ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី! សៀ ម៉ុ​ន ខ្លាំងមែន មិន​ត្រឹម​ទិញ​ព្រៃ​ក្រៅ​តំបន់ទេ មាន​ប្រមូល​​ឈើ​ប្រណីត​រាប់​សិប​តោន​ចូល​​ទៀត​  ||     លោក ទិត្យ អឿន កំពុងតែយកអាជ្ញាប័ណ្ណ ជាអ្នកសារព័ត៌មានទៅកាងបទល្មើស ការកាប់ឆ្ការ ទន្រ្ទានយកដីព្រៃលិចទឹករបស់រដ្ឋ ចែកគ្នាលក់?​  ||     ភ្ញាក់ផ្អើល! ស្រូវពលរដ្ឋកំពុងតែរកច្រកចេញមិនបានផង បែរអាងខ្លួនជាប៉ូលិស មកចាំជំរិតគេទៅវិញ មន្រ្តីថោកអី គ្មានគិតដល់ទុក្ខលំបាកពលរដ្ឋ បែរជាយកតួនាទីមករកស៊ីគាបជំរិតស្រស់ៗ ?​  ||     លោក ជា ពៅ ហៅ ហួ តំណាង ក្រុមហ៊ុន សៀ ម៉ុ​ន លួចកាប់ឈើក្នុងតំបន់បរិស្ថាន ដាក់ចូលក្រុមហ៊ុន បម្លែងជាឈើស្របច្បាប់​  ||     ល្បីឈ្មោះលោកជា ពៅ ហៅ ហួ កាប់ឈើ ដឹកឈើ នៅស្ទឹងត្រែង​  ||   

» ព័ត៌មានជាតិ » ក្រុមអ្នកកាសែត នៅ​ខេត្ត​រតនគិរី រួម​គ្នា​ប្តឹង អភិបាលខេត្ត ក្រោយ​ទទួល​សារ​អប់រំ ​

ក្រុមអ្នកកាសែត នៅ​ខេត្ត​រតនគិរី រួម​គ្នា​ប្តឹង អភិបាលខេត្ត ក្រោយ​ទទួល​សារ​អប់រំ ​

