ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ភ្ញាក់ផ្អើល! ស្រូវពលរដ្ឋកំពុងតែរកច្រកចេញមិនបានផង បែរអាងខ្លួនជាប៉ូលិស មកចាំជំរិតគេទៅវិញ មន្រ្តីថោកអី គ្មានគិតដល់ទុក្ខលំបាកពលរដ្ឋ បែរជាយកតួនាទីមករកស៊ីគាបជំរិតស្រស់ៗ ?​  ||     លោក ជា ពៅ ហៅ ហួ តំណាង ក្រុមហ៊ុន សៀ ម៉ុ​ន លួចកាប់ឈើក្នុងតំបន់បរិស្ថាន ដាក់ចូលក្រុមហ៊ុន បម្លែងជាឈើស្របច្បាប់​  ||     ល្បីឈ្មោះលោកជា ពៅ ហៅ ហួ កាប់ឈើ ដឹកឈើ នៅស្ទឹងត្រែង​  ||     ឈ្មួញ​ឈ្មោះ ណាង ឈ្មួញរិទ្ធ និងឈ្មួញឈ្មោះ ទូ កំពុងធ្វើសកម្មភាពដឹកជញ្ជូនឈើពីស្រុកពេជ្រាដា ទៅស្រុកយួនតាមច្រកដាក់ដាំ យ៉ាងពេញបន្ទុក​  ||     អាជីវកម្មរណ្តៅដី  មានការឃុបឃិតជាប្រព័ន្ធ ភូមិពារាំង ឃុំរាប ស្រុកពារាំង នៅព្រៃវែង​  ||   

» ព័ត៌មានជាតិ » តុលាការ​សម្រេច​ចេញ​ដីកា​កោះហៅ សា​សា ឲ្យចូល​ខ្លួន​ឆ្លើយបំភ្លឺ​ជា​បន្តបន្ទាប់​ ​

