ប៉ោយប៉ែត៖ ក្រុមអ្នករកស៊ីអូសរទេះដឹកខោអាវគីបជជុះ ទៅលក់នៅផ្សាររ៉ុងក្លឿប្រទេសថៃ ត្រូវបាន សមត្ថកិច្ច អន្តោប្រវេសន៏ថៃ ហាមឃាត់មិនអនុញ្ញាតិអោយ ដឹកខោអាវគីបចូលទៅក្នុងប្រទេសទេស ថៃ បណ្តាលអោយ មាន ការកកស្ទះ នៅចំនុចមាត់ច្រកទ្វារអន្តរជាតិ ប៉ោយប៉ែត ជាច្រើនម៉ោង ដោយមិនទាន់មាន ដំណោះស្រាយ នៅឡើយទេបើទោះបីជាមាន ការកោះប្រជុំជាបន្ទាប់រវាងគណះកម្មការច្រកទ្វារ អន្តរជាតិ រវាង ប្រទេស ទាំងពីរកម្ពុជា .ថៃ ក៏ដោយ។
ហេតុការណ៏ខាងលើនេះ បានកើតឡើងកាលពីព្រឺកថ្ងៃទី ០២ ខែ កញ្ញា ឆ្នាំ២០១៣ ដោយក្រុម អ្នក អូសរទេះ ឆាលីដឹកខោអាវគីប ជជុះ ជាច្រើនគ្រឿងបានដាក់រទេះតំរៀបគ្នា តវ៉ា នៅក្រោមប្រាសាទ កំពូលបី ទឹកដីកម្ពុជា រងចាំដំណោះស្រាយពីភាគីថៃ ។
ក្រុមកម្មករអូសរទេះ បានថ្លែងអោយដឹងថា សមត្ថកិច្ចប៉ូលិសអន្តោប្រវេសន៏ថៃ បានធ្វើការឃាត់ទំនិញ រទេះដឹកគីបរបស់ពួកគេ មិនអោយដឹកចូលទៅក្នុងផ្សារ រ៉ុងក្លឿប្រទេសថៃឡើយដោយសមត្ថកិច្ច ថៃ គេនិយាយថា ជាប្រភេទទំនិញថ្មីមានបង្កប់នៅលាយជាមួយទំនិញគីបចាស់។ ប្រភេទទំនិញថ្មីនេះ ច្បាប់ស្រុកថៃ មិនអនុញ្ញាត
អោយនាំចូលឡើយ ពីព្រោះវាប៉ះពាល់ដល់ស្លាកយីហោរបស់គេ ។
ប្រភពបានបន្តថា បញ្ហាឆែកឆេរអោយចូលឬមិនអោយចូល វាជាជំនាញរបស់សមត្ថកិច្ចមន្ត្រីគយ មិនមែន ស្ថិតនៅលើ ប៉ូលិស អន្តោប្រទវេសន៏ទេ ពីព្រោះវាខុសនិងជំនាញ ប្រភពបន្តទៀតថា ទំនងជាប៉ូលិស ថៃទាំងនោះ ចង់កោសរ៉ូសលុយ បន្តែម លើកំរ៉ៃចាស់ ដែលពួកគេធ្លាប់បង់ជូនកន្លងមក។
សូមជំរាបផងដែរថា កាលពីថ្ងៃទី១ កញ្ញឆ្នាំ២០១៣ក៏មានព្រិត្តិកាណ៏ ស្ទុះចរាចណ៏ ប្រមាណ២០ នាទីផងដែរ នៅច្រកទ្វារអន្តរជាតិខាងលើនេះ រវាងក្រុមអាជីវករ លក់ដូរនៅផ្សាររ៉ុងក្លឿជាមួយសមត្ថកិច្ច អន្តោប្រវេសន៏កម្ពុជា ដែលទាមទាអោយពួកគេបិទស្ទីគ័រនៅលើ កញ្ចក់រថយន្តប៉ុន្តែពួកគេពុំព្រម ក៏កើតជារឿង ប្រកែកគ្នាស្ទើរក្លាយទៅជាបាតុកម្មទៀតផង ហើយករណីនេះ ក៏បានរំសាយទៅវិញ ដោយសារមានការសម្រប សម្រួលគ្នាអោយ
រថយន្តទាំងនោះ បានចេញចូលជាធម្មតាដូចដើម៕ ដោយ ខៀវ បូរី
» Breaking News, ព័ត៌មានជាតិ » ស្ទះចរាចរណ៍នៅច្រកទ្វារអន្តរជាតិប៉ោយប៉ែត ដោយសារប៉ូលិស ថៃរារាំងមិនអនុញ្ញាត អោយខ្មែរដឹកទំនិញគីបជជុះ ចូលទឹកដីថៃ
