ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោកឧត្តមសេនីយ៍ទោ ឡោ សុខា ស្នងការខេត្តមណ្ឌលគិរី កំពុងស្រាវជ្រាវវែករកមុខជនបង្កើតឲ្យមានបទល្មើសព្រៃឈើ​  ||     សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||   

» ព័ត៌មានជាតិ » ប៉ូលិស​​ក្រុង​ប៉ោយប៉ែត​ប្រមូល​លុយ​ពី​ភាព​អនាធិបតេយ្យ​គ្មាន​សណ្ដាប់ធ្នាប់​នៅ​រង្វង់​មូល​ប៉ោយប៉ែត​ ​

ប៉ូលិស​​ក្រុង​ប៉ោយប៉ែត​ប្រមូល​លុយ​ពី​ភាព​អនាធិបតេយ្យ​គ្មាន​សណ្ដាប់ធ្នាប់​នៅ​រង្វង់​មូល​ប៉ោយប៉ែត​ ​

បន្ទាយមានជ័យ​៖​សមត្ថកិច្ច​ប៉ូលិស​ក្រុង​ប៉ោយប៉ែត​កំពុងតែ​សប្បាយ​នឹង​ការប្រមូល​លុយ​ពី​ភាពអនាធិបតេយ្យ​ឥត​សណ្ដាប់ធ្នាប់​របស់​ក្រុម​អ្នករត់​តាក់ស៊ី ដែល​ចាប់​គាបសង្កត់​ពលករ​ចំណាក់ស្រុក​ដែល​ថៃ​ចាប់បញ្ជូន​មកវិញ​នៅ​រង្វង់​មូល​ប៉ោយប៉ែត ក្រុង​ប៉ោយប៉ែត​ខេត្តបន្ទាយមានជ័យ​ដោយ​ពុំ​ខ្វល់​ពី​ការរិះគន់​របស់​ភ្ញៀវ​អន្តរជាតិ​ដែល​ចូលមក
​ទស្សនា​នៅ​ប្រទេស​កម្ពុជា​ឡើយ​។​
​    ​តាម​ប្រភពព័ត៌មាន​ពី​ក្រុង​ប៉ោយប៉ែត​បានអោយដឹងថា ភាពអនាធិបតេយ្យ​ឥត​សណ្ដាប់ធ្នាប់​កើតឡើង​ជា​រៀងរាល់ថ្ងៃ​តាំងពី​ព្រលឹម​ទល់​ព្រលប់​ដោយសារតែ​ការឈប់​ចត​រថយន្ត​របស់​ក្រុម​អ្នករត់​តាក់ស៊ី​លើ​សងខាង​ផ្លូវ​និង​ការដណ្ដើម​ចាប់​ម៉ូយ​ពី​សំណាក់​អ្នក​ចាប់​ម៉ូយ​ដាក់​រថយន្ត​និង​អ្នក​ដូរ​លុយ​ទៅលើ​ពលករ​ខ្មែរ​ចំណាកស្រុក​ដែល
​ថៃ​ចាប់បញ្ជូន​មកវិញ តាម​ច្រកទ្វារ​អន្តរជាតិ​ប៉ោយប៉ែត​យ៉ាង​ប្រសេចប្រសាច​ដោយមាន​ការ​ប្រទាញ​ប្រ​ទុង​អីវ៉ាន់​យកទៅដាក់​រថយន្ត​រៀង ៗ ខ្លួន​លើផ្លូវ​ធ្វើអោយមាន​ការកកស្ទះ​ចរាចរណ៍ និង​រំខាន​ដល់​ការធ្វើដំណើរ​របស់​ភ្ញៀវទេសចរ​។
