ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក ជា ពៅ ហៅ ហួ តំណាង ក្រុមហ៊ុន សៀ ម៉ុ​ន លួចកាប់ឈើក្នុងតំបន់បរិស្ថាន ដាក់ចូលក្រុមហ៊ុន បម្លែងជាឈើស្របច្បាប់​  ||     ល្បីឈ្មោះលោកជា ពៅ ហៅ ហួ កាប់ឈើ ដឹកឈើ នៅស្ទឹងត្រែង​  ||     ឈ្មួញ​ឈ្មោះ ណាង ឈ្មួញរិទ្ធ និងឈ្មួញឈ្មោះ ទូ កំពុងធ្វើសកម្មភាពដឹកជញ្ជូនឈើពីស្រុកពេជ្រាដា ទៅស្រុកយួនតាមច្រកដាក់ដាំ យ៉ាងពេញបន្ទុក​  ||     អាជីវកម្មរណ្តៅដី  មានការឃុបឃិតជាប្រព័ន្ធ ភូមិពារាំង ឃុំរាប ស្រុកពារាំង នៅព្រៃវែង​  ||     បែកធ្លាយ! លោកយ៉េន ម៉ង់ ប្រធានសហគមន៍ ព្រៃលិចទឹកសាមគ្គីកំពង់គោររងការចោទប្រកាន់ ពីមហាជនគ្រប់មជ្ឈដ្ឋានថា ដីព្រៃលិចទឹកសម្រាប់ត្រីបន្តពូជពងកូន ត្រូវរលាយអស់ហើយ​  ||   

» ព័ត៌មានជាតិ » ឃាតករ​២​នាក់​ឪពុក​និង​កូន ប្លន់​សម្លាប់​យក​ម៉ូតូ​មន្ត្រី​ធម្មការ​ខេត្ត ​

ឃាតករ​២​នាក់​ឪពុក​និង​កូន ប្លន់​សម្លាប់​យក​ម៉ូតូ​មន្ត្រី​ធម្មការ​ខេត្ត ​

កំពង់ឆ្នាំង​៖    ជនដៃដល់​ជា​ឃាតករ និង​ជន​ផ្សំគំនិត​ជា​ឪពុក ត្រូវបាន​សមត្ថកិច្ច​ស្រាវជ្រាវ​ចាប់ខ្លួន ក្រោយពេល​កើតហេតុ​បាន​៣​ថ្ងៃ បន្ទាប់ពី​ពួកគេ បាន​ប្លន់​យក​ម៉ូតូ ម៉ាក​ហុងដា​ឌ្រី​ម ស៊េរី​ឆ្នាំ​២០១៥ មួយគ្រឿង របស់​មន្ត្រី​ធម្មការ​ខេត្ត កាលពី​យប់​ថ្ងៃ​ទី​១៧ ខែ​សីហា ឆ្នាំ​២០១៥ នៅតាម​ផ្លូវ​ព្រៃ​ស្ងាត់ ស្ថិតក្នុង ភូមិ​ក្រោល​ជី ឃុំ​ពពេល ស្រុក​បរិបូណ៌​។​
ជនដៃដល់​ជា​កូន​មាន​ឈ្មោះ អេង សុខា អាយុ​២០​ឆ្នាំ មុខរបរ​មិន​ពិតប្រាកដ ជា​អ្នក​វាយ​សម្លាប់​ជនរងគ្រោះ​ដោយ​ប្រើ​អង្រែបុកគ្រឿង​, និង​ជនដៃដល់ ជា​ឪពុក មានឈ្មោះ ជឹម សុផាត អាយុ​៤៣​ឆ្នាំ ជា​អ្នកបើកបរ​រថយន្ត​ឱ្យ​ព្រះសង្ឃ​នៅ​វត្ត​ជាង​ហ្លួង​។ ពួកគេ​រស់នៅ​ក្នុង​ភូមិ​ក្រោល​ជី ឃុំ​ពពេល ស្រុក​បរិបូណ៌ ត្រូវបាន​សមត្ថកិច្ច​ចាប់ខ្លួន​កាលពី​វេលា​ម៉ោង​១​រសៀល ថ្ងៃទី​២០ ខែ​សីហា ឆ្នាំ​២០១៥ នៅក្នុង​វត្ត​ជាង​ហ្លួង ឃុំ​ពពេល តែម្ដង​។ ជនរងគ្រោះ​មានឈ្មោះ យ៉ា​ត សុជាតិ អាយុ​២៧​ឆ្នាំ ជា​មន្ត្រី​មន្ទីរ​ធម្មការ​ខេត្ត និង​ជា​គ្រូបង្រៀន ពុទ្ធិកៈ​បឋមសិក្សា​វត្ត​ខ្សាម ស្នាក់នៅ ភូមិ​ត្រោក​ខាងលិច ឃុំ​ស្រែ​ថ្មី ស្រុក​រលាប្អៀរ​។
មុនពេល​កើតហេតុ ឈ្មោះ អេង សុខា បាន​លួច​លុយ​ជីដូន​៤​លាន​រៀល មក​ដេក​ស៊ីចាយ​នៅ​ក្រុង​កំពង់ឆ្នាំង បាត់​ពី​ផ្ទះ​រយៈពេល​១​ខែ ដោយ​ភូតភរ​ឪពុក និង​ជីដូន​ថា លុយ​នោះ​បាន​យក​មក​ឱ្យ​មិត្តភក្ដិ​ខ្ទី​នៅក្រុង​កំពង់ឆ្នាំង​។​