រតនគិរី​៖​អ្នកព័ត៌មាន​ក្នុង​ខេត្ត​រតនគិរី ៣២​អង្គភាព នៅ​ថ្ងៃនេះ​បាន​ប្រមូលផ្តុំ​គ្នា​ផ្តិតមេដៃ​ប្តឹង លោក ថង សាវុន អភិបាលខេត្ត​រតនគិរី ទៅ​ក្រុមប្រឹក្សា​អ្នកសារព័ត៌មាន​កម្ពុជា និង​ក្លឹប​អ្នកកាសែត​កម្ពុជា បន្ទាប់​ពី​អ្នកសារព័ត៌មាន​មួយចំនួន ទទួលបាន​សារ​អេឡិចត្រូនិក តាម​ប្រព័ន្ធ Line បន្ទាប់ពី​ពួកគេ​ទទួលបាន​សារ​អប់រំ​មួយ​ចំនួន​ពី​លោក​អភិបាលខេត្ត កុំឲ្យ​យក អាជីព​ជា​អ្នក​ព័ត៌មាន​ទៅ​ប្រព្រឹត្ត​បទល្មើស ឬ​ជំរិត​ទារលុយ​ពី​ក្រុម​រកស៊ី​បទល្មើស​។​
​ក្រុម​អ្នក​ព័ត៌មាន​បាន​ប្តឹង លោក ថង សាវុន អភិបាលខេត្ត​រតនគិរី ពី​បទ​គំរាមកំហែង​អាយុជីវិត ក្រុមគ្រួសារ​អ្នកកាសែត និង​សិទ្ធិ​សេរីភាព​អ្នក​សារពត៌មាន​។​
​បណ្តឹង​ចោទប្រកាន់​លោក​អភិបាលខេត្ត​រតនគិរី បាន​កើតមានឡើង បន្ទាប់​អ្នកយក​ព័ត៌មាន​ឲ្យ​ស្ថានីយ​ទូរទស្សន៍​បាយ័ន ប្រចាំ​ខេត្ត​រតនគិរី លោក សុខ គឹម​សន កាលពី​យប់​ថ្ងៃ​ទី​២៤ ខែ​សីហា ឆ្នាំ​២០១៥ កន្លងទៅនេះ ត្រូវបាន​អភិបាលខេត្ត​រតនគិរី លោក ថង សាវុន ផ្ញើ​សារ​តាម​ប្រព័ន្ធ Line ទៅ​អប់រំ​លើ​ក​រូប​លោក​ពាក់​ព័ន្ធ​វិជ្ជាជីវៈ​អ្នកសារព័ត៌មាន​។​
​ក្នុង​សារ​នោះ លោក ថង សាវុន បាន​សរសេរ​ពី​សកម្មភាព​របស់​អ្នកកាសែត ដែល​ធ្វើ​ហួស​ដែន​សមត្ថកិច្ច​របស់​ខ្លួន ដូចជា​ប្រមូលផ្តុំ​គ្នា​នៅតាម​ដងផ្លូវ ដេញ​ប្រមាញ់​ម៉ូតូ និង​រថយន្ត​ដឹកឈើ ហើយ​មួយចំនួន​ទៀត អង្គុយ​នៅ​តាម​ហាង​កាហ្វេ ដើម្បី​ប្រមាញ់​អ្នក​ប្រព្រឹត្ត​ល្មើស ដែល​អាច​ផ្តល់​ផលប្រយោជន៍​ដល់​ខ្លួន​ជា​ដើម​។​
​នៅក្នុង​សារ​នោះ លោក ថង សាវុន បាន​បន្តថា បើ​តាំង​ចិត្តជា​អ្នកសារព័ត៌មាន ត្រូវ​ធ្វើ​ឲ្យ​គ្រប់​ជ្រុងជ្រោយ ឈរ​លើ​ការទទួលខុសត្រូវ​ក្នុង​ការបញ្ចេញ​ព័ត៌មាន ដែល​ការផ្សាយ​ព័ត៌មាន​មិន​ពិត ធ្វើឲ្យប៉ះពាល់​ដល់​កិត្តិយស និង​វាសនា​អ្នកដទៃ ដែល​ទាំងនោះ​ធ្វើឲ្យ​សារព័ត៌មាន​ឃ្លាតឆ្ងាយ​ពី​សង្គម ហើយ​អ្នក ដែល​ទទួលរង​ផលប៉ះពាល់ គឺ​ប្រពន្ធ និង​កូនៗ​របស់ខ្លួន​។ លោក​មិន​អនុញ្ញាត ឲ្យ​ក្រុម​អ្នកសារព័ត៌មាន ធ្វើអំពើ​ខុស​ច្បាប់​សម្រាប់​ក្រពះ យក​ស្លាក​អ្នកការ​សែត ធ្វើ​អីចឹង​តទៅទៀត​។​
​ក្រោយពី​បាន​ទទួល​សារ​របស់ លោក ថង សាវុន អភិបាលខេត្ត​រតនគិរី ដូច​បាន​រៀបរាប់​ខាងលើ នៅ​ព្រឹក​ថ្ងៃទី​២៧ ខែ​សីហា ឆ្នាំ​២០១៥​កន្លងទៅ ក្រុមអ្នកកាសែត និង​ទូរទស្សន៍​មួយចំនួន បាន​ផ្តិតមេដៃ​ប្តឹង​លោក​អភិបាលខេត្ត ទៅ​ប្រធាន ក្រុមប្រឹក្សា​អ្នកសារព័ត៌មាន​កម្ពុជា និង​ក្លឹប​អ្នកកាសែត​កម្ពុជា ដើម្បីឲ្យ​ជួយ​អន្តរាគម​ន៍​ក្នុងករណីនេះ​។​
​ទោះជា​មាន​ការ​អង្គុយ តាម​ហាង​កាហ្វេ ក៏​មិនមែន​ជា​ការដាក់​កុងត្រូល​ជជុះ ឬ​មាន​អ្នករកស៊ី​បទល្មើស​ណាមួយ បង់លុយ​ឲ្យ​ដែរ គ្រាន់​តែ​អ្នក​សែត​មួយចំនួន អង្គុយ​ចំ​ច្រក​ដែល​ក្រុម​ឈ្មួញ តែងតែ​ធ្វើ​សកម្មភាព​ដឹកឈើ​តាម​ម៉ូតូ និង​រថយន្ត​មក​ពី​ស្រុក​អូរ​ជុំ ស្រុក​វ៉ើន​សៃ និង​ស្រុក​តា​វែង ដែល​នាំឲ្យ​មាន​ការរាំងស្ទះ ដល់​សកម្មភាព​របស់​ក្រុម​ឈ្មួញ ហើយ​នាំឲ្យ​លោក​អភិបាលខេត្ត មាន​ការយល់ច្រឡំ​និង​មាន​ការ​មិន​ពេញចិត្ត​៕
CH-01157

Copyright © 2010-2021 · អរិយធម៌ · All Rights Reserved.
Develop by Sek Sathya