តៃកុង​ឡាន​ដែល​មិន​ពេញចិត្ត​នឹង​ការយក​លុយ​របស់​សម​ត្ថ​កិច្ច​បាន​និយាយថា ពួកគេ​ត្រូវ​បង់លុយ​ជូន​សមត្ថកិច្ច​តាម​ប្រភេទ​រថយន្ត​ដែល​ពួកគេ​ប្រើប្រាស់​គឺ​សម្រាប់​រថយន្ត​កាមរី​ដែល​ដឹក​អ្នកដំណើរ​ធម្មតា​ក្នុង​មួយគ្រឿង​ត្រូវ​បង់លុយ​អោយ​ប៉ូលិស​5000​រៀល តែ​ចំពោះ​រថយន្ត​ដែល​ដឹក​ពលករ​ខ្មែរ​ដែល​ថៃ​ចាប់បញ្ជូន​មកវិញ​ពី​ប៉ោយប៉ែត
​មកកាន់​ទី​រួម​ខេត្តបន្ទាយមានជ័យ​គឺ​ត្រូវ​បង់លុយ​ជូន​លោក​ប៉ូលិស​ក្រុង​ប៉ោយប៉ែត​ក្នុង​មួយ​ឡាន 10000​រៀល​។
​ក្រៅពី​បង់​អោយ​ប៉ូលិស​ត្រូវ​បង់​អោយ​ខាង​ចំណត​ឡាន​5000​រៀល​ទៀត និយាយ​រួម​ពួកគេ​ត្រូវ​ចំណាយលុយ 25000​រៀល​ក្នុង​មួយ​ជើង​។​ចំពោះ​រថយន្ត​ប្រភេទ​តួ​រី​សត្រូវ​បង់លុយ​អោយ​ប៉ូលិស​ថ្លៃ​ជាង​រថយន្ត​តូច​។​
​មហាជន​នៅ​ប៉ោយប៉ែត បាន​និយាយថា វា​ពិតជា​ធ្វើអោយ​ប្រទេស​កម្ពុជា​យើង​អាម៉ាស់មុខ​ណាស់​ដែល​ទាំង​សមត្ថកិច្ច និង​ក្រុម​អ្នករត់​តាក់ស៊ី​ប្រព្រឹត្ត​នូវ​ទង្វើ​អនាធិបតេយ្យ​បែបនេះ ។ សមត្ថកិច្ច​គួរតែ​ធ្វើ​ការរៀបចំ​សណ្តាប់ធ្នាប់​អោយមាន​របៀបរៀបរយ មិនគួរ​បណ្តោយ​អោយមាន​ភាពអនាធិបតេយ្យ​ឈប់​រថយន្ត​ពេញ​ផ្លូវ​និង
​ការចាប់​ប្រទាញប្រទង់​អីវ៉ាន​ពី​ពលករ​ចំណាកស្រុក​ដែល​ថៃ​ចាប់បញ្ជូន​មកវិញ​ដូច្នេះ​ទេ​។​
​លោក ង៉ោ ម៉េង​ជ្រួ​ន អភិបាលក្រុង​ប៉ោយប៉ែត​បាន​ប្រាប់​អរិយធម៌​ថា ចំពោះ​បញ្ហា​ខាងលើនេះ​ទាំង​រូបលោក​និង​លោក​អភិបាលខេត្ត​ព្រមទាំង​គណៈកម្មការ​ចំរុះ​នឹង​ចុះ​រៀបចំ​មិន​អោយមាន​បន្តទៀត​ទេ​។​
​គួរ​រំលឹក​ផងដែរ​ថា អ៊ុំ សុផល អធិការ​ក្រុង​ប៉ោយប៉ែត​រកប្រាក់​ចំណូល ពី​រថយន្ត​ទាំង​នោះបាន​យ៉ាងច្រើន​ដោយ​មិន​ខ្វល់​ពី​ភាពអនាធិបតេយ្យ​ឥត​សណ្តាប់ធ្នាប់​ទ្បើ​យ​៕ ដោយៈ សម្បត្តិ​សីហា


Copyright © 2010-2021 · អរិយធម៌ · All Rights Reserved.
Develop by Sek Sathya