​នៅ​ម៉ោង​៨​យប់ ថ្ងៃទី​១៦ ខែ​សីហា ឆ្នាំ​២០១៥ ឈ្មោះ សុខា បាន​ឱ្យ​ឪពុក​ឈ្មោះ ជឹម សុផាត ដឹក​ខ្លួន​តាម​ម៉ូតូ​មក​ក្រុង​កំពង់ឆ្នាំង ដោយ​ភ​រថា មក​ទារ​លុយ​ដែល​គេ​ជំពាក់​២​លាន​រៀល​។ ពេលមកដល់​សួនច្បារ​មុខ​សាលាខេត្ត​កំពង់ឆ្នាំង ឈ្មោះ អេង សុខា បាន​ទូរស័ព្ទ​ហៅ​ឈ្មោះ យ៉ា​ត សុជាតិ ជា​មិត្តភក្ដិ ឱ្យ​មកជួប​ខ្លួន និង​បាន​ខ្ចីលុយ​១​ម៉ឺន​រៀល ឱ្យ​ឪពុក​របស់​ខ្លួន ចាក់​សាំង​ត្រឡប់ទៅផ្ទះ​វិញ​។ បន្ទាប់មក​ពួកគេ​ទាំង​២​នាក់ បាន​ទៅ​ច្រៀង​លេង​នៅ​ហាង​កា​រ៉ា​អូ​ខេ និង​ពេល​ចេញ​មក​វិញ​បាន​ទៅ​ផឹកស្រា​បៀរ​អស់​២​ថូ​ទៀត រួច​ក៏​បន្តដំណើរ​ទៅ​ផឹក​នៅ​ផ្សារ​ព្រៃ​ខ្មែរ​ទៀត ប៉ុន្តែ​គេ​បិទ​តូប​អស់ ក៏​ត្រឡប់​ទៅ​ដេក​នៅ​ផ្ទះសំណាក់​មួយ នៅ​ភូមិ​ទួល​ក្រឡាញ់​។​

​នៅវេលា​ម៉ោង​១​រំលង​អធ្រាត​ទៅ​ហើយ  ឆ្លង​ចូល​ថ្ងៃទី​១៧ ខែ​សីហា ឆ្នាំ​២០១៥ ពួកគេ​ទាំង​២​នាក់ បាន​ជិះ​ម៉ូតូ​ទៅ​ហៅ​ស្រី​ស្នេហ៍​នៅ​ផ្លូវ​ចូល​ព្រលានយន្តហោះ ឃុំ​ពង្រ ក្នុង​បំណង​យកមក​ដេក​នៅ​ផ្ទះសំណាក់​ខាងលើ ប៉ុន្តែ​ស្រី​ស្នេហ៍​រូបនោះ មិន​លើក​ទូរស័ព្ទ​។ បន្ទាប់មក ជនល្មើស​បាន​ឱ្យ​ជនរងគ្រោះ ឌុប​ម៉ូតូ​ទៅ​ផ្ទះ​ខ្លួន​នៅ​ភូមិ​ក្រោល​ជី វិញ ដោយ​សន្យា​ឱ្យ​ថ្លៃ​២​ម៉ឺន​រៀល​។

​ពេល​ទៅដល់​ចំណុច​កើតហេតុ (​មានព្រៃ​ស្ងាត់​) ជនល្មើស​បាន​ចូល​ក្នុង​ខ្ទម​ស្រែ​មួយ​ដែល​គ្មាន​មនុស្ស​នៅ ហើយ​បាន​យក​អង្រែបុកគ្រឿង​មួយ មក​លប​វាយ​ជនរងគ្រោះ​ចំ​ក​ញ្ចឹង​.​ក ពីក្រោយ និង​វាយ​ចំ​បំពង់​.​ក​ពីមុខ  ចំនួន​៤​អង្រែ​ថែមទៀត បណ្ដាលឱ្យ​ស្លាប់ និង​បាន​អូស​សព​ជនរងគ្រោះ​ទៅ​ដាក់​នៅក្នុង​ព្រៃ​ក្បែរ​នោះ រួច​បើក​កែបម៉ូតូ​យកលុយ និង​លុយ​ក្នុង​ហោប៉ៅ បាន​២៤.០០០​រៀល និង​បាន​ជិះ​ម៉ូតូ​យក​ទៅ​ទុក​នៅ​ផ្ទះ​របស់​ខ្លួន​, ក្រោយមក​ត្រូវ​សមត្ថកិច្ច​ស្រាវជ្រាវ​ចាប់ខ្លួនបាន និង​កសាង​សំណុំរឿង​បញ្ជូន​ទៅកាន់​តុលាការខេត្ត​៕11887863_1669754293244045_8692915077450129846_n 11895948_1669754306577377_5140630115045478107_n 11914863_1669754299910711_4343516642163189146_n

Copyright © 2010-2021 · អរិយធម៌ · All Rights Reserved.
Develop by Sek Sathya