តុលាការ​សម្រេច​ចេញ​ដីកា​កោះហៅ សា​សា ឲ្យចូល​ខ្លួន​ឆ្លើយបំភ្លឺ​ជា​បន្តបន្ទាប់​ ​

បាត់ដំបង​៖ កញ្ញា ឯក សុជាតា ហៅ​សា​សា អតីត​ពិធី​ការិនី នៅ​ស្ថានីយ​ទូរទស្សន៍ CTN កំពុងតែ​ប្រឈមមុខ​នឹង​ការបញ្ជាឲ្យ​នាំខ្លួន ពី​សំណាក់​តុលាការ ប្រសិនបើ​ព្រះរាជអាជ្ញា ចេញ​ដីកា​កោះហៅ​ជា​លើក​ទី​២ នាពេល​ខាងមុខ​នេះ នាង​នៅ​តែ​គេចវេស មិន​ព្រម​ចូលខ្លួន​ទៅ​ឆ្លើយបំភ្លឺ តាម​ការកោះហៅ​ទេនោះ​។​
​សូមបញ្ជាក់​ថា កាលពី​ថ្ងៃ​ទី​២៧ ខែ​សីហា ឆ្នាំ​២០១៥ កន្លងទៅនេះ ព្រះរាជអាជ្ញារង អម​សាលាដំបូង ខេត្ត​បាត់ដំបង បាន​ចេញ​ដីកា​កោះហៅ កញ្ញា សា​សា ឲ្យចូល​បំភ្លឺ ក្នុង​សំណុំរឿង​គ្រោះថ្នាក់​ចរាចរណ៍ ដែល​បាន​កើតឡើង កាលពី​ថ្ងៃ​ទី​២ ខែ​សីហា ឆ្នាំ​២០១៥​កន្លងទៅ នៅ​ទី​រួម​ខេត្តបាត់ដំបង ប៉ុន្តែ​នាង​មិន​បាន​ចូល បំភ្លឺ​តាម​ការកោះហៅ​ឡើយ សូម្បី​តែ​មូលហេតុ​នៃ​ការ​អវត្តមាន​នេះ ក៏​នាង​មិន​បាន​ជូនដំណឹង​ទៅ​តុលាការ​ដែរ​។​
​មន្ត្រី​តុលាការ​បាន​អះអាងថា ក្រោយ​ពី​កោះហៅ​លើក​ទី​១ នាង​មិន​ចូលខ្លួន និង​មិន​បាន​ជូនដំណឹង​តប​មក​វិញ​នោះ តុលាការ​នឹង​ធ្វើ​ការកោះហៅ ឲ្យចូល​ខ្លួន ជា​លើក​ទី​២ ទៀត នាពេលខាងមុខ តែ​មិន​បាន​បញ្ជាក់ថា ត្រូវ​កោះហៅ​ឲ្យចូល​ខ្លួន នៅ​ថ្ងៃ​ណា​នោះឡើយ​។ អ្នក​ច្បាប់​មួយ​រូប​បាន​លើកឡើង​ថា បើ​ព្រះរាជអាជ្ញា​កោះហៅ លើក​ទី​២ កញ្ញា សា​សា នៅតែ​មិន​ព្រម​ចូល​ខ្លួន និង​មិន​ព្រម​ប្រាប់ ពី​មូលហេតុ​ទៀត​នោះ ព្រះរាជអាជ្ញា អាច​នឹង​សម្រេច​ធ្វើការ ចោទប្រកាន់ រួចហើយ​បញ្ជូន សំណុំរឿង ទៅ​ចៅក្រម​ស៊ើបសួរ ហើយ​ចៅក្រម អាច​ចេញ​ដីកា​បង្គាប់ ឲ្យ​នាំខ្លួន​តែ​ម្ដង​។​
​គួរបញ្ជាក់​ថា តុលាការខេត្ត​បាត់ដំបង បាន​កោះហៅ​កញ្ញា សា​សា ឲ្យចូល​បំភ្លឺ​នៅ ថ្ងៃទី​២៧ ខែ​សីហា ឆ្នាំ​២០១៥ ពាក់ព័ន្ធ​នឹ​ករណី​បង្ក គ្រោះថ្នាក់​ចរាចរណ៍ កាលពី​យប់​ថ្ងៃ​ទី​២ ខែ​សីហា ឆ្នាំ​២០១៥ កន្លងទៅ ដោយ កញ្ញា សា​សា និង​មិត្តភក្តិ​២​នាក់​ទៀត បាន​ផឹក​ស៊ីក្នុង​ហាង «​តោ​ពីរ​» ក្នុង​ក្រុង​បាត់ដំបង រួច​បើករថយន្ត​ម៉ាក Porsche ពណ៌​ស ពាក់​ស្លាក​លេខ ភ្នំពេញ 2AD-7888 ក្នុងស្ថានភាព​ស្រវឹង ទៅ​បុក​អ្នកជិះ​ម៉ូតូ​សណ្ដោង រ៉ឺម៉ក​ដឹក​ទឹកកក បណ្ដាលឲ្យ​ម្ចាស់​ម៉ូតូ​រង​របួស​។​
​ក្រោយ​បង្ក​គ្រោះថ្នាក់ គេ​ឃើញ​មិត្តភក្តិ ចេញមុខ​ដោះស្រាយ​បញ្ចប់រឿង ហើយ សា​សា ត្រូវបាន​មិត្តភក្តិ​ជំលៀស តាម​រថយន្ត​មួយ​គ្រឿង​ទៀត​ទៅ​បាត់ ។ លុះ​ស្អែក​ឡើង សារព័ត៌មាន បាននាំគ្នា​សរសេរ ដោយយោង​ប្រភព​ពី​សាក្សី​ថា រថយន្ត​បង្ក​គ្រោះថ្នាក់ គឺ​គេ​ស្គាល់​ថា ជិះ​ដោយ​កញ្ញា សា​សា ជាមួយ​មិត្តភក្តិ​ម្នាក់ទៀត ។ ប៉ុន្តែ​កញ្ញា សា​សា បាន​ចេញមុខ ធ្វើការ​បដិសេធ​ថា ខ្លួន​មិន​បាន​នៅក្នុង ហេតុការណ៍​នោះ​ទេ គឺ​យប់​កើតហេតុ ខ្លួន​កំពុងតែ​នៅ ក្នុង​ប្រទេស​ថៃ ហើយ​អះអាងថា រថយន្ត​បង្ក​គ្រោះថ្នាក់ ពាក់​ស្លាក​លេខ ភ្នំពេញ 2AD-7888 គឺ​ជា​រថយន្ត​របស់​មិត្តភក្តិ​នាង នៅ​ខេត្ត​បាត់ដំបង​។​
​ក្រៅពី​អះអាង​ខាងលើនេះ សា​សា នៅ​បាន​ប្រើ​សម្ដី​វាយប្រហារ​ទៅលើ​អ្នកសារព័ត៌មាន​ថា ផ្សាយ​ព័ត៌មាន​បំភ្លើស បង្ខូច​កិត្តិយស​របស់​នាង ហើយ​ថែមទាំង គំរាម​ប្ដឹង​ថែម​ទៀត ទើប​សមត្ថកិច្ច​ចាប់ផ្ដើម បើក​ការស៊ើបអង្កេត រក​ការពិត​ឡើងវិញ ដោយ​ចុង​ក្រោយ មាន​ភស្ដុតាង ជាច្រើន​ដូចជា កាមេរ៉ា​សុវត្ថិភាព នៅ​ហាង​តោ​ពីរ បញ្ជាក់ថា នៅ​យប់កើតហេតុ កញ្ញា សា​សា កំពុង​អង្គុយ​ផឹកស៊ី ជាមួយ​មិត្តភក្តិ​នៅ​ទីនោះ​ជាដើម រួម​ទាំង​សាក្សី​មួយចំនួន​ទៀត​ផង ទើប​សមត្ថកិច្ច សម្រេច​កសាង​សំណុំរឿង បញ្ជូនទៅ​តុលាការ​តែម្ដង​។​
​បន្ទាប់ពី​មាន​ករណី​គ្រោះថ្នាក់​ចរាចរណ៍ កើតឡើង​រួចមក កាលពី​ព្រឹក​ថ្ងៃទី​១៤ ខែ​សីហា កន្លងទៅ ព្រះរាជអាជ្ញារង​ខេត្ត​បាត់ដំបង បាន​កោះហៅ មិត្តភក្តិ ២​នាក់ របស់ កញ្ញា សា​សា ចំនួន​២​នាក់ សាកសួរ​ព័ត៌មាន អំពី​បញ្ហា​គ្រោះថ្នាក់​ខាងលើនេះ ។ ប៉ុន្តែ​ពួកគេ​បាន​ឆ្លើយ​យក​រួច​ខ្លួន​ពោល​គឺ​ត្រូវបាន​គេ ចាត់ទុកថា «​សក់​អ្នកណា​ក្បាល​អ្នក​ហ្នឹង​» ទើប​តុលាការ សម្រេច​ចេញ​ដីកា​កោះហៅ សា​សា ឲ្យចូល​ខ្លួន​ឆ្លើយបំភ្លឺ​ជា​បន្តបន្ទាប់​តែម្ដង​៕
11945009_1468098790162324_779307559_n

Copyright © 2010-2021 · អរិយធម៌ · All Rights Reserved.
Develop by Sek Sathya