួន​ប្តី​ប្រពន្ធ​វ័យក្មេង​ពាក់ព័ន្ធ​និង​ករណី​ជួញដូរ​ក្មេងស្រី​ឆ្លងដែន​ទៅ​ប្រទេស​ចិន​ ​

នគរបាល​ឃាត់ខ្លួន​ប្តី​ប្រពន្ធ​វ័យក្មេង​ពាក់ព័ន្ធ​និង​ករណី​ជួញដូរ​ក្មេងស្រី​ឆ្លងដែន​ទៅ​ប្រទេស​ចិន​ ​

ភ្នំពេញ​៖​កម្លាំង​នគរបាល​ការិយាល័យ​ប្រឆាំង​ការ​ជួញ​មនុស្ស​និង​ការពារ​អនីតិជន​រាជធានី​ភ្នំពេញ​ឃាត់ខ្លួន​ប្តី​ប្រពន្ធ​វ័យក្មេង​២​នាក់​នៅ​ក្នុង​ព្រលាន​យន្តហោះ​អន្តរជាតិ​ភ្នំពេញ​បាន​ជាក់ស្តែង​ពាក់ព័ន្ធ​និង​ករណី​ជួញដូរ​ក្មេងស្រីៗ​ពី​កម្ពុជា​ទៅ​ប្រទេស​ចិន​ដោយ​ខុសច្បាប់ ។
​ករណី​ឃាត់ខ្លួន​ជនសង្ស័យ​ខាងលើ​នេះ បាន​ធ្វើឡើង​កាលពី​វេលា​ម៉ោង​០៩​និង​៣៥​នាទី​យប់​នា​ថ្ងៃ​ទី​០១ ខែ​កញ្ញា ឆ្នាំ​២០១៥ នៅ​ក្នុង​ព្រលាន​យន្តហោះ​អន្តរជាតិ​ភ្នំពេញ ខណ្ឌ​ពោ​ធ៍​សែន​ជ័យ ។​
​តាម​ប្រភព​ពី​សមត្ថកិច្ច បានឲ្យដឹងថា ជនសង្ស័យ​ទាំង​២​នាក់ ទី​១​ឈ្មោះ តូ ម៉ា អាយុ​២៥​ឆ្នាំ​(​ប្ដី​)​និង​ទី​២ ឈោះ្ម ណៃ ធា​រី អាយុ​២៤​ឆ្នាំ​(​ប្រពន្ធ​) ពីរ​នាក់​ប្តី​ប្រពន្ធ​នេះ បានធ្វើ​សកម្មភាព អូសទាញ់​នារី​ក្មេងៗ​
​នាំ​ទៅ​យក​ប្តី​នៅ​ប្រទេស​ចិន​។ ចំណែក​ជនរងគ្រោះ​ទាំង​ពីរ​នាក់ ទី​១​ឈោះ្ម ហេង ឆេង​ថា​វី ភេទ​ស្រី អាយុ ២៤​ឆ្នាំ និង​ទី​២ ឈោះ្ម ព្រុំ ស្រស់ ភេទ​ស្រី អាយុ​២២​ឆ្នាំ​។​
​សមត្ថកិច្ច​បន្ត​ទៀត​ថា ជនសង្ស័យ ឈ្មោះ ណៃ ធា​រី មាន​បងស្រី​នៅ​ប្រទេស​ចិន ឈ្មោះ នី រស់នៅ​ប្រទេស​ចិន ហើយ​ផ្ញើ​លុយ​មក​ឲ្យ​ជនសង្ស័យ ដើម្បី​រក​នារី​ក្មេងៗ​យក​ទៅ​ប្រទេស​ចិន ហើយ​ក្នុង​ម្នាក់​គឺ​បាន​ប្រាក់​ជិត​មួយ​ម៉ឺន​ដុល្លា​ផងដែរ ហើយ​ជន​សង្ស័យធា្ល​ប់​នាំចេញ បាន​ម្នាក់​ហើយ និង​ធ្លាប់​រៀប ចំ​ធ្វើ​លិខិតឆ្លងដែន ដើម្បី​នាំចេញ​៥​នាក់​ទៀត​តែ​មិនទាន់​បាន​ចេញ​ផង លើក​នេះ​បាន​នាំ​ចេញ​ពីរ​នាក់ ក៏​ត្រូវបាន​កម្លាំង​ការិយាល័យ​ប្រឆាំង​ការជួញដូរ​មនុស្ស​និង​ការពារ​អនីតិជន បង្ក្រាប់​បាន​ជាក់ស្តែង​តែ​ម្តង ។​
​បច្ចុប្បន្ន​ជនសង្ស័យ​ទាំង​២​នាក់​ត្រូវបាន​ឃុំខ្លួន​បណ្ដោះអាសន្ន​នៅ ការិយាល័យ​ប្រឆាំង​ការ ជួញដូរ​មនុស្ស​និង​ការពារ​អនីតិជន​ដើម្បី​កសាង​សំណុំរឿង​បញ្ជូន​ខ្លួន​ទៅ​សាលាដំបូង​រាជធានី​ភ្នំពេញ ចាត់ការ​តាម​នីតិវិធី ៕
11947489_423107027874393_8032186278535361942_n 11949353_423107037874392_348830849210721206_n

Copyright © 2010-2021 · អរិយធម៌ · All Rights Reserved.
Develop by Sek Sathya