ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក ទិត្យ អឿន កំពុងតែយកអាជ្ញាប័ណ្ណ ជាអ្នកសារព័ត៌មានទៅកាងបទល្មើស ការកាប់ឆ្ការ ទន្រ្ទានយកដីព្រៃលិចទឹករបស់រដ្ឋ ចែកគ្នាលក់?​  ||     ភ្ញាក់ផ្អើល! ស្រូវពលរដ្ឋកំពុងតែរកច្រកចេញមិនបានផង បែរអាងខ្លួនជាប៉ូលិស មកចាំជំរិតគេទៅវិញ មន្រ្តីថោកអី គ្មានគិតដល់ទុក្ខលំបាកពលរដ្ឋ បែរជាយកតួនាទីមករកស៊ីគាបជំរិតស្រស់ៗ ?​  ||     លោក ជា ពៅ ហៅ ហួ តំណាង ក្រុមហ៊ុន សៀ ម៉ុ​ន លួចកាប់ឈើក្នុងតំបន់បរិស្ថាន ដាក់ចូលក្រុមហ៊ុន បម្លែងជាឈើស្របច្បាប់​  ||     ល្បីឈ្មោះលោកជា ពៅ ហៅ ហួ កាប់ឈើ ដឹកឈើ នៅស្ទឹងត្រែង​  ||     ឈ្មួញ​ឈ្មោះ ណាង ឈ្មួញរិទ្ធ និងឈ្មួញឈ្មោះ ទូ កំពុងធ្វើសកម្មភាពដឹកជញ្ជូនឈើពីស្រុកពេជ្រាដា ទៅស្រុកយួនតាមច្រកដាក់ដាំ យ៉ាងពេញបន្ទុក​  ||   

» ព័ត៌មានជាតិ » ងងុយដេក បើករថយន្ត​ហោះ​ធ្លាក់​ស្ពាន រងរបួស​ធ្ងន់​ស្រាល ៣​នាក់​

ងងុយដេក បើករថយន្ត​ហោះ​ធ្លាក់​ស្ពាន រងរបួស​ធ្ងន់​ស្រាល ៣​នាក់​

​ឧត្តរមានជ័យ​៖ រថយន្ត​កាមរី​បា​ឡែន​មួយគ្រឿង បាន​ហោះ​ធ្លាក់​ស្ពាន បណ្តាលឲ្យ​អ្នកបើកបរ និង​អ្នករួមដំណើរ​ពីរ​នាក់​ទៀត រងរបួស​ធ្ងន់​ស្រាល កាលពី​ម៉ោង ២​យប់​ថ្ងៃ​ទី​២៧ ខែ​សីហា ឆ្នាំ​២០១៥ តាម​បណ្តោយ​ផ្លូវ​លេខ​៦៧ ក្នុងភូមិ​លំ​ទង​ថ្មី ឃុំ​លំ​ទង ស្រុក​អន្លង់វែង​។ គ្រោះថ្នាក់​ចរាចរ​នេះ ត្រូវបាន​គេ​សន្និដ្ឋានថា បណ្តាលមកពី​អ្នកបើកបរ​ងងុយដេក​។​
​ប្រជាពលរដ្ឋ​នៅក្បែរ​កន្លែង​កើតហេតុ បានឲ្យដឹងថា មុនពេល​កើតហេតុ គេ​ឮ​សូរ​សំលេង​រថយន្ត​បើកបរ​ក្នុង​ទិសដៅ​ពី​ត្បូង​ទៅ​ជើង​ក្នុង​ល្បឿន​លឿន​។ លុះ​ដល់​កន្លែងកើតហេតុ ក៏​ឮ​សូរ​សំលេង​ក្តាំង​ដូច​ធ្លាក់​របស់​អ្វី​ម្យាង​ពីលើ​ស្ពាន ដោយ​ការ​មិន​អស់ចិត្ត ក៏​ក្រោក​ទៅ​មើល​ស្រាប់តែ​ឃើញ​រថយន្ត​ធ្លាក់​ស្ពាន ក៏​ស្រែកហៅ​គ្នីគ្នា និង អ្នកធ្វើ​ដំណើរ​តាម​ផ្លូវ​ទៅ​ជួយ និង​ដឹក​ជនរងគ្រោះ​ទៅ​សង្គ្រោះ​នៅ​មន្ទរីពេទ្យបង្អែក​ស្រុក​អន្លង់វែង​។​
​នគរបាល​ស្រុក​អន្លង់វែង បាន​និយាយថា ហេតុ​ការ​គ្រោះថ្នាក់​ចរាចរ​នេះ​បណ្តាលមកពី អ្នកបើកបរ​ងងុយដេក ហើយ​កន្លែង​កើតហេតុ​ត្រង់​ស្ពាន គឺជា​ចំណុច​ផ្លូវ​កោង​ខ្លាំង ទើប​បណ្តាលឲ្យ​មាន​គ្រោះថ្នាក់​បែប​នេះ​តែម្តង​។ នគរ បាល​ស្រុក​បាន​បន្តទៀតថា អ្នក​ជិះ​នៅ​ក្នុង​រថយន្ត​មាន​គ្នា ៣​នាក់ រងរបួស​ធ្ងន់​១​នាក់ ស្រាល​២​នាក់​។​
​ជនរងគ្រោះ​ទី​១. ឈ្មោះ អ៊ូរ ទិ​ត្យ ភេទ​ប្រុស អាយុ ២៧​ឆ្នាំ រង​របួសស្រាល​, ទី​២. ឈ្មោះ អ៊ូរ ចាន់ ភេទ​ប្រុស អាយុ​២៥​ឆ្នាំ រង​របួសស្រាល និង​ទី​៣. ឈ្មោះ លី​ស ស្រី​ណាក់ ភេទ​ស្រី (​មាន​ផ្ទៃពោះ​) អាយុ ៣៤​ឆ្នាំ រងរបួស​ធ្ងន់​។ ជនរងគ្រោះ​ទាំង​៣​នាក់ រស់នៅ​ភូមិ​អន្លង់វែង ឃុំ​កន្ទួត ស្រុ​ជាំ​ក្សាន្ត ខេត្ត​ព្រះវិហារ​៕11888102_159822934353647_6750329553594562274_n 11914029_159822891020318_5127374443609580287_n 11935109_159822921020315_7615361286749179651_n

Copyright © 2010-2021 · អរិយធម៌ · All Rights Reserved.
Develop by Sek Sathya